لا توجد ترجمة عربية
(ⲁ︦) ϧⲉⲛ ϯⲁⲣⲭⲏ ⲉϥⲟⲓ ⲛ̀ⲟⲩⲣⲟ ⲛ̀ϫⲉ ⲥⲉⲇⲉⲕⲓⲁⲥ ⲡⲟⲩⲣⲟ. ⲁϥϣⲱⲡⲓ ⲛ̀ϫⲉ ⲡⲁⲓⲥⲁϫⲓ ⲉⲑⲃⲉ ⲉⲗⲁⲙ
لا توجد ترجمة عربية
(ⲃ︦) ⲛ̀ⲧⲉ ⲭⲏⲙⲓ ⲉ̀ϫⲉⲛ ϯϫⲟⲙ ⲛ̀ⲧⲉ ⲫⲁⲣⲁⲱ ⲛⲉⲭⲁⲱ ⲡⲟⲩⲣⲟ ⲛ̀ⲭⲏⲙⲓ. ⲫⲏ ⲉ̀ⲛⲁϥⲭⲏ ϩⲓϫⲉⲛ ⲫⲓⲁⲣⲟ ⲡⲓⲉⲩⲫⲣⲁⲧⲏⲥ ⲛ̀ϩⲣⲏⲓ ϧⲉⲛ ⲭⲁⲣⲙⲓⲥ ⲫⲏ ⲉⲧⲁ ⲛⲁⲃⲟⲩⲭⲟⲇⲟⲛⲟⲥⲉⲣ ϣⲁⲣⲓ ⲉ̀ⲣⲟϥ. ϧⲉⲛ ϯⲙⲁϩⲇ̅ ⲛ̀ⲣⲟⲙⲡⲓ ⲛ̀ⲧⲉ ⲓⲱⲁⲕⲓⲙ ⲡⲟⲩⲣⲟ ⲛ̀ⲓⲟⲩⲇⲁ.
لا توجد ترجمة عربية
(ⲅ︦) ϭⲓ ⲛⲱⲧⲉⲛ ⲛ̀ϩⲁⲛϩⲟⲡⲗⲟⲛ ⲛⲉⲙ ϩⲁⲛⲥⲑⲃⲁⲓϩ. ⲟⲩⲟϩ ⲑⲱⲟⲩϯ ⲉ̀ⲡⲡⲟⲗⲉⲙⲟⲥ.
لا توجد ترجمة عربية
(ⲇ︦) ϧⲱⲕ ⲛ̀ⲛⲉⲧⲉⲛϩⲑⲱⲣ. ⲁⲗⲏⲓ ⲛⲓⲓⲡⲡⲉⲩⲥ. ⲟϩⲓ ⲉ̀ⲣⲁⲧⲉⲛ ⲑⲏⲛⲟⲩ ϧⲉⲛ ⲛⲉⲧⲉⲛⲡⲉⲣⲓⲕⲉⲫⲁⲗⲉⲁ. ⲟⲩⲟϩ ⲁⲛⲓⲟⲩⲓ ⲉ̀ⲃⲟⲗ ⲛⲛⲉⲧⲉⲛⲥⲏϥⲓ. ⲟⲩⲟϩ ⲙⲟⲓ ϩⲓⲱⲧⲉⲛ ⲑⲏⲛⲟⲩ ⲛ̀ⲛⲉⲧⲉⲛϧⲉⲗⲓⲃϣ.
لا توجد ترجمة عربية
(ⲉ︦) ⲉⲑⲃⲉ ⲟⲩ ⲛ̀ⲑⲱⲟⲩ ⲥⲉⲛⲟϣⲡ ⲟⲩⲟϩ ⲥⲉⲫⲏⲧ ⲉ̀ⲫⲁϩⲟⲩ. ϫⲉ ⲟⲩⲏⲓ ⲛ̀ⲟⲩϫⲱⲣⲓ ⲥⲉⲛⲁϭⲉⲧϭⲱⲧⲟⲩ. ϧⲉⲛ ⲟⲩⲫⲱⲧ ⲁⲩⲫⲱⲧ. ⲟⲩⲟϩ ⲙ̀ⲡⲟⲩⲕⲟⲧⲟⲩ. ϫⲉ ⲥⲉⲧⲁⲕⲧⲏⲟⲩⲧ ⲉ̀ⲣⲱⲟⲩ ⲙ̀ⲡⲟⲩⲕⲱϯ ⲡⲉϫⲉ ⲡϭ̅ⲥ̅.
