لا توجد ترجمة عربية
(ⲁ︦) ⲟⲩⲟϩ ⲛⲁⲓ ⲛⲉ ⲛⲓⲣⲁⲛ ⲛ̀ⲛⲓⲫⲩⲗⲏ. ⲓⲥϫⲉⲛ ⲡⲓⲥⲁ ⲙ̀ⲡⲉⲙϩⲓⲧ ⲛ̀ⲧⲉ ⲡⲓⲙⲱⲓⲧ ⲉⲧⲥⲁⲡϣⲱⲓ ⲛ̀ⲁⲑⲁⲗⲱⲛ. ϣⲁ ⲉ̀ϧⲣⲏⲓ ⲉ̀ⲁⲙⲙⲁⲑ. ϯⲁⲩⲗⲏ ⲛ̀ⲧⲉ ⲁⲩⲛⲱⲛ ⲡⲓϭⲓⲏ ⲛ̀ⲇⲁⲙⲁⲥⲕⲟⲥ ⲉ̀ⲡⲉⲙϩⲓⲧ. ⲥⲁⲡϣⲱⲓ ⲛ̀ⲉⲙⲁⲑ. ⲉ̀ⲑⲣⲟⲩϣⲱⲡⲓ ⲛⲁϥ. ⲟⲩⲟϩ ⲡⲥⲁ ⲛ̀ⲧⲉ ⲛⲓⲙⲁⲛϣⲁⲓ ⲙ̀ⲫⲓⲟⲙ. ⲑⲏ ⲉⲑⲛⲁϣⲱⲡⲓ ⲛⲁⲕ ⲟⲩⲕⲗⲏⲣⲟⲥ ⲛ̀ⲟⲩⲱⲧ ⲛ̀ⲇⲁⲛ
لا توجد ترجمة عربية
(ⲃ︦) ⲁ̅ ⲟⲩⲟϩ ⲓⲥϫⲉⲛ ⲡⲓϭⲓⲏ ⲛ̀ⲇⲁⲛ. ⲓⲥϫⲉⲛ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ ϣⲁ ⲡⲥⲁ ⲙ̀ⲫⲓⲟⲙ. ⲉϥⲉ̀ϣⲱⲡⲓ ⲛ̀ⲟⲩⲕⲗⲏⲣⲟⲥ ⲛ̀ⲟⲩⲱⲧ. ⲛⲁⲥⲏⲣ
لا توجد ترجمة عربية
(ⲅ︦) ⲃ̅ ⲓⲥϫⲉⲛ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ. ϣⲁ ⲡⲥⲁ ⲙ̀ⲫⲓⲟⲙ. ⲟⲩⲕⲗⲏⲣⲟⲥ ⲛ̀ⲟⲩⲱⲧ. ⲛ̀ϯⲫⲩⲗⲏ ⲛ̀ⲛⲉⲫⲑⲁⲗⲓⲙ
لا توجد ترجمة عربية
(ⲇ︦) ⲅ̅ ⲟⲩⲟϩ ⲓⲥϫⲉⲛ ⲡⲓϭⲓⲏ ⲛ̀ⲛⲉⲫⲑⲁⲗⲓⲙ ⲛⲉⲙ ⲛⲓⲙⲁⲛ̀ϣⲁⲓ. ϣⲁ ⲡⲥⲁ ⲙ̀ⲫⲓⲟⲙ. ⲟⲩⲕⲗⲏⲣⲟⲥ ⲛ̀ⲟⲩⲱⲧ. ⲕⲗⲏⲣⲟⲥ ⲛ̀ⲟⲩⲱⲧ ⲡⲉ ⲙ̀ⲙⲁⲛⲁⲥⲥⲏ
لا توجد ترجمة عربية
