لا توجد ترجمة عربية
(ⲁ︦) ⲟⲩⲟϩ ⲁϥⲟⲩⲱⲧⲉⲃ ⲉ̀ⲃⲟⲗ ⲙ̀ⲙⲁⲩ ⲛ̀ϫⲉ ⲁⲃⲣⲁⲁⲙ ⲉⲟⲩⲕⲁϩⲓ ⲉϥⲥⲁⲡⲉⲙⲉⲛⲧ ⲟⲩⲟϩ ⲁϥϣⲱⲡⲓ ⲟⲩⲧⲉ ⲕⲁⲇⲏⲥ ⲛⲉⲙ ⲟⲩⲧⲉ ⲥⲟⲩⲣ ⲟⲩⲟϩ ⲁϥϫⲱⲓⲗⲓ ϧⲉⲛ ⲅⲉⲣⲁⲣⲟⲓⲥ
لا توجد ترجمة عربية
(ⲃ︦) ⲡⲉϫⲉ ⲁⲃⲣⲁⲁⲙ ⲇⲉ ⲉⲑⲃⲉ ⲥⲁⲣⲣⲁ ⲧⲉϥⲥϩⲓⲙⲓ ϫⲉ ⲧⲁⲥⲱⲛⲓ ⲧⲉ ⲁϥⲉⲣϩⲟϯ ⲅⲁⲣ ⲉ̀ϫⲟⲥ ϫⲉ ⲧⲁⲥϩⲓⲙⲓ ⲧⲉ ⲙⲏⲡⲟⲧⲉ ⲛ̀ⲧⲟⲩϧⲟⲑⲃⲉϥ ⲛ̀ϫⲉ ⲛⲓⲣⲱⲙⲓ ⲛ̀ⲧⲉ ϯⲃⲁⲕⲓ ⲉⲑⲃⲏⲧⲥ ⲁϥⲟⲩⲱⲣⲡ ⲇⲉ ⲛ̀ϫⲉ ⲁⲃⲓⲙⲉⲗⲉⲭ ⲡⲟⲩⲣⲟ ⲛ̀ⲅⲉⲣⲁⲣⲱⲛ ⲟⲩⲟϩ ⲁϥⲉⲗ ⲥⲁⲣⲣⲁ
لا توجد ترجمة عربية
(ⲅ︦) ⲟⲩⲟϩ ⲁϥϣⲉ ⲛⲁϥ ⲛ̀ϫⲉ ⲫϯ ϩⲁ ⲁⲃⲓⲙⲉⲗⲉⲭ ϧⲉⲛ ⲟⲩⲣⲁⲥⲟⲩⲓ̀ ⲙ̀ⲡⲓⲉϫⲱⲣϩ ⲟⲩⲟϩ ⲡⲉϫⲁϥ ⲛⲁϥ ϫⲉ ϩⲏⲡⲡⲉ ⲛ̀ⲑⲟⲕ ⲭⲛⲁⲙⲟⲩ ⲉⲑⲃⲉ ϯⲥϩⲓⲙⲓ ⲉⲧⲁⲕⲟⲗⲥ ⲑⲁⲓ ⲧⲉ ⲉⲥϣⲟⲡ ⲛⲉⲙ ⲟⲩϩⲁⲓ
لا توجد ترجمة عربية
(ⲇ︦) ⲁⲃⲓⲙⲉⲗⲉⲭ ⲇⲉ ⲙ̀ⲡⲉϥϭⲟϩ ⲉ̀ⲣⲟⲥ ⲟⲩⲟϩ ⲡⲉϫⲁϥ ϫⲉ ⲡϭ̅ⲥ̅ ⲟⲩϣⲗⲟⲗ ⲛ̀ⲁⲧⲉⲙⲓ ⲟⲩⲟϩ ⲛ̀ⲑⲙⲏⲓ ⲭⲛⲁⲧⲁⲕⲟϥ
لا توجد ترجمة عربية
