لا توجد ترجمة عربية
(ⲁ︦) ⲟⲩⲟϩ ⲡⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.
لا توجد ترجمة عربية
(ⲃ︦) ϫⲉ ⲛ̀ⲑⲟⲕ ϩⲱⲕ ⲡϣⲏⲣⲓ ⲙ̀ⲫⲣⲱⲙⲓ. ϭⲓ ⲛ̀ⲟⲩⲛⲉϩⲡⲓ ⲉ̀ϫⲉⲛ ⲥⲱⲣ.
لا توجد ترجمة عربية
(ⲅ︦) ⲟⲩⲟϩ ⲁϫⲟⲥ ⲉ̀ϧⲟⲩⲛ ϧⲉⲛ ⲥⲱⲣ. ⲑⲏ ⲉⲧϣⲟⲡ ϧⲉⲛ ⲡⲓⲙⲱⲓⲧ. ⲟⲩⲟϩ ϣⲉ ⲉ̀ϧⲟⲩⲛ ⲉ̀ⲫⲓⲟⲙ ⲟⲩⲟϩ ⲁϫⲟⲥ. ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅ ⲛ̀ⲥⲱⲣ ϫⲉ ⲛ̀ⲑⲟ ⲁⲣⲉϫⲟⲥ ϫⲉ ⲁ̀ⲛⲟⲕ ⲁⲓϯ ⲙ̀ⲡⲁⲓⲥⲁⲓ ⲉ̀ⲣⲟ.
لا توجد ترجمة عربية
(ⲇ︦) ⲉ̀ⲑⲣⲓⲥⲓⲛⲓ ϧⲉⲛ ⲡϩⲏⲧ ⲙ̀ⲫⲓⲟⲙ. ⲛⲉϣⲏⲣⲓ ⲁⲩϯ ⲙ̀ⲡⲁⲓⲥⲁⲓ ⲉ̀ⲣⲟ.
لا توجد ترجمة عربية
(ⲉ︦) ϯⲕⲉⲇⲣⲟⲥ ⲑⲏ ⲉ̀ⲃⲟⲗ ϧⲉⲛ ⲥⲉⲛⲓⲉⲣⲟⲥ ⲧⲁⲥⲑⲟ ⲉ̀ⲣⲟ. ϩⲁⲛⲫⲁϫⲓ ⲛ̀ϣⲉ ⲛ̀ⲡⲗⲁⲝ ⲛ̀ⲕⲉⲡⲁⲣⲓⲥⲟⲥ. ⲁⲩϭⲓ ⲙ̀ⲙⲱⲟⲩ ⲉ̀ⲃⲟⲗ ϧⲉⲛ ⲡⲓⲗⲓⲃⲁⲛⲟⲥ. ⲉ̀ⲑⲣⲟⲩⲑⲁⲙⲓⲱⲟⲩ ⲛ̀ϣⲉ ⲛ̀ⲧⲉ ⲛⲓϩⲁⲗⲁϯ.
لا توجد ترجمة عربية
(ⲋ︦) ⲁⲩⲑⲁⲙⲓⲟ ⲛ̀ⲟⲩⲃⲟⲥⲉⲣ ⲉ̀ⲃⲟⲗ ϧⲉⲛ ⲑⲃⲁⲥⲁⲛ. ⲛⲉⲉⲣⲫⲏⲟⲩⲓ ⲉⲧⲁⲩⲑⲁⲙⲓⲱⲟⲩ ⲉ̀ⲃⲟⲗ ϧⲉⲛ ⲛⲓⲉⲗⲉⲫⲁⲛⲧⲓⲛⲟⲛ ϩⲁⲛⲏⲓ ⲉⲩⲟⲓ ⲛ̀ϧⲏⲓⲃⲓ ⲛ̀ϣϣⲏⲛ ⲉ̀ⲃⲟⲗ ϧⲉⲛ ⲛⲓⲛⲏⲥⲟⲥ ⲛ̀ⲧⲉ ⲭⲉⲇⲇⲓⲛ.
