لا توجد ترجمة عربية
(ⲁ︦) ⲛ̀ⲑⲟⲕ ϩⲱⲕ ⲡϣⲏⲣⲓ ⲙ̀ⲫⲣⲱⲙⲓ. ϭⲓ ⲛⲁⲕ ⲛⲟ̀ⲩⲥⲏϥⲓ ⲉⲥⲧⲏⲙⲓ ⲉ̀ϩⲟⲧⲉ ⲟⲩⲑⲱⲕ ⲛ̀ⲧⲉ ⲟⲩⲕⲟⲩⲣⲉⲩⲥ ⲟⲩⲟϩ ⲭⲁⲥ ⲛⲁⲕ. ⲟⲩⲟϩ ⲁⲛⲓⲧⲥ ⲉ̀ϫⲉⲛ ⲧⲉⲕⲁⲫⲉ ⲛⲉⲙ ⲧⲉⲕⲙⲟⲣⲧ ⲟⲩⲟϩ ϭⲓ ⲛⲁⲕ ⲛ̀ⲟⲩⲙⲁϣⲓ ⲟⲩⲟϩ ϣⲓⲧⲟⲩ
لا توجد ترجمة عربية
(ⲃ︦) ⲫⲣⲉⲇ̅ ⲣⲟⲕϩϥ ϧⲉⲛ ⲟⲩⲭⲣⲱⲙ ϧⲉⲛ ⲑⲙⲏϯ ⲛ̀ϯⲡⲟⲗⲓⲥ ⲕⲁⲧⲁ ⲡϫⲱⲕ ⲛ̀ⲏⲡⲓ ⲛ̀ⲛⲓⲉϩⲟⲟⲩ ⲛ̀ⲧⲉ ⲡⲉⲕⲟⲣϥ ⲉ̀ϧⲟⲩⲛ. ⲟⲩⲟϩ ϭⲓ ⲙ̀ⲫⲣⲉⲇ̅ ⲉⲕⲉ̀ⲣⲟⲕϩϥ ϧⲉⲛ ⲧⲉⲥⲙⲏϯ. ⲟⲩⲟϩ ϭⲓ ⲫⲣⲉⲇ̅ ⲥⲟⲗⲡⲟⲩ ϧⲉⲛ ϯⲥⲏϥⲓ ⲙ̀ⲡⲉⲥⲕⲱϯ ⲟⲩⲟϩ ⲡⲓⲕⲉⲟⲩⲉⲛ ⲇ̅ ⲛⲉϩϥ ⲉ̀ⲃⲟⲗ ϧⲉⲛ ⲡⲓⲑⲏⲟⲩ. ⲟⲩⲟϩ ϯⲛⲁⲫⲱϩⲧ ⲛ̀ⲟⲩⲥⲏϥⲓ ⲥⲁⲫⲁϩⲟⲩ ⲙ̀ⲙⲱⲟⲩ
لا توجد ترجمة عربية
(ⲅ︦) ⲟⲩⲟϩ ϭⲓ ⲉ̀ⲃⲟⲗ ϧⲉⲛ ⲡⲓⲙⲁ ⲉⲧⲉⲙ̀ⲙⲁⲩ ⲛ̀ⲟⲩⲕⲟⲩϫⲓ. ⲛ̀ⲏⲡⲓ ⲙⲟⲣⲟⲩ ϧⲉⲛ ⲡⲓϣⲧⲁϯ ⲛ̀ⲧⲉ ⲡⲉⲕϩⲃⲱⲥ.
لا توجد ترجمة عربية
(ⲇ︦) ⲟⲩⲟϩ ⲟⲛ ϭⲓ ⲉ̀ⲃⲟⲗ ϧⲉⲛ ⲛⲁⲓ ϩⲓⲧⲟⲩ ⲉ̀ⲑⲙⲏϯ ⲙ̀ⲡⲓⲭⲣⲱⲙ. ⲥⲁⲧⲟⲧϥ ⲉϥⲉ̀ⲓ̀ ⲉ̀ⲃⲟⲗ ⲛ̀ϫⲉ ⲟⲩⲭⲣⲱⲙ ⲟⲩⲟϩ ⲁϫⲟⲥ ⲙ̀ⲡⲏⲓ ⲧⲏⲣϥ ⲙ̀ⲡⲓⲥ̅ⲗ̅.