لا توجد ترجمة عربية
(ⲋ︦) ⲙ̀ⲡⲉⲛⲑⲣⲉϥⲫⲱⲧ ⲛ̀ϫⲉ ⲫⲏ ⲉⲧⲁⲥⲓⲱⲟⲩ. ⲟⲩⲟϩ ⲙ̀ⲡⲉⲛⲑⲣⲉϥⲙⲟⲣϥ ⲛ̀ϫⲉ ⲡⲓϫⲱⲣⲓ ⲁⲩϣⲱⲛⲓ ⲥⲁⲡⲉⲙϩⲓⲧ. ⲓⲥⲕⲉⲛ ⲡⲓⲉⲩⲫⲣⲁⲧⲏⲥ ⲟⲩⲟϩ ⲁⲩϩⲉⲓ.
لا توجد ترجمة عربية
(ⲍ︦) ⲛⲓⲙ ⲡⲉ ⲫⲁⲓ ⲉ̀ⲑⲛⲁⲓ ⲉ̀ⲡϣⲱⲓ ⲙ̀ⲫⲣⲏϯ ⲛ̀ⲟⲩⲓⲁⲣⲟ. ⲟⲩⲟϩ ⲙ̀ⲫⲣⲏϯ ⲛ̀ϩⲁⲛⲓⲁⲣⲱⲟⲩ. ⲉⲩϩⲓϫⲟⲗ ⲙ̀ⲡⲟⲩⲙⲱⲟⲩ.
لا توجد ترجمة عربية
(ⲏ︦) ⲛⲓⲙⲱⲟⲩ ⲛ̀ⲧⲉ ⲭⲏⲙⲓ ⲥⲉⲛⲁⲓ ⲉ̀ⲡϣⲱⲓ ⲙ̀ⲫⲣⲏϯ ⲛ̀ⲟⲩⲓⲁⲣⲟ. ⲟⲩⲟϩ ⲁⲕϫⲟⲥ ϫⲉ ϯⲛⲁⲓ ⲉ̀ⲡϣⲱⲓ ⲛ̀ⲧⲁϩⲱⲃⲥ ⲙ̀ⲡϩⲟ ⲙ̀ⲡⲕⲁϩⲓ ⲟⲩⲟϩ ⲉⲓⲉ̀ⲧⲁⲕⲉ ⲛⲉⲧϣⲟⲡ ⲛ̀ϧⲏⲧϥ.
لا توجد ترجمة عربية
(ⲑ︦) ⲁⲗⲏⲓ ⲉ̀ⲛⲉⲧⲉⲛϩⲑⲱⲣ. ⲥⲟⲃϯ ⲛ̀ⲛⲉⲧⲉⲛϩⲁⲣⲙⲁ. ⲁⲙⲱⲓⲛⲓ ⲉ̀ⲃⲟⲗ ⲛⲓⲣⲉϥϯ ⲛ̀ⲧⲉ ⲛⲓⲉⲑⲁⲩϣ ⲛⲉⲙ ⲛⲁ ϯⲗⲩⲃⲏ. ⲉⲣⲉⲧⲉⲛϧⲏⲕ ϧⲉⲛ ϩⲁⲛϩⲟⲡⲗⲟⲛ ⲛ̀ⲓⲗⲩⲇⲟⲥ. ⲁⲙⲱⲓⲛⲓ ⲉ̀ⲡϣⲱⲓ ⲟⲩⲟϩ ϭⲱⲗⲕ ⲛ̀ⲛⲉⲧⲉⲛⲫⲓϯ.