لا توجد ترجمة عربية
(ⲍ︦) ⲟⲩⲟϩ ϩⲁⲛϣⲉⲛⲥ. ⲛⲉⲙ ϩⲁⲛⲥⲟⲗⲥⲉⲗ ⲛ̀ⲟⲩⲑⲟ ⲛ̀ⲣⲏϯ ⲉ̀ⲃⲟⲗ ϧⲉⲛ ⲭⲏⲙⲓ. ϩⲁⲛⲫⲣⲏϣ ⲁⲩⲑⲁⲙⲓⲱⲟⲩ ⲛⲉ. ⲉ̀ⲑⲣⲟⲩϯ ⲉ̀ⲣⲟ ⲛ̀ⲟⲩⲱⲟⲩ ⲟⲩⲟϩ ⲉ̀ⲑⲣⲟⲩϫⲟⲗϩ ⲙ̀ⲙⲟ ⲛ̀ⲟⲩϩⲓⲁⲕⲓⲛⲑⲓⲛⲟⲛ. ⲛⲉⲙ ⲟⲩϭⲏϫⲓ. ⲉ̀ⲃⲟⲗ ϧⲉⲛ ⲛⲓⲛⲏⲥⲱⲥ ⲛ̀ⲉⲗⲓⲥⲁⲓ. ⲟⲩⲟϩ ⲁⲩϣⲱⲡⲓ ⲛⲉ ⲛ̀ϫⲉ ⲛⲏ ⲉⲧⲉϣⲁⲣϫⲟⲗϩ ⲙ̀ⲙⲱⲟⲩ
لا توجد ترجمة عربية
(ⲏ︦) ⲟⲩⲟϩ ⲛⲉⲁⲣⲭⲱⲛ. ⲛⲏ ⲉⲧϣⲟⲡ ϧⲉⲛ ⲥⲓⲇⲱⲛ. ⲟⲩⲟϩ ⲛⲓⲁⲣⲁⲇⲓⲟⲥ ⲁⲩϣⲱⲡⲓ ⲛ̀ⲣⲉϥⲥⲱⲕ ⲛ̀ⲛⲉⲃⲟⲥⲉⲣ ⲛⲏ ⲉⲧϣⲟⲡ ⲛ̀ϧⲏϯ. ⲛⲁⲓ ⲛⲉ ⲛⲓⲣⲉϥⲉⲣϩⲉⲙⲓ.
لا توجد ترجمة عربية
(ⲑ︦) ⲛⲉⲡⲣⲉⲥⲃⲩⲧⲉ̀ⲣⲟⲥ ϧⲉⲛ ⲛⲟⲩϫⲱⲙ ⲟⲩⲟϩ ⲛⲉⲥⲟⲫⲟⲥ ⲉⲧϣⲟⲡ ⲛ̀ϧⲏϯ. ⲛⲁⲓ ⲁⲩⲧⲁϫⲣⲉ ⲡⲟⲩⲥⲟϭⲛⲓ. ⲟⲩⲟϩ ⲛⲉⲉϫⲏⲟⲩ ⲧⲏⲣⲟⲩ ⲙ̀ⲫⲓⲟⲙ. ⲛⲉⲙ ⲛⲏ ⲉⲧϧⲉⲛ ⲛⲓⲁⲙⲁⲓⲟⲩ. ⲁⲩϣⲱⲡⲓ ⲙ̀ⲙⲁⲛ̀ⲟⲣϥ ⲉ̀ϧⲟⲩⲛ.