(ⲉ︦) ⲇ̅ ⲟⲩⲟϩ ⲓⲥϫⲉⲛ ⲡⲓϭⲓⲏ ⲙ̀ⲙⲁⲛⲁⲥⲥⲏ. ϣⲁ ⲡⲥⲁ ⲙ̀ⲫⲓⲟⲙ. ⲛⲉⲙ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ. ⲟⲩⲕⲗⲏⲣⲟⲥ ⲛ̀ⲟⲩⲱⲧ ⲛ̀ⲉⲫⲣⲉⲙ ⲡⲉ
لا توجد ترجمة عربية
(ⲋ︦) ⲉ̅ ⲓⲥϫⲉⲛ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ ϣⲁ ⲡⲥⲁ ⲙ̀ⲫⲓⲟⲙ. ⲟⲩⲕⲗⲏⲣⲟⲥ ⲛⲟⲩⲱⲧ ⲡⲉ ⲛ̀ⲣⲟⲩⲃⲏⲛ
لا توجد ترجمة عربية
(ⲍ︦) ⲋ̅ ⲓⲥϫⲉⲛ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ. ϣⲁ ⲡⲥⲁ ⲙ̀ⲫⲓⲟⲙ. ⲟⲩⲕⲗⲏⲣⲟⲥ ⲛ̀ⲟⲩⲱⲧ ⲡⲉ ⲛ̀ⲓⲟⲩⲇⲁ
لا توجد ترجمة عربية
(ⲏ︦) ⲍ̅ ⲟⲩⲟϩ ⲓⲥϫⲉⲛ ⲡⲓϭⲓⲏ ⲛ̀ⲧⲉ ⲓⲟⲩⲇⲁ. ϣⲁ ⲡⲥⲁ ⲛ̀ⲧⲉ ⲫⲓⲟⲙ. ⲉ̀ⲛⲓⲙⲁⲛ̀ϣⲁⲓ ⲉⲣⲉ ϯⲁⲡⲁⲣⲭⲏ ϣⲱⲡⲓ. ⲑⲁⲓ ⲉⲣⲉⲧⲉⲛⲫⲱⲣϫ ⲙ̀ⲙⲟⲥ ⲉ̀ⲃⲟⲗ ⲛ̀ⲑⲃⲁ ⲃ̅ ⲛⲉⲙ ⲟⲩⲫⲁϣⲓ ⲙ̀ⲙⲁϩⲓ ⲛ̀ⲟⲩⲏϣⲥⲓ. ⲟⲩⲟϩ ⲡⲓϣⲓⲏ. ⲉϥⲉⲣ ⲙ̀ⲫⲣⲏϯ ⲛ̀ⲟⲩⲁⲓ ⲛ̀ⲛⲓⲙⲉⲣⲟⲥ. ⲓⲥϫⲉⲛ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ. ⲟⲩⲟϩ ⲉⲣⲉ ⲡⲓⲙⲁ ⲉ︦ⲑ︦ⲩ︦ ϣⲱⲡⲓ ϧⲉⲛ ⲧⲉϥⲙⲏϯ.
لا توجد ترجمة عربية
(ⲑ︦) ϯⲁⲡⲁⲣⲭⲏ ⲉⲣⲉⲧⲉⲛⲫⲟⲣϫ ⲙ̀ⲙⲟⲥ ⲉ̀ⲃⲟⲗ ⲙ̀ⲡϭ̅ⲥ̅. ⲛⲁⲉⲣ ⲑⲃⲁ ⲃ̅ ⲙ̀ⲙⲁϩⲓ. ⲛⲉⲙ ⲟⲩⲫⲁϣⲓ ⲛ̀ϣⲓⲏ. ⲟⲩⲟϩ ⲟⲩⲑⲃⲁ ⲙ̀ⲙⲁϩⲓ ⲛ̀ⲟⲩⲏϣⲥⲓ.
