لا توجد ترجمة عربية
(ⲁ︦) ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅
لا توجد ترجمة عربية
(ⲃ︦) ϫⲉ ⲓⲥ ϩⲁⲛⲙⲱⲟⲩ ⲉⲩⲉ̀ⲓ̀ ⲉ̀ⲡϣⲱⲓ ⲉ̀ⲃⲟⲗ ⲥⲁⲡⲉⲙϩⲓⲧ. ⲟⲩⲟϩ ⲉⲩⲉ̀ϣⲱⲡⲓ ⲉ̀ϩⲁⲛⲙⲟⲩⲛⲥⲱⲣⲉⲙ ⲉⲩϩⲱⲃⲥ. ⲟⲩⲟϩ ⲉⲩⲉ̀ϩⲱⲃⲥ ⲙ̀ⲡⲓⲕⲁϩⲓ ⲛⲉⲙ ⲡⲉϥⲙⲟϩ. ⲟⲩⲃⲁⲕⲓ ⲛⲉⲙ ⲛⲏ ⲉⲧϣⲟⲡ ⲛ̀ϧⲏⲧⲥ. ⲉⲩⲉ̀ⲱϣ ⲉ̀ⲡϣⲱⲓ ⲛ̀ϫⲉ ⲛⲓⲣⲱⲙⲓ ⲟⲩⲟϩ ⲉⲩⲉ̀ϣⲗⲏⲗⲟⲩⲓ ⲧⲏⲣⲟⲩ ⲛ̀ϫⲉ ⲛⲏ ⲉⲧϣⲟⲡ ϩⲓϫⲉⲛ ⲡⲓⲕⲁϩⲓ. ⲉ̀ⲃⲟⲗ ϩⲁ ⲧⲥⲙⲏ ⲛ̀ⲧⲉ ⲡⲟⲩⲟⲩⲟⲓ. ⲉ̀ⲃⲟⲗ ϩⲁ ⲛⲓϩⲟⲡⲗⲟⲛ ⲛ̀ⲧⲉ ⲛⲉϥϭⲁⲗⲁⲩϫ.
لا توجد ترجمة عربية
(ⲅ︦) ⲛⲉⲙ ⲉ̀ⲃⲟⲗ ϩⲁ ⲡⲙⲟⲛⲙⲉⲛ ⲛ̀ⲧⲉ ⲛⲉϥϩⲁⲣⲙⲁ ⲛⲉⲙ ⲧⲥⲙⲏ ⲛ̀ⲧⲉ ⲛⲉϥⲧⲣⲟⲭⲟⲥ. ϫⲉ ⲙ̀ⲡⲟⲩⲫⲟⲛϩⲟⲩ ⲛ̀ϫⲉ ϩⲁⲛⲓⲟϯ ⲉ̀ϫⲉⲛ ⲛⲟⲩϣⲏⲣⲓ ⲛ̀ⲧⲉ ⲡⲃⲱⲗ ⲉ̀ⲃⲟⲗ ⲛ̀ⲧⲉ ⲛⲟⲩϫⲓϫ
لا توجد ترجمة عربية
(ⲇ︦) ϧⲉⲛ ⲡⲓⲉϩⲟⲟⲩ ⲉⲑⲛⲏⲟⲩ. ⲉ̀ⲧⲁⲕⲟ ⲛ̀ⲛⲓⲁⲗⲗⲟⲫⲩⲗⲟⲥ ⲧⲏⲣⲟⲩ. ⲟⲩⲟϩ ⲉⲓⲉ̀ⲧⲁⲕⲉ ⲧⲩⲣⲟⲥ ⲛⲉⲙ ⲧⲥⲓⲇⲱⲛ ⲛⲉⲙ ⲡⲥⲱϫⲡ ⲧⲏⲣϥ ⲛ̀ⲧⲉ ⲧⲟⲩⲃⲟⲏⲑⲓⲁ ϫⲉ ⲟⲩⲏⲓ ⲉⲣⲉ ⲡϭ̅ⲥ̅ ϥⲉⲧ ⲡⲥⲱϫⲡ ⲛ̀ⲛⲓⲛⲏⲥⲟⲥ ⲉ̀ⲃⲟⲗ.
لا توجد ترجمة عربية
(ⲉ︦) ⲟⲩⲙⲉⲧⲕⲉⲣϩⲏ ⲁⲥⲓ̀ ⲉ̀ϫⲉⲛ ⲅⲁⲍⲁ. ⲟⲩⲟϩ ⲁⲥⲕⲁⲗⲱⲛ. ⲁⲩⲃⲉⲣⲃⲱⲣⲥ ⲉ̀ⲃⲟⲗ. ⲛⲉⲙ ⲡⲥⲱϫⲡ ⲛ̀ⲉⲛⲁⲕⲓⲙ.