لا توجد ترجمة عربية
(ⲓ︦) ⲟⲩⲟϩ ⲡⲓⲉϩⲟⲟⲩ ⲉⲧⲉⲙ̀ⲙⲁⲩ ⲫⲁ ⲡϭ̅ⲥ̅ ⲡⲉⲛⲛⲟⲩϯ ⲡⲉ. ⲟⲩⲉϩⲟⲟⲩ ⲛ̀ϭⲓⲙ̀ⲡϣⲓϣ ⲡⲉ ⲉⲑⲣⲉϥϭⲓⲙ̀ⲡϣⲓϣ ⲛ̀ⲛⲉϥϫⲁϫⲓ ⲟⲩⲟϩ ⲉⲥⲉ̀ⲟⲩⲟⲙⲟⲩ ⲛ̀ϫⲉ ⲧⲥⲏϥⲓ ⲙ̀ⲡϭ̅ⲥ̅. ⲟⲩⲟϩ ⲉⲥⲉ̀ⲥⲓ. ⲟⲩⲟϩ ⲉⲥⲉ̀ⲑⲓϧⲓ ⲉ̀ⲃⲟⲗ ϧⲉⲛ ⲡⲟⲩⲥⲛⲟϥ. ϫⲉ ⲟⲩϣⲟⲩϣⲱⲟⲩϣⲓ ⲉϥⲉ̀ϣⲱⲡⲓ ⲙ̀ⲡϭ̅ⲥ̅ ⲉ̀ⲃⲟⲗ ϧⲉⲛ ⲡⲕⲁϩⲓ ⲙ̀ⲡⲉⲙϩⲓⲧ. ϩⲓϫⲉⲛ ⲫⲓⲁⲣⲟ ⲡⲓⲉⲩⲫⲣⲁⲧⲏⲥ.
لا توجد ترجمة عربية
(ⲓ︦ⲁ︦) ⲁⲙⲏ ⲉ̀ⲡϣⲱⲓ ⲅⲁⲗⲁⲁⲇ ⲟⲩⲟϩ ϭⲓ ⲛ̀ⲟⲩⲥⲟⲛϯ ⲛ̀ϯⲡⲁⲣⲑⲉⲛⲟⲥ ⲧϣⲉⲣⲓ ⲛ̀ⲭⲏⲙⲓ ϧⲉⲛ ⲟⲩϣⲟⲩⲓⲧ ⲁⲣⲉⲑⲣⲉⲛⲉⲫⲁϧⲣⲓ ⲁϣⲁⲓ. ⲟⲩⲟϩ ⲛ̀ⲛⲉ ϩⲏⲟⲩ ϣⲱⲡⲓ ⲛⲉ.
لا توجد ترجمة عربية
(ⲓ︦ⲃ︦) ⲁⲩⲥⲱⲧⲉⲙ ⲛ̀ϫⲉ ϩⲁⲛⲉⲑⲛⲟⲥ ⲉ̀ⲧⲉⲥⲙⲏ ⲟⲩⲟϩ ⲁ ⲡⲕⲁϩⲓ ⲙⲟϩ ⲉ̀ⲃⲟⲗ ϧⲉⲛ ⲡⲉϧⲣⲱⲟⲩ ⲟⲩⲣⲉϥϯ ⲟⲩⲃⲉ ⲟⲩⲣⲉϥϯ ⲁϥϣⲱⲛⲓ. ⲟⲩⲟϩ ⲁⲩϩⲉⲓ ⲉ̀ⲡⲉⲥⲏⲧ ⲙ̀ⲡⲥⲛⲁⲩ.
لا توجد ترجمة عربية
(ⲓ︦ⲅ︦) ⲛⲁⲓ ⲛⲉ ⲛⲏ ⲉⲧⲁ ⲡϭ̅ⲥ̅ ⲥⲁϫⲓ ⲙ̀ⲙⲱⲟⲩ ϧⲉⲛ ⲛⲉⲛϫⲓϫ ⲛ̀ⲓⲉⲣⲉⲙⲓⲁⲥ. ⲉⲑⲣⲉϥⲓ̀ ⲛ̀ϫⲉ ⲡⲟⲩⲣⲟ ⲙ̀ⲃⲁⲃⲩⲗⲱⲛ ⲉ̀ϭⲟⲧϭⲉⲧ ⲉ̀ⲡⲕⲁϩⲓ ⲛ̀ⲭⲏⲙⲓ
لا توجد ترجمة عربية
(ⲓ︦ⲇ︦) ⲙⲁⲧⲁⲙⲉ ⲙⲉϣⲧⲱⲗ ⲟⲩⲟϩ ϩⲟⲛϩⲉⲛ ⲙ̀ⲙⲉϥⲓ̀ ⲁϫⲟⲥ ϫⲉ ⲟϩⲓ ⲥⲉⲃⲧⲱⲧⲕ ϫⲉ ⲟⲩⲥⲏϥⲓ ⲉⲥⲉⲟⲩⲱⲙ ⲛ̀ⲧⲉⲕϫⲟⲙ.