لا توجد ترجمة عربية
(ⲓ︦) ⲟⲩⲟϩ ⲛⲁⲓ ⲉⲩⲉ̀ϣⲱⲡⲓ ⲛⲱⲟⲩ ⲛ̀ϫⲉ ϯⲁⲡⲁⲣⲭⲏ ⲙ̀ⲡⲓⲙⲁ ⲉ︦ⲑ︦ⲩ︦ ⲛ̀ⲧⲉ ⲛⲓⲟⲩⲏⲃ ϧⲉⲛ ⲡⲉⲙϩⲓⲧ ⲑⲃⲁ ⲃ̅ ⲛⲉⲙ ⲟⲩⲫⲁϣⲓ. ⲟⲩⲟϩ ⲫⲓⲟⲙ ⲟⲩⲑⲃⲁ ⲛ̀ⲟⲩⲏϣⲥⲓ. ⲟⲩⲟϩ ⲫⲣⲏⲥ ⲑⲃⲁ ⲃ̅ ⲛⲉⲙ ⲟⲩⲫⲁϣⲓ ⲙ̀ⲙⲁϩⲓ ⲛ̀ϣⲓⲏ ⲛ̀ⲧⲉ ⲡⲓⲙⲁ ⲉ︦ⲑ︦ⲩ︦ ⲛ̀ⲧⲉ ⲡϭ̅ⲥ̅. ⲉϥⲉ̀ϣⲱⲡⲓ ϧⲉⲛ ⲧⲉⲥⲙⲏϯ.
لا توجد ترجمة عربية
(ⲓ︦ⲁ︦) ⲛⲉⲛϣⲏⲣⲓ ⲛ̀ⲥⲁⲇⲱⲕ ⲉⲧⲁⲩⲧⲟⲩⲃⲱⲟⲩ ⲛ̀ⲟⲩⲏⲃ. ⲛⲁⲓ ⲉⲧⲁⲩⲁⲣⲉϩ ⲉ̀ⲡⲓϩⲱⲛ. ⲟⲩⲟϩ ⲙ̀ⲡⲟⲩⲥⲱⲣⲉⲙ. ϧⲉⲛ ⲡⲓⲥⲱⲣⲉⲙ ⲛ̀ⲧⲉ ⲛⲉⲛϣⲏⲣⲓ ⲙ̀ⲡⲓⲥ̅ⲗ̅. ⲕⲁⲧⲁ ⲫⲣⲏϯ ⲉⲧⲁⲩⲥⲱⲣⲉⲙ ⲛ̀ϫⲉ ⲛⲓⲗⲉⲩⲓⲧⲏⲥ.
لا توجد ترجمة عربية
(ⲓ︦ⲃ︦) ⲉⲣⲉ ⲟⲩⲁⲡⲁⲣⲭⲏ ϣⲱⲡⲓ ⲛⲱⲟⲩ ⲉ̀ⲃⲟⲗ ϧⲉⲛ ϯⲁⲡⲁⲣⲭⲏ ⲙ̀ⲡⲉ︦ⲑ︦ⲩ︦ ⲛ̀ⲧⲉ ⲛⲏ ⲉ︦ⲑ︦ⲩ︦. ⲉⲣⲉ ⲛⲏ ⲉ︦ⲑ︦ⲩ︦ ϣⲱⲡⲓ ϧⲁⲧⲉⲛ ⲡⲓϭⲓⲏ ⲛ̀ⲧⲉ ⲛⲓⲗⲉⲩⲏⲧⲏⲥ.
لا توجد ترجمة عربية
(ⲓ︦ⲅ︦) ⲟⲩⲟϩ ⲛⲓⲗⲉⲩⲓⲧⲏⲥ ⲉⲩⲉ̀ϣⲱⲡⲓ ϧⲁⲧⲉⲛ ⲡⲓϭⲓⲏ ⲛ̀ⲧⲉ ⲛⲓⲟⲩⲏⲃ. ⲑⲃⲁ ⲃ̅ ⲛⲉⲙ ⲟⲩⲫⲁϣⲓ ⲙ̀ⲙⲁϩⲓ ⲛ̀ϣⲓⲏ. ⲟⲩⲟϩ ⲟⲩⲑⲃⲁ ⲙ̀ⲙⲁϩⲓ ⲛ̀ⲟⲩⲏϣⲥⲓ.
لا توجد ترجمة عربية
(ⲓ︦ⲇ︦) ⲉ̀ϣ̀ⲧⲉⲙϯ ⲉ̀ⲃⲟⲗ ⲛ̀ϧⲏⲧϥ ⲟⲩⲟϩ ⲉ̀ϣ̀ⲧⲉⲙϣⲓⲃϯ. ⲟⲩⲟϩ ⲉ̀ϣ̀ⲧⲉⲙϯⲁⲡⲁⲣⲭⲏ ⲛ̀ⲧⲉ ⲡⲕⲁϩⲓ ϫⲉ ⲁⲩⲧⲟⲩⲃⲟϥ ⲙ̀ⲡϭ̅ⲥ̅.