لا توجد ترجمة عربية
(ⲋ︦) ϣⲁ ⲑⲛⲁⲩ ⲧⲉϣⲱⲧ ⲧⲥⲏϥⲓ ⲛ̀ⲧⲉ ⲡϭ̅ⲥ̅. ϣⲁ ⲑⲛⲁⲩ ⲛ̀ⲧⲉϩⲉⲣⲓ ⲙ̀ⲙⲟ ⲁⲛ. ⲙⲁⲧⲁⲥⲑⲟ ⲉ̀ⲡⲉⲕⲱⲓϩ ⲟⲩⲟϩ ⲙ̀ⲧⲟⲛ ⲙ̀ⲙⲟ ⲟⲩⲟϩ ⲧⲱⲟⲩⲛⲓ ⲉ̀ⲡϣⲱⲓ
لا توجد ترجمة عربية
(ⲍ︦) ⲡⲱⲥ ⲥⲛⲁϩⲉⲣⲓ. ⲡϭ̅ⲥ̅ ⲡⲉⲧⲁϥϩⲟⲛϩⲉⲛ ⲛⲁⲥ ⲉ̀ⲧⲱⲛⲥ ⲉ̀ϩⲣⲏⲓ ⲉ̀ϫⲉⲛ ⲁⲥⲕⲁⲗⲱⲛ ⲛⲉⲙ ⲉ̀ϫⲉⲛ ⲉ̀ⲥⲕⲉⲛ ⲫⲓⲟⲙ ⲛⲉⲙ ⲉ̀ϫⲉⲛ ⲡⲥⲱϫⲡ.
لا توجد ترجمة عربية
(ⲍ︦) ⲉⲑⲃⲉ ϯϩⲓⲇⲟⲩⲙⲉⲁ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅ ϫⲉ ⲙ̀ⲙⲟⲛ ⲥⲃⲱ ϫⲉ ϣⲟⲡ ϧⲉⲛ ⲑⲉⲙⲁⲛ ⲟⲩⲟϩ ⲁϥⲧⲁⲕⲟ ⲛ̀ϫⲉ ⲡⲓⲥⲟϭⲛⲓ ⲉ̀ⲃⲟⲗ ϩⲁ ⲛⲓⲕⲁⲧϩⲏⲧ. ⲟⲩⲟϩ ⲁⲥϣⲉ ⲛⲁⲥ ⲛ̀ϫⲉ ⲧⲟⲩⲥⲃⲱ. ⲟⲩⲟϩ ⲁⲩⲉⲣϩⲁⲗ ⲙ̀ⲡⲟⲩⲙⲁ.
لا توجد ترجمة عربية
(ⲏ︦) ϣⲱⲕ ⲛⲱⲧⲉⲛ ⲛ̀ⲟⲩⲙⲁⲛ̀ϩⲉⲙⲥⲓ. ⲛⲏ ⲉⲧϣⲟⲡ ϧⲉⲛ ⲇⲉⲇⲁⲙ ϫⲉ ⲁⲥⲓⲣⲓ ⲛ̀ϩⲁⲛϩⲃⲏⲟⲩⲓ ⲉⲩⲙⲟⲕϩ. ⲁⲓⲉⲛϥ ⲅⲁⲣ ϧⲉⲛ ⲡⲓⲥⲏⲟⲩ. ⲉⲧⲁⲓϣⲓⲛⲓ ⲉ̀ⲣⲟⲥ ⲙ̀ⲙⲟϥ.