(ⲉ︦) ⲙⲏ ⲛ̀ⲑⲟϥ ⲁⲛ ⲁϥϫⲟⲥ ⲛⲏⲓ ϫⲉ ⲧⲁⲥⲱⲛⲓ ⲧⲉ ⲟⲩⲟϩ ⲛ̀ⲑⲟϥ ⲁⲥϫⲟⲥ ⲛⲏⲓ ϫⲉ ⲡⲁⲥⲟⲛ ⲡⲉ ⲛ̀ϧⲣⲏⲓ ϧⲉⲛ ⲟⲩϩⲏⲧ ⲉϥⲟⲩⲁⲃ ⲛⲉⲙ ⲟⲩⲙⲉⲑⲙⲏⲓ ⲛ̀ⲧⲉ ⲛⲁϫⲓϫ ⲁⲓⲉⲣ ⲫⲁⲓ
لا توجد ترجمة عربية
(ⲋ︦) ⲡⲉϫⲉ ⲫϯ ⲇⲉ ⲛⲁϥ ϧⲉⲛ ⲟⲩⲣⲁⲥⲟⲩⲓ̀ ϫⲉ ⲁ̀ⲛⲟⲕ ϩⲱ ⲁⲓⲉⲙⲓ ϫⲉ ϧⲉⲛ ⲟⲩϩⲏⲧ ⲉϥⲟⲩⲁⲃ ⲁⲕⲉⲣ ⲫⲁⲓ ⲉⲑⲃⲉⲫⲁⲓ ⲁⲓϯⲁⲥⲟ ⲉ̀ⲣⲟⲕ ⲙ̀ⲡⲓⲭⲁⲕ ⲉ̀ⲉⲣⲛⲟⲃⲓ ⲉ̀ⲣⲟⲓ ⲉⲑⲃⲉⲫⲁⲓ ⲙ̀ⲡⲓⲭⲁⲕ ⲉ̀ϭⲓ ⲛⲉⲙⲁⲥ
لا توجد ترجمة عربية
(ⲍ︦) ϯⲛⲟⲩ ⲇⲉ ⲙⲁ ⲧⲥϩⲓⲙⲓ ⲙ̀ⲡⲓⲣⲱⲙⲓ ⲛⲁϥ ϫⲉ ⲟⲩⲡⲣⲟⲫⲏⲧⲏⲥ ⲡⲉ ⲟⲩⲟϩ ⲉϥⲉ̀ⲧⲱⲃϩ ⲉ̀ϫⲱⲕ ⲟⲩⲟϩ ⲉⲕⲉ̀ⲱⲛϧ ⲉ̀ϣⲱⲡ ⲇⲉ ⲁⲕϣⲧⲉⲙⲧⲏⲓⲥ ⲁⲣⲓⲉⲙⲓ ϫⲉ ⲭⲛⲁⲙⲟⲩ ⲛ̀ⲑⲟⲕ ⲛⲉⲙ ⲛⲉⲧⲉⲛ̀ⲧⲁⲕ ⲧⲏⲣⲟⲩ
لا توجد ترجمة عربية
(ⲏ︦) ⲁϥϣⲟⲣⲡϥ ⲇⲉ ⲛ̀ϫⲉ ⲁⲃⲓⲙⲉⲗⲉⲭ ⲛ̀ⲧⲟⲟⲩⲓ̀ ⲁϥⲙⲟⲩϯ ⲉ̀ⲛⲉϥⲁⲗⲱⲟⲩⲓ ⲧⲏⲣⲟⲩ ⲟⲩⲟϩ ⲁϥⲥⲁϫⲓ ⲛ̀ⲛⲁⲓⲥⲁϫⲓ ⲧⲏⲣⲟⲩ ⲉ̀ϧⲣⲏⲓ ⲉ̀ⲛⲟⲩⲙⲁϣϫ ⲁⲩⲉⲣϩⲟϯ ⲇⲉ ⲛ̀ϫⲉ ⲛⲓⲣⲱⲙⲓ ⲧⲏⲣⲟⲩ ⲉ̀ⲙⲁϣⲱ
لا توجد ترجمة عربية