لا توجد ترجمة عربية
(ⲓ︦ⲉ︦) ⲟⲩⲟϩ ⲧⲫⲁϣⲓ ⲛ̀ⲑⲃⲁ ⲙ̀ⲙⲁϩⲓ ⲉⲧⲁⲩⲭⲁϥ ⲥⲁⲫⲁϩⲟⲩ ⲛ̀ϯⲟⲩⲉϣⲥⲓ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲙ̀ⲡⲓⲑⲃⲁ ⲃ̅. ⲛⲉⲙ ⲟⲩⲫⲁϣⲓ ⲛ̀ⲟⲩⲏϣⲥⲓ ⲉϥⲕⲱϯ ⲉ̀ϯⲃⲁⲕⲓ ⲉⲩⲙⲁⲛ̀ϣⲱⲡⲓ ⲟⲩⲟϩ ⲕⲉⲙⲁ ⲉ̀ⲑⲣⲉϥϣⲱⲡⲓ ⲥⲁⲃⲟⲗ ⲛ̀ϯⲃⲁⲕⲓ. ⲟⲩⲟϩ ϯⲃⲁⲕⲓ ⲛⲁϣⲱⲡⲓ ϧⲉⲛ ⲧⲉⲥⲙⲏϯ.
لا توجد ترجمة عربية
(ⲓ︦ⲋ︦) ⲛⲁⲓ ⲛⲉ ⲛⲉⲥϣⲓ. ⲡⲥⲁ ⲛ̀ⲧⲉ ⲡⲉⲙϩⲓⲧ ⲙ̅ⲉ̅ ⲛ̀ϣⲉ ⲙ̀ⲙⲁϩⲓ. ⲟⲩⲟϩ ⲡⲥⲁ ⲙ̀ⲫⲣⲏⲥ ⲙ̅ⲉ̅ ⲛ̀ϣⲉ ⲙ̀ⲙⲁϩⲓ. ⲟⲩⲟϩ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ ⲙ̅ⲉ̅ ⲛ̀ϣⲉ ⲙ̀ⲙⲁϩⲓ. ⲟⲩⲟϩ ⲡⲥⲁ ⲙ̀ⲫⲓⲟⲙ ⲙ̅ⲉ̅ ⲛ̀ϣⲉ ⲙ̀ⲙⲁϩⲓ.
لا توجد ترجمة عربية
(ⲓ︦ⲍ︦) ⲟⲩⲟϩ ⲡⲓⲙⲁ ⲉⲧⲥⲁⲃⲟⲗ ⲉⲕⲉ̀ⲛⲉϩϥ ⲉ̀ϯⲃⲁⲕⲓ. ϥⲛⲁϣⲱⲡⲓ ⲥ̅ⲛ̅ ⲙ̀ⲙⲁϩⲓ ⲛ̀ϣⲓⲏ ⲉ̀ⲡⲉⲙϩⲓⲧ. ⲟⲩⲟϩ ⲥ̅ⲛ̅ ⲙ̀ⲙⲁϩⲓ ⲉ̀ⲫⲣⲏⲥ. ⲟⲩⲟϩ ⲥ̅ⲛ̅ ⲙ̀ⲙⲁϩⲓ ⲉ̀ⲡⲥⲁ ⲙ̀ⲫⲓⲟⲙ.