لا توجد ترجمة عربية
(ⲑ︦) ϫⲉ ⲁⲩⲓ̀ ⲛ̀ϫⲉ ⲛⲓⲣⲉϥϣⲱⲗ. ⲛⲏ ⲉⲧⲉ ⲛ̀ⲥⲉⲛⲁⲥⲱϫⲡ ⲛⲉ ⲁⲛ ⲛ̀ϩⲁⲛⲥⲱϫⲡ. ⲙ̀ⲫⲣⲏϯ ⲛ̀ϩⲁⲛⲣⲉϥϭⲓⲟⲩⲓ ϧⲉⲛ ⲡⲓⲉϫⲱⲣϩ. ⲉⲩⲉ̀ⲓⲛⲓ ⲛ̀ⲛⲟⲩϫⲓϫ ⲉ̀ϫⲱⲥ
لا توجد ترجمة عربية
(ⲓ︦) ϫⲉ ⲁ̀ⲛⲟⲕ ⲁⲓⲱϣϯ ⲛⲏⲥⲁⲩ. ⲁⲓϭⲱⲣⲡ ⲛ̀ⲛⲏ ⲉⲧϩⲏⲡ ⲛ̀ⲧⲱⲟⲩ ⲉ̀ⲃⲟⲗ. ⲟⲩⲟϩ ⲛ̀ⲛⲟⲩϣ̀ϫⲉⲙϫⲟⲙ ⲛ̀ⲭⲱⲡ. ⲁⲩⲧⲁⲕⲟ ⲉⲑⲃⲉ ⲧϫⲓϫ ⲙ̀ⲡⲉϥⲥⲟⲛ ⲡⲁⲑⲉϣⲉ.
لا توجد ترجمة عربية
(ⲓ︦ⲁ︦) ⲟⲩⲟϩ ⲛ̀ⲛⲟⲩⲥⲱϫⲡ ⲛ̀ⲟⲩⲟⲣⲫⲁⲛⲟⲥ ⲛ̀ⲧⲉ ϩⲓⲛⲁ ⲛ̀ⲧⲉϥⲱⲛϧ. ⲟⲩⲟϩ ⲁ̀ⲛⲟⲕ ϯⲛⲁⲱⲛϧ ⲟⲩⲟϩ ⲛⲓⲭⲏⲣⲁ ⲁⲩⲭⲁ ϩⲑⲏⲟⲩ ⲉ̀ⲣⲟⲓ.
لا توجد ترجمة عربية
(ⲓ︦ⲃ︦) ϫⲉ ⲛⲁⲓ ⲛⲉ ⲛⲏ ⲉⲧⲁϥϫⲟⲧⲟⲩ ⲛ̀ϫⲉ ⲡϭ̅ⲥ̅. ϫⲉ ⲛⲏ ⲉⲧⲉ ⲙ̀ⲙⲟⲛⲧⲟⲩ ⲛⲟⲙⲟⲥ ⲉ̀ⲥⲱ ⲙ̀ⲡⲓⲁⲫⲟⲧ ⲁⲩⲥⲟϥ. ⲟⲩⲟϩ ⲛ̀ⲑⲟ ϧⲉⲛ ⲟⲩⲧⲟⲩⲃⲟ ⲛ̀ⲛⲉϥⲧⲟⲩⲃⲟ.
لا توجد ترجمة عربية
(ⲓ︦ⲅ︦) ϫⲉ ⲟⲩⲏⲓ ⲁⲓⲱⲣⲕ ⲙ̀ⲙⲟⲓ ⲡⲉϫⲉ ⲡϭ̅ⲥ̅. ϫⲉ ⲉⲣⲉ̀ϣⲱⲡⲓ ⲉⲩⲙⲁ ⲙ̀ⲡⲟⲩϩⲱⲙⲓ ϩⲓⲱⲧϥ ⲛⲉⲙ ⲟⲩϣⲱϣ. ⲛⲉⲙ ⲟⲩⲥⲁϩⲟⲩⲓ ϧⲉⲛ ⲧⲉⲥⲙⲏϯ. ⲟⲩⲟϩ ⲛⲉⲥⲃⲁⲕⲓ ⲧⲏⲣⲟⲩ ⲉⲩⲉ̀ϣⲱⲡⲓ ⲉ̀ⲡϣⲁϥⲉ ϣⲁ ⲉⲛⲉϩ.
لا توجد ترجمة عربية
(ⲓ︦ⲇ︦) ⲟⲩⲥⲙⲏ ⲁⲓⲥⲟⲑⲙⲉⲥ ⲉ̀ⲃⲟⲗ ϩⲓⲧⲉⲛ ⲡϭ̅ⲥ̅. ⲟⲩⲟϩ ⲁϥⲟⲩⲱⲣⲡ ⲛ̀ϩⲁⲛⲁⲅⲅⲉⲗⲟⲥ ⲉ̀ϩⲁⲛⲉⲑⲛⲟⲥ. ϫⲉ ⲑⲱⲟⲩϯ ⲟⲩⲟϩ ⲁⲙⲱⲓⲛⲓ ⲉ̀ⲣⲟⲥ. ⲟⲩⲟϩ ⲧⲉⲛ ⲑⲏⲛⲟⲩ ⲉ̀ⲡⲓⲡⲟⲗⲉⲙⲟⲥ.