لا توجد ترجمة عربية
(ⲓ︦ⲉ︦) ⲉⲑⲃⲉ ⲟⲩ ⲁϥⲫⲱⲧ ⲛ̀ϫⲉ ϩⲁⲡⲓ ⲡⲉⲕⲥⲱⲧⲡ ⲙ̀ⲙⲁⲥⲓ. ⲟⲩⲟϩ ⲙ̀ⲡⲉϥⲟϩⲓ ϫⲉ ⲁ ⲡϭ̅ⲥ̅ ⲃⲟⲗϥ ⲉ̀ⲃⲟⲗ.
لا توجد ترجمة عربية
(ⲓ︦ⲋ︦) ⲡⲉⲕⲙⲏϣ ⲁϥϣⲱⲛⲓ ⲟⲩⲟϩ ⲁϥϩⲉⲓ. ⲟⲩⲟϩ ⲡⲓⲟⲩⲁⲓ ⲡⲓⲟⲩⲁⲓ ⲛⲁϥⲥⲁϫⲓ ⲛⲉⲙ ⲡⲉϥϣⲫⲏⲣ ϫⲉ ⲙⲁⲣⲉⲛⲧⲱⲟⲩⲛ ⲛ̀ⲧⲉⲛⲕⲟⲧⲧⲉⲛ ϩⲁ ⲡⲉⲛⲗⲁⲟⲥ. ⲉ̀ϧⲣⲏⲓ ⲉ̀ⲧⲉⲛⲃⲁⲕⲓ ⲉ̀ⲃⲟⲗ ϩⲁ ⲡϩⲟ ⲛ̀ⲧⲥⲏϥⲓ.
لا توجد ترجمة عربية
(ⲓ︦ⲍ︦) ⲟⲩⲟϩ ⲙⲁⲣⲉⲛϯ ⲫⲣⲁⲛ ⲙ̀ⲫⲁⲣⲁⲱ ⲛ̀ⲉⲭⲁⲱ ⲡⲟⲩⲣⲟ ⲛ̀ⲭⲏⲙⲓ. ϫⲉ ⲁⲱⲛ ⲉⲥⲃⲓⲉ ⲙⲱⲏⲇ.
لا توجد ترجمة عربية
(ⲓ︦ⲏ︦) ϯⲟⲛϧ ⲁ̀ⲛⲟⲕ ⲡⲉϫⲉ ⲡϭ̅ⲥ̅ ⲫϯ. ϫⲉ ⲙ̀ⲫⲣⲏϯ ⲙ̀ⲡⲓⲓⲧⲁⲃⲩⲣⲓⲟⲛ ⲉⲧϩⲓϫⲉⲛ ⲛⲓⲧⲱⲟⲩ ⲛⲉⲙ ⲙ̀ⲫⲣⲏϯ ⲙ̀ⲡⲓⲕⲁⲣⲙⲏⲗⲟⲥ ⲉⲧϧⲉⲛ ⲫⲓⲟⲙ. ⲡⲁⲓⲣⲏϯ ⲉϥⲉ̀ⲓ̀
لا توجد ترجمة عربية
(ⲓ︦ⲑ︦) ⲙⲁⲑⲁⲙⲓⲟ ⲛⲉ ⲛ̀ϩⲁⲛⲥⲕⲉⲩⲟⲥ ⲛ̀ⲟⲩⲱⲧⲉⲃ ⲉ̀ⲃⲟⲗ ⲑⲏ ⲉⲧϧⲉⲛ ⲛⲉⲥⲙⲁⲛϣⲱⲡⲓ ⲧϣⲉⲣⲓ ⲛ̀ⲭⲏⲙⲓ. ϫⲉ ⲙⲉϥⲓ̀ ⲉϥⲉ̀ϣⲱⲡⲓ ⲉ̀ⲡⲧⲁⲕⲟ ⲟⲩⲟϩ ⲉⲩⲉⲙⲟⲩϯ ϫⲉ ⲟⲩⲟⲓ ⲉⲑⲃⲉ ϫⲉ ϥⲛⲁϣⲱⲡⲓ ⲁⲛ ⲛ̀ϫⲉ ⲡⲉⲧϣⲟⲡ ⲛ̀ϧⲏⲧϥ.