لا توجد ترجمة عربية
(ⲓ︦ⲏ︦) ⲟⲩⲟϩ ⲡⲓϣⲓ ⲉⲕⲛⲁⲥⲱϫⲡ ⲉ̀ϯϣⲓⲏ. ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ϯⲁⲡⲁⲣⲭⲏ ⲙ̀ⲡⲉ︦ⲑ︦ⲩ︦. ⲟⲩⲑⲃⲁ ⲙ̀ⲙⲁϩⲓ ⲉ̀ⲛⲓⲙⲁⲛ̀ϣⲁⲓ ⲟⲩⲟϩ ⲟⲩⲑⲃⲁ ⲙ̀ⲙⲁϩⲓ ⲉ̀ⲫⲓⲟⲙ. ⲉϥϣⲱⲡⲓ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ϯⲁⲡⲁⲣⲭⲏ ⲙ̀ⲡⲉ︦ⲑ︦ⲩ︦ ⲟⲩⲟϩ ⲡⲉϥⲅⲉⲛⲏⲙⲁ ⲉϥⲉ̀ϣⲱⲡⲓ ⲛ̀ϩⲁⲛⲱⲓⲕ ⲛ̀ⲛⲏ ⲉⲧⲟⲓ ⲛ̀ⲉⲃⲓⲁⲓⲕ ⲛ̀ϯⲡⲟⲗⲓⲥ
لا توجد ترجمة عربية
(ⲓ︦ⲑ︦) ⲟⲩⲟϩ ⲫⲏ ⲉⲧⲟⲓ ⲙ̀ⲃⲱⲕ ⲛ̀ϯⲡⲟⲗⲓⲥ ⲉⲩⲉⲣⲃⲱⲕ ⲛⲁϥ ϩⲱϥ. ⲉ̀ⲃⲟⲗ ϧⲉⲛ ⲛⲓⲫⲩⲗⲏ ⲛ̀ⲧⲉ ⲡⲓⲥ̅ⲗ̅.
لا توجد ترجمة عربية
(ⲕ︦) ϯⲁⲡⲁⲣⲭⲏ ⲧⲏⲣⲥ ⲛⲁⲉⲣⲑⲃⲁ ⲃ̅. ⲛⲉⲙ ⲟⲩⲫⲁϣⲓ ⲙ̀ⲙⲁϩⲓ. ⲉⲣⲉⲧⲉⲛⲱⲗⲓ ⲉ̀ⲃⲟⲗ ⲙ̀ⲡⲓⲣⲉⲇ̅ ⲛ̀ϯⲁⲡⲁⲣⲭⲏ ⲉ︦ⲑ︦ⲩ︦. ⲉⲩⲙⲁ ⲛ̀ⲁⲙⲁϩⲓ ⲛ̀ϯⲡⲟⲗⲓⲥ.
لا توجد ترجمة عربية
(ⲕ︦ⲁ︦) ⲟⲩⲟϩ ⲫⲏ ⲉⲧⲁϥⲥⲱϫⲡ ⲉ̀ⲃⲟⲗ ϧⲉⲛ ⲫⲁⲓ. ⲉϥⲉ̀ϣⲱⲡⲓ ⲙ̀ⲡⲓⲁⲣⲭⲱⲛ. ⲉⲩⲁⲡⲁⲣⲭⲏ ⲙ̀ⲡⲉ︦ⲑ︦ⲩ︦. ⲟⲩⲟϩ ⲉⲩⲕⲁⲧⲁⲥⲭⲉⲥⲓⲥ ⲛ̀ϯⲡⲟⲗⲓⲥ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲑⲃⲁ ⲃ̅ ⲛⲉⲙ ⲟⲩⲫⲁϣⲓ ⲙ̀ⲙⲁϩⲓ. ⲉ̀ⲑⲣⲟⲩϣⲱⲡⲓ ⲛ̀ⲁⲡⲁⲣⲭⲏ. ϣⲁ ⲉ̀ϧⲣⲏⲓ ⲉ̀ⲛⲓϭⲓⲏ ⲛ̀ⲧⲉ ⲛⲓⲙⲁⲛ̀ϣⲁⲓ. ⲛⲉⲙ ⲫⲓⲟⲙ. ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲑⲃⲁ ⲃ̅ ⲛⲉⲙ ⲟⲩⲫⲁϣⲓ ⲙ̀ⲙⲁϩⲓ. ⲓⲥϫⲉⲛ ⲡⲓϭⲓⲏ ⲛ̀ⲧⲉ ⲫⲓⲟⲙ. ⲉϥⲑⲏϣ ⲛⲉⲙ ⲛⲓⲕⲉⲙⲉⲣⲟⲥ ⲛ̀ⲧⲉ ⲡⲓⲁⲣⲭⲱⲛ. ⲑⲁⲓ ⲧⲉ ϯⲁⲡⲁⲣⲭⲏ ⲙ̀ⲡⲉ︦ⲑ︦ⲩ︦. ⲟⲩⲟϩ ⲡⲓⲙⲁ ⲛ̀ⲧⲟⲩⲃⲟ ⲛ̀ⲧⲉ ⲡⲓⲏⲓ. ⲉϥⲉ̀ϣⲱⲡⲓ ϧⲉⲛ ⲧⲉⲥⲙⲏϯ.