لا توجد ترجمة عربية
(ⲓ︦ⲉ︦) ⲁⲓⲧⲏⲓⲕ ⲛ̀ⲟⲩⲕⲟⲩϫⲓ ⲛ̀ⲛⲓⲉⲑⲛⲟⲥ ⲉⲩⲉⲣⲕⲁⲧⲁⲫⲣⲟⲛⲓⲛ ⲙ̀ⲙⲟⲕ ϧⲉⲛ ⲛⲓⲣⲱⲙⲓ
لا توجد ترجمة عربية
(ⲓ︦ⲋ︦) ⲡⲉⲕⲥⲱⲃⲓ ⲉϥⲉ̀ⲉⲣⲛⲁⲓ ⲛⲁⲕ. ⲟⲩⲟϩ ⲡⲉⲛϣⲟⲧ ⲛ̀ⲧⲉ ⲡⲉⲕϩⲏⲧ ⲁϥⲃⲱⲗ ⲉ̀ⲃⲟⲗ ⲛ̀ϩⲁⲛⲃⲏⲃ ⲛ̀ⲧⲉ ϩⲁⲛⲡⲉⲧⲣⲁ. ⲁϥⲁⲙⲟⲛⲓ ⲛ̀ⲧϫⲟⲙ ⲛ̀ⲧⲉ ϩⲁⲛⲕⲁⲗⲁⲙⲫⲟ ⲉⲩϭⲟⲥⲓ. ϫⲉ ⲁϥϭⲓⲥⲓ ⲛ̀ⲛⲉϥⲙⲁⲥ ⲙ̀ⲫⲣⲏϯ ⲛ̀ⲟⲩⲁϧⲱⲙ ⲉⲓⲉ̀ⲉⲛⲕ ⲉ̀ⲡⲉⲥⲏⲧ ⲉ̀ⲃⲟⲗ ⲙ̀ⲙⲁⲩ.
لا توجد ترجمة عربية
(ⲓ︦ⲍ︦) ⲟⲩⲟϩ ⲉⲥⲉ̀ϣⲱⲡⲓ ⲛ̀ϫⲉ ϯϩⲓⲇⲟⲩⲙⲉⲁ ⲉⲩⲙⲁⲛⲁⲧⲙⲟϣⲓ. ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲑⲛⲁⲥⲉⲛⲥ ⲉϥⲉ̀ϣⲟⲕϣⲉⲕ ⲛ̀ⲣⲱϥ ⲉ̀ϩⲣⲏⲓ ⲉ̀ϫⲱⲥ.
لا توجد ترجمة عربية
(ⲓ︦ⲏ︦) ⲙ̀ⲫⲣⲏϯ ⲉⲧⲁⲩⲫⲱⲛϫ ⲛ̀ⲥⲟⲇⲟⲙⲁ ⲛⲉⲙ ⲅⲟⲙⲟⲣⲣⲁ. ⲛⲉⲙ ⲛⲏ ⲉⲧⲕⲱϯ ⲉ̀ⲣⲟⲥ ⲡⲉϫⲉ ⲡϭ̅ⲥ̅ ⲡⲓⲡⲁⲛⲧⲟⲕⲣⲁⲧⲱⲣ. ⲛ̀ⲛⲉϥϩⲉⲙⲥⲓ ⲙ̀ⲙⲁⲩ ⲛ̀ϫⲉ ⲣⲱⲙⲓ ⲟⲩⲇⲉ ⲛ̀ⲛⲉϥϣⲱⲡⲓ ⲙ̀ⲙⲁⲩ ⲛ̀ϫⲉ ϣⲏⲣⲓ ⲛ̀ⲣⲱⲙⲓ.