لا توجد ترجمة عربية
(ⲕ︦) ⲟⲩⲃⲁϩⲥⲓ ⲉⲥⲥⲉⲗⲥⲱⲗ ⲡⲉ ⲭⲏⲙⲓ. ⲡⲓⲥⲱⲕⲓ ⲉ̀ⲃⲟⲗ ⲛ̀ⲧⲉ ⲡⲉⲙϩⲓⲧ. ⲁϥⲓ̀ ⲉ̀ϩⲣⲏⲓ ⲉ̀ϫⲱϥ.
لا توجد ترجمة عربية
(ⲕ︦ⲁ︦) ⲟⲩⲟϩ ⲛⲉϥⲣⲉⲙⲃⲉⲭⲉ ⲙ̀ⲫⲣⲏϯ ⲛ̀ϩⲁⲛⲙⲁⲥⲓ ⲉⲩϣⲁⲛⲉⲩϣ. ⲉⲩϣⲁⲛϣ ⲙ̀ⲙⲱⲟⲩ ⲛ̀ϩⲣⲏⲓ ⲛ̀ϧⲏⲧϥ. ⲉⲑⲃⲉ ϫⲉ ⲛ̀ⲑⲱⲟⲩ ϩⲱⲟⲩ ⲁⲩⲫⲟⲛϩⲟⲩ ⲟⲩⲟϩ ⲁⲩⲫⲱⲧ ⲉⲩⲥⲟⲡ. ⲙ̀ⲡⲟⲩϣⲟϩⲓ ⲉ̀ⲣⲁⲧⲟⲩ ϫⲉ ⲁϥⲓ̀ ⲉ̀ϩⲣⲏⲓ ⲉ̀ϫⲱⲟⲩ ⲛ̀ϫⲉ ⲡⲉϩⲟⲟⲩ ⲛ̀ⲧⲉ ⲧⲟⲩⲁⲕⲱ ⲛⲉⲙ ⲡⲥⲏⲟⲩ ⲛ̀ⲧⲉ ⲡⲟⲩϭⲓⲙ̀ⲡϣⲓϣ.
لا توجد ترجمة عربية
(ⲕ︦ⲃ︦) ⲟⲩⲟϩ ⲟⲩⲥⲙⲏ ⲙ̀ⲫⲣⲏϯ ⲛ̀ⲟⲩϩⲟϥ ⲉϥϣⲟⲕϣⲉⲕ. ϫⲉ ⲁⲩⲛⲁⲙⲟϣⲓ ϧⲉⲛ ⲡϣⲱ. ⲟⲩⲟϩ ⲉⲩⲉ̀ⲓ̀ ⲉ̀ϩⲣⲏⲓ ⲉ̀ϫⲱϥ ϧⲉⲛ ϩⲁⲛⲕⲉⲗⲉⲃⲓⲛ. ⲙ̀ⲫⲣⲏϯ ⲛ̀ⲉⲩⲕⲱⲣϫ ⲛ̀ϩⲁⲛϣⲉ
لا توجد ترجمة عربية
(ⲕ︦ⲅ︦) ⲉⲩⲕⲱⲣϫ ⲙ̀ⲡⲉϥⲓⲁϩϣϣⲏⲛ. ⲡⲉϫⲉ ⲡϭ̅ⲥ̅ ⲫϯ ϫⲉ ⲛ̀ⲛⲟⲩϣⲧⲉⲛⲑⲱⲛⲟⲩ ϫⲉ ⲥⲉⲛⲁⲁϣⲁⲓ. ⲙ̀ⲫⲣⲏϯ ⲙ̀ⲡⲓϣϫⲉ. ⲟⲩⲟϩ ⲙ̀ⲙⲟⲛ ⲏⲡⲓ ⲧⲟⲓ ⲉ̀ⲣⲱⲟⲩ
لا توجد ترجمة عربية
(ⲕ︦ⲇ︦) ⲁⲥϭⲓϣⲓⲡⲓ ⲛ̀ϫⲉ ⲧϣⲉⲣⲓ ⲛ̀ⲭⲏⲙⲓ ⲁⲩⲧⲏⲓⲥ ⲉ̀ϧⲣⲏⲓ ⲉ̀ⲛⲉⲛϫⲓϫ ⲙ̀ⲡⲓⲗⲁⲟⲥ ⲛ̀ⲧⲉ ⲡⲉⲙϩⲓⲧ.