لا توجد ترجمة عربية
(ⲕ︦ⲃ︦) ⲟⲩⲟϩ ⲉ̀ⲃⲟⲗ ϧⲉⲛ ϯⲕⲁⲧⲁⲥⲭⲉⲥⲓⲥ ⲛ̀ⲧⲉ ⲛⲓⲗⲉⲩⲓⲧⲏⲥ ⲟⲩⲟϩ ⲉ̀ⲃⲟⲗ ϧⲉⲛ ϯⲕⲁⲧⲁⲥⲭⲉⲥⲓⲥ ⲛ̀ϯⲃⲁⲕⲓ. ⲡⲓⲁⲣⲭⲱⲛ ⲉϥⲉ̀ϣⲱⲡⲓ ϧⲉⲛ ⲡⲓϭⲓⲏ ⲛ̀ⲧⲉ ⲓⲟⲩⲇⲁ ⲏ̅ ⲟⲩⲟϩ ϧⲉⲛ ⲑⲙⲏϯ ⲙ̀ⲡⲓϭⲓⲏ ⲛ̀ⲧⲉ ⲃⲉⲛⲓⲁⲙⲓⲛ.
لا توجد ترجمة عربية
(ⲕ︦ⲅ︦) ⲟⲩⲟϩ ⲛⲓⲕⲉⲥⲱϫⲡ ⲉⲩⲉ̀ϣⲱⲡⲓ ⲛ̀ⲛⲓⲫⲩⲗⲏ. ⲓⲥϫⲉⲛ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ ϣⲁ ⲡⲥⲁ ⲙ̀ⲫⲓⲟⲙ. ⲉⲣⲉ ⲟⲩⲁⲓ ϣⲱⲡⲓ ⲛ̀ⲥⲩⲙⲉⲱⲛ
لا توجد ترجمة عربية
لا توجد ترجمة قبطية
لا توجد ترجمة عربية
(ⲕ︦ⲉ︦) ⲑ̅ ⲓⲥϫⲉⲛ ⲡⲓⲥⲁ ⲙ̀ⲫⲓⲟⲙ ϣⲁ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ. ⲉⲣⲉ ⲟⲩⲁⲓ ϣⲱⲡⲓ ⲛ̀ⲓⲥⲁⲭⲁⲣ ⲓ
لا توجد ترجمة عربية
(ⲕ︦ⲋ︦) ⲓ̅ ⲓⲥϫⲉⲛ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ ϣⲁ ⲡⲥⲁ ⲙ̀ⲫⲓⲟⲙ. ⲉⲣⲉ ⲟⲩⲁⲓ ϣⲱⲡⲓ ⲛ̀ⲍⲁⲃⲟⲩⲗⲟⲛ
لا توجد ترجمة عربية
(ⲕ︦ⲍ︦) ⲓ̅ⲁ̅ ⲟⲩⲟϩ ⲓⲥϫⲉⲛ ⲡⲓϭⲓⲏ ⲛ̀ⲧⲉ ⲍⲁⲃⲟⲩⲗⲟⲛ. ⲓⲥϫⲉⲛ ⲡⲥⲁ ⲙ̀ⲫⲓⲟⲙ. ϣⲁ ⲡⲥⲁ ⲛ̀ⲧⲉ ⲛⲓⲙⲁⲛ̀ϣⲁⲓ. ⲉⲣⲉ ⲟⲩⲁⲓ ϣⲱⲡⲓ ⲛ̀ⲅⲁⲇ
لا توجد ترجمة عربية
(ⲕ︦ⲏ︦) ⲓ̅ⲃ̅ ⲟⲩⲟϩ ⲡⲓϭⲓⲏ ⲛ̀ⲧⲉ ⲅⲁⲇ ⲉⲣⲉ ⲡⲥⲁ ⲙ̀ⲫⲣⲏⲥ ⲟϩⲓ ⲉ̀ⲣⲁⲧϥ. ⲟⲩⲟϩ ⲉⲣⲉ ⲡⲓϭⲓⲏ ϣⲱⲡⲓ ⲓⲥϫⲉⲛ ⲡⲥⲁ ⲙ̀ⲫⲣⲏⲥ. ⲙ̀ⲡⲓⲙⲱⲟⲩ ⲛ̀ⲧⲉ ϯⲁⲛⲧⲓⲗⲟⲅⲓⲁ ⲛ̀ⲧⲉ ⲕⲁⲇⲏⲥ. ⲉⲩⲕⲗⲏⲣⲟⲛⲟⲙⲓⲁ ⲉⲧⲉ ⲡⲓⲛⲓϣϯ ⲙ̀ⲫⲓⲟⲙ.