لا توجد ترجمة عربية
(ⲉ︦) ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ⲡⲁⲓⲣⲏϯ ⲁⲓⲭⲱ ⲛ̀ⲓⲗ̅ⲏ̅ⲙ̅ ϧⲉⲛ ⲑⲙⲏϯ ⲛ̀ⲛⲓⲉⲑⲛⲟⲥ. ⲉⲩⲉ̀ⲕⲱϯ ⲉ̀ⲣⲟⲥ ⲛ̀ϫⲉ ⲛⲓⲭⲱⲣⲁ
لا توجد ترجمة عربية
(ⲋ︦) ⲟⲩⲟϩ ⲁϫⲟⲥ ⲛ̀ⲛⲁⲙⲉⲑⲙⲏⲓ ⲛⲉⲙ ⲛⲁⲛⲟⲙⲟⲥ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲟⲩⲟϩ ⲛⲁⲛⲟⲙⲓⲙⲟⲛ ⲛ̀ⲛⲓⲭⲱⲣⲁ ⲉⲧⲕⲱϯ ⲉ̀ⲣⲱⲟⲩ. ⲉⲑⲃⲉ ϫⲉ ⲛⲁⲙⲉⲑⲙⲏⲓ ⲁⲩϩⲓⲧⲟⲩ ⲉ̀ⲃⲟⲗ. ⲟⲩⲟϩ ⲙ̀ⲡⲟⲩⲙⲟϣⲓ ϧⲉⲛ ⲛⲁⲛⲟⲙⲓⲙⲟⲛ
لا توجد ترجمة عربية
(ⲍ︦) ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ⲉ̀ⲃⲟⲗ ϫⲉ ⲧⲉⲧⲉⲛⲗⲟⲓϫⲓ ⲉⲥϣⲟⲡ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲉⲧⲕⲱϯ ⲉ̀ⲣⲱⲧⲉⲛ. ⲟⲩⲟϩ ⲙ̀ⲡⲉⲧⲉⲛⲙⲟϣⲓ ϧⲉⲛ ⲛⲁⲛⲟⲙⲟⲥ. ⲛⲁⲙⲉⲑⲙⲏⲓ ⲙ̀ⲡⲉⲧⲉⲛⲁⲓⲧⲟⲩ. ⲟⲩⲟϩ ⲟⲛ ⲙ̀ⲡⲉⲧⲉⲛⲓⲣⲓ ⲕⲁⲧⲁ ⲛⲓⲙⲉⲑⲙⲏⲓ ⲛ̀ⲛⲓⲉⲑⲛⲟⲥ ⲉⲧⲕⲱϯ ⲉ̀ϫⲉⲛ ⲑⲏⲛⲟⲩ.
لا توجد ترجمة عربية
(ⲏ︦) ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ϩⲏⲡⲡⲉ ⲁ̀ⲛⲟⲕ ⲉⲓϯ ⲟⲩⲃⲉ. ⲟⲩⲟϩ ⲉⲓⲉ̀ⲓⲣⲓ ⲛ̀ⲟⲩϩⲁⲡ ϧⲉⲛ ⲧⲟⲩⲙⲏϯ ⲙ̀ⲡⲉⲙ̀ⲑⲟ ⲛ̀ⲛⲓⲉⲑⲛⲟⲥ
لا توجد ترجمة عربية
(ⲑ︦) ⲟⲩⲟϩ ϯⲓⲣⲓ ϧⲉⲛ ⲑⲏⲛⲟⲩ. ⲛ̀ⲛⲏ ⲉⲧⲉ ⲙ̀ⲡⲓⲁⲓⲧⲟⲩ ⲟⲩⲟϩ ⲛ̀ϯⲓⲣⲓ ⲓⲥϫⲉⲛ ϯⲛⲟⲩ ⲛ̀ⲛⲏ ⲉⲧⲧⲉⲛⲑⲱⲛ ⲉ̀ⲣⲱⲟⲩ ⲕⲁⲧⲁ ⲛⲉⲃⲟϯ ⲧⲏⲣⲟⲩ.