(ⲑ︦) ⲟⲩⲟϩ ⲁϥⲙⲟⲩϯ ⲛ̀ϫⲉ ⲁⲃⲓⲙⲉⲗⲉⲭ ⲉ̀ⲁⲃⲣⲁⲁⲙ ⲟⲩⲟϩ ⲡⲉϫⲁϥ ⲛⲁϥ ϫⲉ ⲟⲩ ⲡⲉ ⲫⲁⲓ ⲉⲧⲁⲕⲁⲓϥ ⲛⲁⲛ ⲙⲏⲧⲓ ⲁⲛⲉⲣⲛⲟⲃⲓ ⲉ̀ⲣⲟⲕ ϫⲉ ⲁⲕⲓⲛⲓ ⲉ̀ϩⲣⲏⲓ ⲉ̀ϫⲱⲓ ⲛⲉⲙ ⲧⲁⲙⲉⲧⲟⲩⲣⲟ ⲛ̀ⲟⲩⲛⲓϣϯ ⲛ̀ⲛⲟⲃⲓ ⲟⲩϩⲱⲃ ⲙ̀ⲙⲟⲛ ϩⲗⲓ ⲛⲁⲁⲓϥ ⲁⲕⲁⲓϥ ⲛⲏⲓ
لا توجد ترجمة عربية
(ⲓ︦) ⲡⲉϫⲉ ⲁⲃⲓⲙⲉⲗⲉⲭ ⲇⲉ ⲛ̀ⲁⲃⲣⲁⲁⲙ ϫⲉ ⲟⲩ ⲡⲉ ⲉⲧⲁⲕⲛⲁⲩ ⲉ̀ⲣⲟϥ ⲉ̀ⲁⲕⲉⲣ ⲫⲁⲓ
لا توجد ترجمة عربية
(ⲓ︦ⲁ︦) ⲡⲉϫⲉ ⲁⲃⲣⲁⲁⲙ ⲇⲉ ϫⲉ ⲁⲓϫⲟⲥ ⲅⲁⲣ ϫⲉ ϩⲁⲣⲁ ⲙ̀ⲙⲟⲛ ⲙⲉⲧϣⲁⲙϣⲉ ⲛⲟⲩϯ ⲙ̀ⲡⲁⲓⲙⲁ ⲁ̀ⲛⲟⲕ ⲇⲉ ⲥⲉⲛⲁϧⲟⲑⲃⲉⲧ ⲉⲑⲃⲉ ⲧⲁⲓⲥϩⲓⲙⲓ
لا توجد ترجمة عربية
(ⲓ︦ⲃ︦) ⲕⲉ ⲅⲁⲣ ⲁⲗⲏⲑⲱⲥ ⲧⲁⲥⲱⲛⲓ ⲧⲉ ⲛ̀ϣⲉⲛⲓⲱⲧ ⲁⲗⲗⲁ ⲛ̀ϣⲉⲛⲙⲁⲩ ⲁⲛ ⲁⲥϣⲱⲡⲓ ⲇⲉ ⲛⲏⲓ ⲉⲩⲥϩⲓⲙⲓ
لا توجد ترجمة عربية
(ⲓ︦ⲅ︦) ⲁⲥϣⲱⲡⲓ ⲇⲉ ⲉⲧⲁ ⲫϯ ⲉⲛⲧ ⲉ̀ⲃⲟⲗ ϧⲉⲛ ⲡⲏⲓ ⲙ̀ⲡⲁⲓⲱⲧ ⲡⲉϫⲏⲓ ⲛⲁⲥ ϫⲉ ⲧⲁⲓⲙⲉⲑⲙⲏⲓ ⲉⲣⲉ̀ⲁⲓⲥ ⲛⲉⲙⲏⲓ ϧⲉⲛ ⲙⲁ ⲛⲓⲃⲉⲛ ⲉⲧⲉⲛⲛⲁϣⲉ ⲛⲁⲛ ⲉ̀ⲣⲱⲟⲩ ⲁϫⲟⲥ ϫⲉ ⲡⲁⲥⲟⲛ ⲡⲉ