لا توجد ترجمة عربية
(ⲓ︦ⲑ︦) ⲓⲥ ϩⲏⲡⲡⲉ ⲉϥⲉ̀ⲓ̀ ⲉ̀ⲡϣⲱⲓ ⲙ̀ⲫⲣⲏϯ ⲛ̀ⲟⲩⲙⲟⲩⲓ ϧⲉⲛ ⲑⲙⲏϯ ⲙ̀ⲡⲓⲓⲟⲣⲇⲁⲛⲏⲥ. ⲉ̀ⲡⲓⲙⲁ ⲛ̀ⲧⲉ ⲉⲑⲁⲙ. ϫⲉ ⲟⲩⲏⲓ ϯⲛⲁϭⲟϫⲓ ⲛ̀ⲥⲱⲟⲩ ⲛ̀ⲭⲱⲗⲉⲙ. ⲟⲩⲟϩ ⲙⲁⲧⲁϩⲟ ⲛ̀ⲛⲓϧⲉⲗϣⲓⲣⲓ ⲉ̀ⲣⲁⲧⲟⲩ ⲉ̀ϫⲱⲥ. ϫⲉ ⲛⲓⲙ ⲡⲉⲧⲟⲓ ⲙ̀ⲡⲁⲣⲏϯ. ⲟⲩⲟϩ ⲛⲓⲙ ⲉⲑⲛⲁϣⲟϩⲓ ⲉ̀ⲣⲁⲧϥ ⲟⲩⲃⲏⲓ. ⲟⲩⲟϩ ⲛⲓⲙ ⲡⲉ ⲡⲓⲙⲁⲛⲉⲥⲱⲟⲩ ⲉⲑⲛⲁϣ̀ⲟϩⲓ ⲉ̀ⲣⲁⲧϥ ⲙ̀ⲡⲁⲙ̀ⲑⲟ.
لا توجد ترجمة عربية
(ⲕ︦) ⲉⲑⲃⲉ ⲫⲁⲓ ⲥⲱⲧⲉⲙ ⲉ̀ⲡⲓⲥⲟϭⲛⲓ ⲛ̀ⲧⲉ ⲡϭ̅ⲥ̅. ⲫⲏ ⲉⲧⲁϥⲥⲟϭⲛⲓ ⲙ̀ⲙⲟϥ ⲉ̀ϫⲉⲛ ϯⲓⲇⲟⲩⲙⲉⲁ. ⲛⲉⲙ ⲡⲉϥⲙⲟⲕⲙⲉⲕ ⲉⲧⲁϥⲙⲟⲕⲙⲉⲕ ⲙ̀ⲙⲟϥ. ⲉ̀ϫⲉⲛ ⲛⲏ ⲉⲧϣⲟⲡ ϧⲉⲛ ⲑⲉⲙⲁⲛ. ⲁⲩϣ̀ⲧⲉⲙϣⲱⲡⲓ ⲛ̀ϫⲉ ⲛⲓⲕⲟⲩϫⲓ ⲛ̀ⲧⲉ ⲛⲓⲉⲥⲱⲟⲩ. ⲁⲩϣ̀ⲧⲉⲙϣⲱϥ ⲛ̀ϫⲉ ⲛⲟⲩⲙⲁⲛ̀ⲉⲣϣⲁⲓⲣⲓ ⲉ̀ϩⲣⲏⲓ ⲉ̀ϫⲱⲥ.
لا توجد ترجمة عربية
(ⲕ︦ⲁ︦) ϫⲉ ⲉ̀ⲃⲟⲗ ϧⲉⲛ ⲧⲥⲙⲏ ⲛ̀ⲧⲉ ⲡⲟⲩϩⲉⲓ ⲁϥⲉⲣϩⲟϯ ⲛ̀ϫⲉ ⲡⲟⲩⲕⲁϩⲓ. ⲟⲩⲟϩ ⲁⲩⲥⲱⲧⲉⲙ ⲉ̀ⲡⲟⲩϧⲣⲱⲟⲩ ϧⲉⲛ ⲫⲓⲟⲙ.
لا توجد ترجمة عربية
(ⲕ︦ⲃ︦) ⲓⲥ ϩⲏⲡⲡⲉ ⲉϥⲉ̀ⲛⲁⲩ ⲙ̀ⲫⲣⲏϯ ⲛ̀ⲟⲩⲁϧⲱⲙ ⲟⲩⲟϩ ⲉϥⲉ̀ⲥⲟⲩⲧⲉⲛ ⲛⲉϥⲧⲉⲛϩ ⲉ̀ⲃⲟⲗ. ⲉ̀ϫⲉⲛ ⲛⲉⲥⲙⲁ ⲉⲧⲧⲁϫⲣⲏⲟⲩⲧ ⲟⲩⲟϩ ⲉϥⲉ̀ϣⲱⲡⲓ ⲛ̀ϫⲉ ⲡϩⲏⲧ ⲛ̀ⲛⲓϫⲱⲣⲓ ⲛ̀ⲧⲉ ϯϩⲓⲇⲟⲩⲙⲉⲁ ϧⲉⲛ ⲡⲓⲉϩⲟⲟⲩ ⲉⲧⲉⲙ̀ⲙⲁⲩ. ⲙ̀ⲫⲣⲏϯ ⲙ̀ⲡϩⲏⲧ ⲛ̀ⲟⲩⲥϩⲓⲙⲓ ⲉⲥϯⲛⲁⲕϩⲓ.