لا توجد ترجمة عربية
(ⲕ︦ⲑ︦) ⲫⲁⲓ ⲡⲉ ⲡⲓⲕⲁϩⲓ ⲉⲣⲉⲧⲉⲛⲑⲁϣϥ ⲛ̀ⲛⲓⲫⲩⲗⲏ ⲛ̀ⲧⲉ ⲡⲓⲥ̅ⲗ̅. ⲟⲩⲟϩ ⲛⲁⲓ ⲛⲉ ⲛⲟⲩϭⲓⲏ. ⲡⲉϫⲉ ⲁⲇⲱⲛⲁⲓ ⲡϭ̅ⲥ̅.
لا توجد ترجمة عربية
(ⲗ︦) ⲟⲩⲟϩ ⲛⲁⲓ ⲛⲉ ⲛⲓⲙⲱⲓⲧ ⲛ̀ⲧⲉ ϯⲃⲁⲕⲓ. ⲓⲥϫⲉⲛ ⲡⲓⲥⲁ ⲛ̀ⲧⲉ ⲡⲉⲙϩⲓⲧ. ⲙ̅ⲉ̅ ⲛ̀ϣⲉ ⲙ̀ⲙⲁϩⲓ ⲛ̀ϣⲓⲏ.
لا توجد ترجمة عربية
(ⲗ︦ⲁ︦) ⲟⲩⲟϩ ⲛⲓⲡⲩⲗⲏ ⲛ̀ⲧⲉ ϯⲃⲁⲕⲓ. ⲉⲩⲉ̀ϣⲱⲡⲓ ϧⲉⲛ ⲛⲓⲫⲩⲗⲏ ⲛ̀ⲧⲉ ⲡⲓⲥ̅ⲗ̅ ⲅ̅ ⲙ̀ⲡⲩⲗⲏ ⲉⲩⲉ̀ϣⲱⲡⲓ ⲉ̀ⲡⲥⲁ ⲛ̀ⲧⲉ ⲡⲉⲙϩⲓⲧ. ⲟⲩⲡⲩⲗⲏ ⲛ̀ⲣⲟⲩⲃⲏⲛ. ⲟⲩⲡⲩⲗⲏ ⲛ̀ⲓⲟⲩⲇⲁ. ⲟⲩⲡⲩⲗⲏ ⲛ̀ⲗⲉⲩⲓ.
لا توجد ترجمة عربية
(ⲗ︦ⲃ︦) ⲟⲩⲟϩ ⲡⲥⲁ ⲛ̀ⲧⲉ ⲛⲓⲙⲁⲛϣⲁⲓ ⲙ̅ⲉ̅ ⲙ̀ⲙⲁϩⲓ. ϣⲱⲡⲓ ⲛ̀ϧⲏⲧϥ. ⲟⲩⲟϩ ⲅ̅ ⲙ̀ⲡⲩⲗⲏ. ⲟⲩⲡⲩⲗⲏ ⲛ̀ⲓⲱⲥⲏⲫ. ⲟⲩⲡⲩⲗⲏ ⲙ̀ⲃⲉⲛⲓⲁⲙⲓⲛ. ⲟⲩⲡⲩⲗⲏ ⲛ̀ⲇⲁⲛ.