لا توجد ترجمة عربية
(ⲕ︦ⲉ︦) ϩⲏⲡⲡⲉ ⲁ̀ⲛⲟⲕ ϯⲛⲁϭⲁⲓ ⲙ̀ⲡⲉⲙⲡϣⲓϣ ⲛⲁⲙⲙⲟⲛ ⲡⲉⲥϣⲏⲣⲓ ⲉ̀ϩⲣⲏⲓ ⲉ̀ϫⲉⲛ ⲫⲁⲣⲁⲱ. ⲛⲉⲙ ⲛⲏ ⲉⲧⲉ ϩⲑⲏⲟⲩ ⲭⲏ ⲉ̀ⲣⲟϥ.
لا توجد ترجمة عربية
لا توجد ترجمة قبطية
لا توجد ترجمة عربية
(ⲕ︦ⲍ︦) ⲛ̀ⲑⲟⲕ ⲇⲉ ⲙ̀ⲡⲉⲣⲉⲣϩⲟϯ ⲓⲁⲕⲱⲃ ⲟⲩⲟϩ ⲙ̀ⲡⲉⲣⲛⲟⲩϣⲡ ⲡⲓⲥ̅ⲗ̅. ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁⲛⲁϩⲙⲉⲕ ⲉ̀ⲃⲟⲗ ϩⲓⲫⲟⲩⲉⲓ ⲛⲉⲙ ⲡⲉⲕϫⲣⲟϫ. ⲉ̀ⲃⲟⲗ ϧⲉⲛ ⲧⲟⲩⲉⲭⲙⲁⲗⲱⲥⲓⲁ. ⲟⲩⲟϩ ⲉϥⲉ̀ⲕⲟⲧϥ ⲛ̀ϫⲉ ⲓⲁⲕⲱⲃ ⲉϥⲉ̀ϩⲉⲣⲓ. ⲟⲩⲟϩ ⲉϥⲉ̀ⲛⲕⲟⲧ. ⲛ̀ⲛⲉϥϣⲱⲡⲓ ⲛ̀ϫⲉ ⲫⲏ ⲉⲑⲛⲁϯ ⲙ̀ⲕⲁϩ ⲛⲁϥ.
لا توجد ترجمة عربية
(ⲕ︦ⲏ︦) ⲙ̀ⲡⲉⲣⲉⲣϩⲟϯ ⲓⲁⲕⲱⲃ ⲡⲉϫⲉ ⲡϭ̅ⲥ̅. ϫⲉ ⲁ̀ⲛⲟⲕ ϯⲭⲏ ⲛⲉⲙⲁⲕ ϯⲁⲧϣⲑⲟⲣⲧⲉⲣ. ⲟⲩⲟϩ ⲉⲧϫⲏⲛ. ⲁⲩⲧⲏⲓⲥ ⲛⲉ. ϫⲉ ⲉ̀ϯⲛⲁⲓⲣⲓ ⲛ̀ⲟⲩϫⲱⲕ ⲉ̀ⲃⲟⲗ ϧⲉⲛ ϣⲗⲟⲗ ⲛⲓⲃⲉⲛ. ⲛⲏ ⲉⲧⲁⲓϫⲟⲣⲟⲩ ⲉ̀ⲃⲟⲗ ⲉ̀ⲣⲱⲟⲩ. ⲛ̀ⲑⲟⲕ ⲇⲉ ⲛⲛⲁⲑⲣⲉⲕⲙⲟⲩⲛⲕ ⲟⲩⲟϩ ⲉⲓⲉ̀ⲧⲥⲁⲃⲟⲕ ⲉⲩϩⲁⲡ. ⲟⲩⲟϩ ϧⲉⲛ ⲟⲩⲧⲟⲩⲃⲟ ⲛ̀ⲛⲁⲧⲟⲩⲃⲟⲕ.