لا توجد ترجمة عربية
(ⲓ︦) ⲛⲓⲡⲉⲣⲥⲟⲥ ⲛⲉⲙ ⲛⲓⲙⲏⲧⲟⲥ. ⲛⲉⲙ ⲛⲁ ϯⲗⲉⲃⲓⲏ. ⲛⲁⲩϣⲟⲡ ϧⲉⲛ ⲧⲉϫⲟⲙ. ϩⲁⲛⲣⲱⲙⲓ ⲙ̀ⲡⲟⲗⲉⲙⲓⲧⲏⲥ ⲛⲉⲣⲉϥⲙⲓϣⲓ ϧⲉⲛ ⲡⲓⲡⲟⲗⲉⲙⲟⲥ. ⲛⲟⲩϧⲱⲕⲓ ⲛⲉⲙ ⲛⲟⲩⲕⲉⲡⲉⲣⲓⲕⲉⲫⲁⲗⲉⲁ. ⲁⲩⲁϣⲟⲩ ⲛ̀ϧⲏϯ. ⲛⲁⲩⲁⲓϯ ⲙ̀ⲡⲟⲩⲱⲟⲩ
لا توجد ترجمة عربية
(ⲓ︦ⲁ︦) ⲛⲉⲛϣⲏⲣⲓ ⲛ̀ⲁⲣⲁⲇⲓⲟⲥ ⲛⲉⲙ ⲧⲟⲩϫⲟⲙ. ⲛⲁⲩϣⲟⲡ ϩⲓϫⲉⲛ ⲛⲟⲩⲥⲟⲃⲧ. ⲛⲏ ⲉⲧⲣⲱⲓⲥ ⲛⲁⲩϣⲟⲡ ϩⲓϫⲉⲛ ⲛⲉⲡⲩⲣⲅⲟⲥ. ⲛⲉⲥⲕⲉⲩⲟⲥ ⲛ̀ⲭⲁⲥⲟⲑⲛⲉϥ ⲁⲩⲁϣⲟⲩ ⲉ̀ⲛⲉϣⲙⲟⲩⲓ. ⲙ̀ⲡⲉⲕⲱϯ ⲛⲱⲟⲩ. ⲁⲩϫⲱⲕ ⲉ̀ⲃⲟⲗ ⲉ̀ⲡⲉⲥⲁⲓ.
لا توجد ترجمة عربية
(ⲓ︦ⲃ︦) ⲛⲓⲣⲱⲙⲓ ⲛ̀ⲭⲁⲗⲭⲏⲇⲱ ⲛⲉ ⲛⲉϣⲟϯ. ⲉ̀ⲃⲟⲗ ϧⲉⲛ ⲧⲟⲩϫⲟⲙ ⲧⲏⲣⲥ. ⲁⲩⲫⲱⲣϣ ⲛ̀ⲧⲉⲁⲅⲟⲣⲁ ϧⲉⲛ ⲟⲩⲛⲟⲩⲃ. ⲛⲉⲙ ⲟⲩϩⲁⲧ. ⲛⲉⲙ ⲟⲩⲃⲉⲛⲓⲡⲓ. ⲛⲉⲙ ⲟⲩⲧⲁϩⲧ.
لا توجد ترجمة عربية
(ⲓ︦ⲅ︦) ⲟⲩⲟϩ ⲫⲓⲟⲙ ⲛⲉⲙ ⲛⲓⲕⲉⲙⲁ ⲧⲏⲣⲟⲩ. ⲟⲩⲟϩ ⲛⲏ ⲉⲧⲉⲛϣⲟⲧ ⲧⲏⲣⲟⲩ. ⲛ̀ⲑⲱⲟⲩ ⲛⲉ ⲛⲏ ⲉⲧⲟⲓ ⲛ̀ϣⲟϯ ⲛⲉ. ϩⲁⲛⲯⲩⲭⲏ ⲛ̀ⲣⲱⲙⲓ. ⲟⲩⲟϩ ϩⲁⲛⲥⲕⲉⲩⲏ ⲛ̀ϩⲟⲙⲧ. ⲁⲩⲧⲏⲓⲧⲟⲩ ⲉⲧⲓⲉⲃϣⲟⲧ.
لا توجد ترجمة عربية
(ⲓ︦ⲇ︦) ⲉ̀ⲃⲟⲗ ϧⲉⲛ ⲡⲏⲓ ⲛ̀ⲑⲉⲅⲣⲁⲙⲙⲁ. ϩⲁⲛϩⲑⲱⲣ. ⲛⲉⲙ ϩⲁⲛϩⲓⲡⲡⲉⲩⲥ. ⲛⲉⲙ ϩⲁⲛⲧⲉⲙⲑⲁⲙ. ⲁⲓⲧⲏⲓⲧⲟⲩ ⲉ̀ⲧⲉⲁⲅⲟⲣⲁ.
لا توجد ترجمة عربية
(ⲓ︦ⲉ︦) ⲛⲉⲛϣⲏⲣⲓ ⲛ̀ⲏⲣⲱⲇⲓⲁⲥ ⲛⲁⲩⲟⲓ ⲛ̀ⲉϣⲱⲧ ⲛⲉ. ⲁⲩⲧⲁϣⲟ ⲛ̀ⲧⲉⲓⲉⲃϣⲱⲧ. ⲉ̀ⲃⲟⲗ ϧⲉⲛ ⲛⲓⲛⲏⲥⲟⲥ. ϩⲁⲛϣⲁⲗ ⲛ̀ⲉⲗⲉⲫⲁⲛⲧⲓⲛⲟⲛ. ⲟⲩⲟϩ ϧⲉⲛ ⲛⲏ ⲉⲧⲉ ϣⲁⲩⲉⲛⲟⲩ ⲉ̀ϧⲟⲩⲛ.