لا توجد ترجمة عربية
(ⲗ︦ⲅ︦) ⲟⲩⲟϩ ⲡⲥⲁ ⲙ̀ⲫⲣⲏⲥ. ⲙ̅ⲉ̅ ⲛ̀ϣⲉ ⲙ̀ⲙⲁϩⲓ. ϣⲱⲡⲓ ⲛ̀ϧⲏⲧϥ. ⲟⲩⲟϩ ⲅ̅ ⲙ̀ⲡⲩⲗⲏ. ⲟⲩⲡⲩⲗⲏ ⲛ̀ⲥⲩⲙⲉⲱⲛ. ⲟⲩⲡⲩⲗⲏ ⲛ̀ⲓⲥⲁⲭⲁⲣ. ⲟⲩⲡⲩⲗⲏ ⲛ̀ⲍⲁⲃⲟⲩⲗⲱⲛ.
لا توجد ترجمة عربية
(ⲗ︦ⲇ︦) ⲟⲩⲟϩ ⲡⲓⲥⲁ ⲙ̀ⲫⲓⲟⲙ. ⲙⲉ ⲛ̀ϣⲉ ⲙ̀ⲙⲁϩⲓ ϣⲱⲡⲓ ⲛ̀ϧⲏⲧϥ. ⲟⲩⲟϩ ⲅ̅ ⲙ̀ⲡⲩⲗⲏ. ⲟⲩⲡⲩⲗⲏ ⲛ̀ⲅⲁⲇ. ⲟⲩⲡⲩⲗⲏ ⲛⲁⲥⲏⲣ. ⲟⲩⲡⲩⲗⲏ ⲛ̀ⲉⲫⲑⲁⲗⲓⲙ.
لا توجد ترجمة عربية
(ⲗ︦ⲉ︦) ⲉⲩⲕⲱϯ ⲉ̀ⲣⲟⲥ. ⲟⲩⲟϩ ⲟⲩⲑⲃⲁ ⲙ̀ⲙⲁϩⲓ ⲛⲉⲙ ⲗ̅ ϣⲉ ⲙ̀ⲙⲁϩⲓ. ⲉⲩⲕⲱϯ ⲉ̀ⲣⲟⲥ ⲫⲣⲁⲛ ⲇⲉ ⲛ̀ϯⲃⲁⲕⲓ ⲉϥⲉ̀ϣⲱⲡⲓ ϩⲓϫⲱⲥ. ⲓⲥϫⲉⲛ ⲡⲓⲉϩⲟⲟⲩ ⲛ̀ⲧⲉ ϯⲡⲟⲗⲓⲥ ⲟⲩⲟϩ ϣⲁ ⲉ̀ⲃⲟⲗ
لا توجد ترجمة عربية
ⲡϫⲱⲙ ⲛⲓⲉⲍⲉⲕⲓⲏⲗ ⲡⲓⲙⲁϩⲅ̅ ϧⲉⲛ ⲛⲓⲛⲓϣϯ ⲙ̀ⲡⲣⲟⲫⲏⲧⲏⲥ ⲁϥϫⲱⲕ ⲉ̀ⲃⲟⲗ. ⲉϥⲓⲣⲓ ⲛ̅ⲇ̅ ⲛ̀ϣⲟ ⲱ ⲛ̀ⲗⲉⲝⲓⲥ ⲉⲣⲉ ⲛⲉϥⲥⲙⲟⲩ ⲉⲑ̅ⲩ̅ ϣⲱⲡⲓ ⲛⲉⲙⲁⲛ. ⲧⲏⲣⲉⲛ ⲛⲉⲙ ⲫⲏ ⲉⲧⲁϥϥⲓ ⲙ̀ⲡⲉϥⲣⲱⲟⲩϣ ⲛⲉⲙ ⲫⲏ ⲉⲧⲟϣ ⲛ̀ϧⲏⲧϥ. ⲛⲉⲙ ⲡⲓⲉⲃⲓⲏⲛ ⲉⲧⲁϥⲥϧⲁⲓ ⲡⲉⲧⲣⲟⲥ ⲁⲙⲏⲛ.