لا توجد ترجمة عربية
(ⲓ︦ⲇ︦) ⲁⲃⲓⲙⲉⲗⲉⲭ ⲇⲉ ⲁϥϭⲓ ⲛ̀ϣⲟ ⲛ̀ⲕⲓϯ ⲛ̀ϩⲁⲧ ϩⲁⲛⲉⲥⲱⲟⲩ ⲛⲉⲙ ϩⲁⲛⲙⲁⲥⲓ ϩⲁⲛⲃⲱⲕ ⲛⲉⲙ ϩⲁⲛⲃⲱⲕⲓ ⲁϥⲧⲏⲓⲧⲟⲩ ⲛ̀ⲁⲃⲣⲁⲁⲙ ⲟⲩⲟϩ ⲁϥϯ ⲛ̀ⲥⲁⲣⲣⲁ ⲧⲉϥⲥϩⲓⲙⲓ ⲛⲁϥ
لا توجد ترجمة عربية
(ⲓ︦ⲉ︦) ⲟⲩⲟϩ ⲡⲉϫⲉ ⲁⲃⲓⲙⲉⲗⲉⲭ ⲛ̀ⲁⲃⲣⲁⲁⲙ ϫⲉ ϩⲏⲡⲡⲉ ⲓⲥ ⲡⲁⲕⲁϩⲓ ⲙ̀ⲡⲉⲕⲙⲑⲟ ⲡⲓⲙⲁ ⲉⲑⲣⲁⲛⲁⲕ ϣⲱⲡⲓ ⲛ̀ϧⲏⲧϥ
لا توجد ترجمة عربية
(ⲓ︦ⲋ︦) ⲡⲉϫⲁϥ ⲇⲉ ⲛ̀ⲥⲁⲣⲣⲁ ϩⲏⲡⲡⲉ ⲁⲓϯ ⲛ̀ϣⲟ ⲛ̀ⲕⲓϯ ⲛ̀ϩⲁⲧ ⲙ̀ⲡⲉⲥⲟⲛ ⲛⲁⲓ ⲉⲩⲉ̀ϣⲱⲡⲓ ⲛⲉ ⲉ̀ⲡⲧⲁⲓⲟ ⲙ̀ⲡⲉϩⲟ ⲛⲉⲙ ⲛⲏ ⲉⲑⲛⲉⲙⲉ ⲟⲩⲟϩ ⲁⲣⲓⲙⲉⲑⲙⲏⲓ ⲛ̀ⲥⲏⲟⲩ ⲛⲓⲃⲉⲛ
لا توجد ترجمة عربية
(ⲓ︦ⲍ︦) ⲁⲃⲣⲁⲁⲙ ⲇⲉ ⲁϥⲧⲱⲃϩ ⲙ̀ⲫϯ ⲟⲩⲟϩ ⲁ ⲫϯ ⲧⲟⲩϫⲉ ⲁⲃⲓⲙⲉⲗⲉⲭ ⲛⲉⲙ ⲧⲉϥⲥϩⲓⲙⲓ ⲛⲉⲙ ⲛⲉϥⲁⲗⲱⲟⲩⲓ ⲛⲉⲙ ⲡⲉϥⲏⲓ ⲧⲏⲣϥ ⲟⲩⲟϩ ⲁⲩⲙⲓⲥⲓ
لا توجد ترجمة عربية
(ⲓ︦ⲏ︦) ϫⲉ ϧⲉⲛ ⲟⲩϣⲑⲁⲙ ⲁ ⲫϯ ϣⲑⲁⲙ ⲥⲁⲃⲟⲗ ⲛ̀ⲧⲟϯ ⲛⲓⲃⲉⲛ ⲉⲧϧⲉⲛ ⲡⲏⲓ ⲛ̀ⲁⲃⲓⲙⲉⲗⲉⲭ ⲉⲑⲃⲉ ⲥⲁⲣⲣⲁ ⲧⲥϩⲓⲙⲓ ⲛ̀ⲁⲃⲣⲁⲁⲙ