لا توجد ترجمة عربية
(ⲓ︦ⲋ︦) ⲛⲁⲣⲉϯ ⲛ̀ϩⲁⲛⲃⲉⲭⲉ ⲛ̀ϩⲁⲛⲣⲱⲙⲓ ⲉ̀ⲃⲟⲗ ϧⲉⲛ ⲛⲏ ⲉⲧⲟⲓ ⲛ̀ⲉϣⲱⲧ. ϧⲉⲛ ⲡⲓⲙⲏϣ ⲉⲧⲙⲟⲩϫⲧ ⲛⲉⲙⲉ. ⲁⲩⲓⲛⲓ ⲛ̀ⲥⲧⲁⲕⲧⲏ. ⲛⲉⲙ ⲟⲩⲑⲟ ⲛ̀ⲣⲏϯ ⲉ̀ⲃⲟⲗ ϧⲉⲛ ⲑⲁⲣⲥⲓⲥ. ⲟⲩⲟϩ ⲗⲁⲙⲱⲑ ⲛⲉⲙ ⲕⲟⲣⲭⲟⲣ ⲁⲩϯ ⲛ̀ⲧⲉⲁⲅⲟⲣⲁ.
لا توجد ترجمة عربية
(ⲓ︦ⲍ︦) ⲓⲟⲩⲇⲁⲥ ⲛⲉⲙ ⲛⲉⲛϣⲏⲣⲓ ⲙ̀ⲡⲓⲥ̅ⲗ̅. ⲛⲁⲓ ⲛⲉ ⲛⲏ ⲉⲧⲟⲓ ⲛ̀ⲉϣⲱⲧ ⲛⲉ. ⲁⲩϯ ⲥⲟⲩⲟ ⲉ̀ⲃⲟⲗ. ⲛⲉⲙ ⲟⲩⲥⲑⲟⲓⲛⲟⲩϥⲓ. ⲟⲩⲟϩ ϯⲕⲁⲥⲓⲁ ⲛⲉⲙ ⲡⲓⲉⲃⲓⲱ ⲉⲧⲥⲱⲧⲡ. ⲟⲩⲟϩ ⲡⲉⲛⲉϩ. ⲛⲉⲙ ⲡⲉⲥⲟⲛϯ. ⲁⲩⲧⲏⲓⲧⲟⲩ ⲙ̀ⲡⲓⲙⲏϣ ⲉⲧⲙⲟⲩϫⲧ ⲛⲉⲙⲉ.
لا توجد ترجمة عربية
(ⲓ︦ⲏ︦) ⲇⲁⲙⲁⲥⲕⲟⲥ ⲛⲁⲥⲟⲓ ⲛ̀ⲉϣⲱⲧ ⲛⲉ. ⲉ̀ⲃⲟⲗ ϧⲉⲛ ⲡⲁϣⲁⲓ ⲛ̀ⲧⲉϫⲟⲙ ⲧⲏⲣⲥ. ⲟⲩⲏⲣⲡ ⲉⲩⲓⲛⲓ ⲙ̀ⲙⲟϥ ⲛⲉ ⲉ̀ⲃⲟⲗ ϧⲉⲛ ⲭⲉⲗⲃⲱⲛ ϩⲁⲛⲥⲟⲣⲧ ⲉ̀ⲃⲟⲗ ϧⲉⲛ ⲙⲉⲗⲓⲧⲟⲥ. ⲟⲩⲏⲣⲡ ⲁⲩⲧⲏⲓϥ ⲉ̀ⲧⲉⲁⲅⲟⲣⲁ.