لا توجد ترجمة عربية
(ⲓ︦) ⲉⲑⲃⲉ ⲫⲁⲓ ⲛⲓⲓⲟϯ ⲥⲉⲛⲁⲟⲩⲱⲙ ⲛ̀ⲛⲟⲩϣⲏⲣⲓ ϧⲉⲛ ⲧⲉⲙⲏϯ ⲟⲩⲟϩ ⲛⲓϣⲏⲣⲓ ⲥⲉⲛⲁⲟⲩⲱⲙ ⲛ̀ⲛⲓⲓⲟϯ ⲟⲩⲟϩ ⲉⲓⲉ̀ⲓⲣⲓ ⲛ̀ϩⲁⲛϩⲁⲡ ϧⲉⲛ ⲧⲉⲙⲏϯ. ⲧⲁϫⲱⲣ ⲉ̀ⲃⲟⲗ ⲛ̀ⲛⲏ ⲉⲑⲛⲁⲥⲱϫⲡ ⲛ̀ϧⲏϯ ⲛⲉⲙ ⲑⲏⲟⲩ ⲛⲓⲃⲉⲛ
لا توجد ترجمة عربية
(ⲓ︦ⲁ︦) ⲉⲑⲃⲉ ⲫⲁⲓ ϯⲱⲛϧ ⲁ̀ⲛⲟⲕ. ⲡⲉϫⲉ ⲁⲇⲱⲛⲁⲓ ⲡϭ̅ⲥ̅. ⲉⲑⲃⲉ ϫⲉ ⲁⲣⲉϭⲱϧⲉⲙ ⲛ̀ⲛⲏ ⲉ︦ⲑ︦ⲩ︦ ⲛ̀ⲧⲏⲓ ϧⲉⲛ ⲛⲉⲃⲟϯ ⲧⲏⲣⲟⲩ. ⲁ̀ⲛⲟⲕ ϩⲱ ⲉⲓⲉ̀ⲙⲟⲩⲛⲕ ⲙ̀ⲙⲟ. ⲡⲁⲃⲁⲗ ⲛ̀ⲛⲉϥϯⲁⲥⲟ ⲉ̀ⲣⲟ ⲟⲩⲟϩ ⲛ̀ⲧⲁϣ̀ⲧⲉⲙⲛⲁⲓ ⲛⲉ.
لا توجد ترجمة عربية
(ⲓ︦ⲃ︦) ⲡⲉⲡⲓⲟⲩⲉⲛ ⲇ̅ ⲛⲁⲧⲁⲕⲟ ϧⲉⲛ ⲫⲙⲟⲩ ⲟⲩⲟϩ ⲡⲉⲫⲣⲉⲇ̅ ⲛⲁϥⲟϯ ⲉ̀ⲃⲟⲗ ϧⲉⲛ ⲟⲩϩⲃⲱⲛ ϧⲉⲛ ⲧⲉⲙⲏϯ. ⲟⲩⲟϩ ⲡⲉⲫⲣⲉⲇ̅ ϯⲛⲁϫⲱⲣ ⲙ̀ⲙⲟϥ ⲉ̀ⲃⲟⲗ ⲛⲉⲙ ⲑⲏⲟⲩ ⲛⲓⲃⲉⲛ. ⲟⲩⲟϩ ⲡⲉⲫⲣⲉⲇ̅ ⲛⲁϩⲉⲓ ϧⲉⲛ ⲧⲥⲏϥⲓ ϧⲉⲛ ⲡⲉⲕⲱϯ ⲟⲩⲟϩ ⲉⲓⲉ̀ⲫⲱϩⲧ ⲛ̀ⲟⲩⲥⲏϥⲓ ⲥⲁⲫⲁϩⲟⲩ ⲙ̀ⲙⲟ
لا توجد ترجمة عربية
(ⲓ︦ⲅ︦) ⲛ̀ⲧⲉ ⲡⲁϫⲱⲛⲧ ⲛⲉⲙ ⲡⲁⲙⲃⲟⲛ ϫⲱⲕ ⲉ̀ⲃⲟⲗ ⲉ̀ϩⲣⲏⲓ ⲉ̀ϫⲱⲟⲩ ⲟⲩⲟϩ ⲧⲉⲣⲁⲉⲙⲓ ϫⲉ ⲁ̀ⲛⲟⲕ ⲡⲉ ⲡϭ̅ⲥ̅. ⲁⲓⲥⲁϫⲓ ϧⲉⲛ ⲡⲁⲭⲟϩ. ϧⲉⲛ ⲡϫⲓⲛⲑⲣⲓϫⲱⲕ ⲙ̀ⲡⲁⲙⲃⲟⲛ ⲉ̀ϩⲣⲏⲓ ⲉ̀ϫⲱⲟⲩ.
لا توجد ترجمة عربية
(ⲓ︦ⲇ︦) ⲟⲩⲟϩ ⲉⲓⲉ̀ⲭⲱ ⲙ̀ⲙⲟ ⲛ̀ϣⲁϥⲉ ⲛⲉⲙ ⲛⲉⲕⲉϣⲏⲣⲓ ⲙ̀ⲡⲉⲕⲱϯ ⲙ̀ⲡⲉⲙ̀ⲑⲟ ⲛ̀ⲟⲩⲟⲛ ⲛⲓⲃⲉⲛ ⲉⲧⲥⲓⲛⲓ.
لا توجد ترجمة عربية
(ⲓ︦ⲉ︦) ⲟⲩⲟϩ ⲧⲉⲣⲁϣⲱⲡⲓ ⲉⲣⲁϣ̀ⲁϩⲟⲙ. ⲉ̀ⲣⲟⲓ ⲛ̀ⲉⲃⲓⲏⲛ ϧⲉⲛ ⲑⲙⲏϯ ⲛ̀ⲛⲏ ⲉⲧⲕⲱϯ ⲉ̀ⲣⲟ ⲟⲩⲟϩ ϧⲉⲛ ⲡϫⲓⲛⲑⲣⲓⲓⲣⲓ ⲛ̀ϧⲣⲏⲓ ⲛ̀ϧⲏϯ ⲛ̀ϩⲁⲛϩⲁⲡ. ϧⲉⲛ ⲡϭⲓⲙⲡϣⲓϣ ⲛ̀ⲧⲉ ⲡⲁⲙⲃⲟⲛ. ⲁ̀ⲛⲟⲕ ⲡϭ̅ⲥ̅ ⲁⲓⲥⲁϫⲓ.
لا توجد ترجمة عربية
(ⲓ︦ⲋ︦) ϧⲉⲛ ⲡϫⲓⲛⲑⲣⲓⲟⲩⲱⲣⲡ ⲛ̀ⲛⲁⲥⲟⲑⲛⲉϥ ⲛⲉⲙ ⲡⲁⲙⲃⲟⲛ ⲉ̀ϩⲣⲏⲓ ⲉ̀ϫⲱⲟⲩ. ⲟⲩⲟϩ ⲉⲩⲉ̀ϣⲱⲡⲓ ⲉⲩⲙⲟⲩⲛⲕ. ⲛ̀ⲧⲁⲟⲩⲱϣϥ ⲙ̀ⲡⲧⲁϫⲣⲟ ⲙ̀ⲡⲟⲩⲱⲓⲕ.
لا توجد ترجمة عربية
(ⲓ︦ⲍ︦) ⲟⲩⲟϩ ϯⲛⲁⲟⲩⲱⲣⲡ ⲛ̀ⲟⲩⲥⲏϥⲓ. ⲛⲉⲙ ⲟⲩϩⲃⲱⲛ ⲉ̀ϩⲣⲏⲓ ⲉ̀ϫⲱ. ⲛⲉⲙ ϩⲁⲛⲑⲏⲣⲓⲟⲛ ⲉⲩϩⲱⲟⲩ ⲉ̀ⲉⲧϩⲉⲙⲕⲟ ⲙ̀ⲙⲟ. ⲟⲩⲟϩ ⲟⲩⲙⲟⲩ ⲛⲉⲙ ⲟⲩⲥⲛⲟϥ ⲛⲏⲟⲩ ⲉ̀ϩⲣⲏⲓ ⲉ̀ϫⲱ. ⲉⲓⲉ̀ⲓⲛⲓ ⲛ̀ⲟⲩⲥⲏϥⲓ ⲉ̀ϩⲣⲏⲓ ⲉ̀ϫⲉⲛ ⲡⲉⲕⲱϯ ⲁ̀ⲛⲟⲕ ⲡϭ̅ⲥ̅ ⲁⲓⲥⲁϫⲓ