لا توجد ترجمة عربية
(ⲓ︦ⲑ︦) ⲟⲩⲟϩ ⲟⲩⲃⲉⲛⲓⲡⲓ ⲉϥⲙⲟⲩⲛⲕ ⲁⲩⲉⲛϥ ⲉ̀ⲃⲟⲗ ϧⲉⲛ ⲁⲥⲏⲗ. ⲟⲩⲟϩ ⲛⲓⲙⲱⲓⲧ ⲙ̀ⲙⲟϣⲓ ⲛⲁϣⲟⲡ ϧⲉⲛ ⲛⲏ ⲉⲧⲙⲟⲩϫⲧ ⲛⲉⲙⲉ.
لا توجد ترجمة عربية
(ⲕ︦) ⲇⲁⲓⲇⲁⲛ ⲛⲁⲩⲟⲓ ⲛ̀ⲉϣⲱⲧ ⲛⲉ. ϧⲉⲛ ϩⲁⲛⲧⲉⲃⲛⲱⲟⲩⲓ ⲉⲩⲥⲱⲧⲡ ϧⲉⲛ ϩⲁⲛϩⲁⲣⲙⲁ.
لا توجد ترجمة عربية
(ⲕ︦ⲁ︦) ϯⲁⲣⲁⲃⲓⲁ ⲛⲉⲙ ⲛⲓⲁⲣⲭⲱⲛ ⲧⲏⲣⲟⲩ ⲛ̀ⲕⲏⲇⲁⲣ. ⲛⲁⲓ ⲛⲁⲩⲟⲓ ⲛ̀ⲉϣⲱⲧ ⲉ̀ⲃⲟⲗ ⲛ̀ϧⲏϯ. ϩⲁⲛϭⲁⲙⲟⲩⲗ ⲛⲉⲙ ϩⲁⲛⲟⲓⲗⲓ. ⲟⲩⲟϩ ϩⲁⲛϩⲓⲏⲃ.
لا توجد ترجمة عربية
(ⲕ︦ⲃ︦) ⲛⲁⲓ ⲉⲧⲟⲩϧⲟⲗϧⲉⲗ ⲙ̀ⲙⲱⲟⲩ ⲛ̀ϫⲉ ⲛⲓϣⲁϯ ⲛ̀ⲧⲉ ⲥⲁⲃⲁ. ⲟⲩⲟϩ ⲛⲓⲁⲣⲁⲅⲙⲁ ⲛⲁⲓ. ⲉ̀ⲛⲁⲩⲟⲓ ⲛ̀ⲉϣⲱⲧ ⲛⲉ. ϧⲉⲛ ϩⲁⲛⲱⲛⲓ ⲛ̀ⲥⲱⲧⲡ. ⲟⲩⲟϩ ⲛⲓⲱⲛⲓ ⲉ̀ⲛⲁϣⲉⲛⲥⲟⲩⲉⲛⲟⲩ. ⲡⲓⲕⲉⲛⲟⲩⲃ ⲁⲩⲧⲏⲓϥ ⲉ̀ⲧⲉⲁⲅⲟⲣⲁ
لا توجد ترجمة عربية
(ⲕ︦ⲅ︦) ⲛⲉⲙ ⲭⲁⲛⲁⲁⲛ ⲛⲁⲓ ⲉ̀ⲛⲁⲩⲟⲓ ⲛ̀ⲉϣⲱⲧ ⲛⲉ. ⲁⲥⲥⲟⲩⲣ. ⲛⲉⲙ ⲭⲁⲣⲙⲁⲛ. ⲛⲁⲩⲟⲓ ⲛ̀ⲉϣⲱⲧ ⲛⲉ.
لا توجد ترجمة عربية
(ⲕ︦ⲇ︦) ⲉⲩⲓⲣⲓ ⲛ̀ⲧⲉⲉⲃϣⲱⲧ. ⲟⲩϩⲩⲁⲕⲓⲛⲑⲓⲛⲟⲛ. ⲟⲩⲟϩ ϩⲁⲛⲁϩⲱⲣ ⲉⲩⲥⲱⲧⲡ ⲉⲩⲙⲟϩ ⲛ̀ⲛⲟϩ. ⲟⲩⲟϩ ϩⲁⲛⲉϫⲏⲟⲩ ⲉⲩⲙⲟϩ ⲛ̀ϣⲉⲛⲕⲉⲡⲁⲣⲓⲥⲟⲥ.
لا توجد ترجمة عربية
(ⲕ︦ⲉ︦) ⲉⲩⲟⲓ ⲛ̀ⲉϣⲱⲧ ⲛⲉ. ϧⲉⲛ ⲡⲓⲙⲏϣ ⲉⲧⲙⲟⲩϫⲧ ⲛⲉⲙⲉ. ⲟⲩⲟϩ ⲁⲥⲁϣⲁⲓ ⲉ̀ⲙⲁϣⲱ. ⲛⲏ ⲉⲧⲥⲉⲕⲃⲟⲥⲉⲣ ϧⲁⲣⲟ. ⲛⲁⲩⲥⲱⲕ ⲙ̀ⲙⲟ ϧⲉⲛ ⲡϩⲏⲧ ⲙ̀ⲫⲓⲟⲙ.
لا توجد ترجمة عربية
(ⲕ︦ⲋ︦) ϧⲉⲛ ⲟⲩⲙⲱⲟⲩ ⲉϥⲟϣ. ⲡⲑⲟⲩⲣⲏⲥ ⲁϥⲧϩⲉⲙⲕⲟ ⲛ̀ⲧⲉϫⲟⲙ. ⲛⲁⲩϣⲟⲡ ϧⲉⲛ ⲡϩⲏⲧ ⲙ̀ⲫⲓⲟⲙ.
لا توجد ترجمة عربية
(ⲕ︦ⲍ︦) ⲟⲩⲟϩ ⲡⲉⲃⲉⲭⲉ ⲛⲉⲙ ⲛⲏ ⲉⲧⲙⲟⲩϫⲧ ⲛⲉⲙⲉ. ⲟⲩⲟϩ ⲛⲏ ⲉⲧϭⲓ ⲥⲟϭⲛⲓ ⲛⲉⲙⲉ. ⲟⲩⲟϩ ⲛⲉⲣⲱⲙⲓ ⲧⲏⲣⲟⲩ ⲉⲧⲉⲣⲙⲗⲁϧ ⲉ̀ϫⲱ ⲛⲏ ⲉⲑⲛⲉⲙⲉ. ⲟⲩⲟϩ ⲧⲉⲑⲱⲟⲩϯ ⲧⲏⲣⲥ ⲛⲁϩⲉⲓ ϧⲉⲛ ⲑⲙⲏϯ ⲙ̀ⲫⲓⲟⲙ ϧⲉⲛ ⲡⲓⲉϩⲟⲟⲩ ⲛ̀ⲧⲉ ⲡⲉϩⲉⲓ.
لا توجد ترجمة عربية
(ⲕ︦ⲏ︦) ⲡⲣⲟⲥ ⲡϧⲣⲱⲟⲩ ⲛ̀ⲧⲉ ⲡⲉⲱϣ ⲉ̀ⲃⲟⲗ. ⲛⲉⲣⲉϥⲉⲣϩⲉⲙⲓ ⲉⲩⲉ̀ⲥⲑⲉⲣⲧⲉⲣ ⲛ̀ⲧⲉ ⲟⲩϩⲟϯ ϭⲓⲧⲟⲩ.
لا توجد ترجمة عربية
(ⲕ︦ⲑ︦) ⲟⲩⲟϩ ⲛⲏ ⲉⲧⲥⲱⲕ ⲧⲏⲣⲟⲩ ⲛ̀ⲛⲉⲃⲟⲥⲉⲣ ⲉⲩⲉ̀ϩⲉⲓ ⲉ̀ⲃⲟⲗ ϧⲉⲛ ⲧⲥⲏϥⲓ ⲟⲩⲟϩ ⲛⲉⲛⲉϥ ⲉⲧϧⲉⲛ ⲛⲓϫⲟⲓ. ⲛⲉⲙ ⲛⲓⲉϫⲏⲟⲩ ⲛ̀ⲧⲉ ⲑⲁⲗⲁⲥⲥⲁ. ⲥⲉⲛⲁⲟϩⲓ ⲉ̀ⲣⲁⲧⲟⲩ
لا توجد ترجمة عربية
(ⲗ︦) ⲉⲩⲱϣ ⲉ̀ⲃⲟⲗ ⲉ̀ϧⲣⲏⲓ ⲉ̀ϫⲱ ϧⲉⲛ ⲡⲟⲩϧⲣⲱⲟⲩ. ⲟⲩⲟϩ ⲟⲛ ⲉⲩⲉ̀ⲱϣ ⲉ̀ⲃⲟⲗ ϧⲉⲛ ⲟⲩⲛϣⲁϣⲓ. ⲉⲩⲉ̀ⲥⲉⲧϣⲟⲉⲓϣ ⲉ̀ϫⲉⲛ ⲛⲟⲩⲁⲫⲏⲟⲩⲓ. ⲉⲩⲉ̀ⲫⲉⲣϣ ⲕⲉⲣⲙⲓ ϧⲁⲣⲟ
لا توجد ترجمة عربية
لا توجد ترجمة قبطية
لا توجد ترجمة عربية
(ⲗ︦ⲃ︦) ⲟⲩⲟϩ ⲛⲉϣⲏⲣⲓ ⲉⲩⲉ̀ϭⲓ ⲛ̀ⲟⲩⲛⲉϩⲡⲓ ⲉ̀ϧⲣⲏⲓ ⲉ̀ϫⲱ. ⲉ̀ⲑⲣⲉϥϣⲱⲡⲓ ⲛⲉ ⲉⲩⲛⲉϩⲡⲓ ⲉⲩϫⲱ ⲙ̀ⲙⲟⲥ. ϫⲉ ⲁϩⲁ ⲉ̀ⲁⲩⲓ̀ ⲛ̀ⲟⲩⲃⲉⲭⲉ ⲉ̀ⲃⲟⲗ ϧⲉⲛ ⲫⲓⲟⲙ.
لا توجد ترجمة عربية
(ⲗ︦ⲅ︦) ⲁⲣⲉϭⲓⲏⲡⲓ ⲛ̀ⲛⲓⲉⲑⲛⲟⲥ ⲉ̀ⲃⲟⲗ ϧⲉⲛ ⲧⲉⲙⲉⲧⲁϣⲁⲓ. ⲟⲩⲟϩ ⲉ̀ⲃⲟⲗ ϧⲉⲛ ⲡⲉⲙⲏϣ ⲉⲧⲙⲟⲩϫⲧ ⲛⲉⲙⲉ. ⲛⲓⲟⲩⲣⲱⲟⲩ ⲧⲏⲣⲟⲩ ⲛ̀ⲧⲉ ⲡⲕⲁϩⲓ. ⲁⲣⲉⲁⲓⲧⲟⲩ ⲛ̀ⲣⲁⲙⲁⲟ.
لا توجد ترجمة عربية
(ⲗ︦ⲇ︦) ϯⲛⲟⲩ ⲇⲉ ⲁⲩⲟⲩⲱϣϥ ϧⲉⲛ ⲫⲓⲟⲙ. ϧⲉⲛ ⲟⲩⲙⲱⲟⲩ ⲉϥⲟϣ. ⲛ̀ⲛⲏ ⲉⲧⲙⲟⲩϫⲧ ⲛⲉⲙⲉ. ⲟⲩⲟϩ ⲧⲉⲑⲱⲟⲩⲧⲥ ⲧⲏⲣⲥ ⲁⲥϩⲉⲓ ϧⲉⲛ ⲧⲉⲙⲏϯ. ⲛⲉⲣⲉϥⲥⲉⲕⲃⲟⲥⲉⲣ ⲧⲏⲣⲟⲩ.
لا توجد ترجمة عربية
(ⲗ︦ⲉ︦) ⲛⲏ ⲉⲧϣⲟⲡ ⲧⲏⲣⲟⲩ ϧⲉⲛ ⲛⲓⲛⲏⲥⲟⲥ. ⲁⲩⲟⲕⲉⲙ ⲉ̀ϫⲱ. ⲛⲉⲕⲉⲟⲩⲣⲱⲟⲩ ⲁⲩϣⲑⲟⲣⲧⲉⲣ ⲟⲩⲟϩ ⲁⲩⲣⲓⲙⲓ.
لا توجد ترجمة عربية
(ⲗ︦ⲋ︦) ⲛⲓⲉϣⲱⲧ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ. ⲁⲩϥⲓ ϧⲣⲱⲟⲩ ⲉ̀ϧⲣⲏⲓ ⲉ̀ϫⲱ ⲁⲩϣⲱⲡⲓ ⲉⲩⲧⲁⲕⲟ. ⲛ̀ⲧⲉϣⲱⲡⲓ ⲁⲛ ϫⲉ ϣⲁ ⲉⲛⲉϩ.