لا توجد ترجمة عربية
(ⲁ︦) ⲡⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.
لا توجد ترجمة عربية
(ⲃ︦) ϫⲉ ⲡϣⲏⲣⲓ ⲙ̀ⲫⲣⲱⲙⲓ. ⲛⲉ ⲟⲩⲟⲛ ⲟⲩⲥϩⲓⲙⲓ ⲃ̅ϯ. ⲉⲩⲟⲓ ⲛ̀ϣⲉⲣⲓ ⲛ̀ⲟⲩⲙⲁⲩ ⲛ̀ⲟⲩⲱⲧ.
لا توجد ترجمة عربية
(ⲅ︦) ⲟⲩⲟϩ ⲁⲩⲉⲣⲡⲟⲣⲛⲉⲩⲓⲛ ϧⲉⲛ ⲧⲟⲩⲙⲉⲧⲕⲟⲩϫⲓ. ϧⲉⲛ ⲡⲓⲙⲁ ⲉⲧⲉⲙ̀ⲙⲁⲩ ⲁ ⲛⲟⲩⲉⲙⲛⲟϯ ϩⲉⲓ. ϧⲉⲛ ⲡⲓⲙⲁ ⲉⲧⲉⲙ̀ⲙⲁⲩ. ⲁⲩϭⲱϧⲉⲙ ⲛ̀ⲛⲟⲩⲙⲉⲧⲡⲁⲣⲑⲉⲛⲟⲥ.
لا توجد ترجمة عربية
(ⲇ︦) ⲟⲩⲟϩ ⲫⲁⲓ ⲡⲉ ⲡⲟⲩⲣⲁⲛ. ϯⲛⲓϣϯ ⲛ̀ⲥⲱⲛⲓ ⲉⲩⲙⲟⲩϯ ⲉ̀ⲣⲟⲥ ϫⲉ ⲱⲱⲗⲁ. ⲫⲣⲁⲛ ⲛ̀ⲧⲉⲥⲥⲱⲛⲓ ⲉⲩⲙⲟⲩϯ ⲉ̀ⲣⲟⲥ ϫⲉ ⲟⲟⲗⲓⲃⲁ. ⲁⲩϣⲱⲡⲓ ⲛⲏⲓ ⲉⲧⲉ ⲛⲁⲓ ⲛⲉ. ⲧⲥⲁⲙⲁⲣⲓⲁ ⲧⲉ ⲱⲱⲗⲁ. ⲟⲩⲟϩ ⲓⲗ̅ⲏ̅ⲙ̅ ⲧⲉ ⲟⲟⲗⲓⲃⲁ.
لا توجد ترجمة عربية
(ⲉ︦) ⲁⲥⲉⲣⲡⲟⲣⲛⲉⲩⲓⲛ ⲛ̀ϫⲉ ⲱⲱⲗⲁ. ⲁⲥⲣⲓⲕⲓ ⲥⲁⲃⲟⲗ ⲙ̀ⲙⲟⲓ. ⲁⲥⲟⲩⲁϩⲥ ⲛ̀ⲥⲁ ⲛⲉⲥⲙⲉⲛⲣⲁϯ. ⲉⲧⲉ ⲛⲓⲁⲥⲥⲩⲣⲓⲟⲥ ⲛⲉ. ⲉⲧϧⲉⲛⲧ ⲉ̀ⲣⲟⲥ.
لا توجد ترجمة عربية
(ⲋ︦) ⲉⲣⲉ ϩⲁⲛϩⲩⲁⲕⲓⲛⲑⲓⲛⲟⲛ ⲧⲟⲓ ϩⲓⲱⲟⲩ. ϩⲁⲛϩⲩⲅⲟⲩⲙⲉⲛⲟⲥ ⲛⲉ. ⲛⲉⲙ ϩⲁⲛⲥⲧⲣⲁⲧⲓⲅⲟⲥ. ϩⲁⲛϧⲉⲗϣⲓⲣⲓ ⲛⲉ ⲉⲩⲥⲱⲧⲡ. ϩⲁⲛϩⲓⲡⲡⲉⲩⲥ ⲧⲏⲣⲟⲩ ⲛⲉ. ⲉⲩⲫⲏⲧ ϩⲓϫⲉⲛ ⲛⲟⲩϩⲑⲱⲣ.
لا توجد ترجمة عربية
(ⲍ︦) ⲟⲩⲟϩ ⲁⲥϯ ⲛⲱⲟⲩ ⲛ̀ⲧⲉⲥⲡⲟⲣⲛⲓⲁ. ⲛⲓⲥⲱⲧⲡ ⲧⲏⲣⲟⲩ ⲛ̀ⲧⲉ ⲛⲓⲁⲥⲥⲩⲣⲓⲟⲥ. ⲛⲉⲙ ⲟⲩⲟⲛ ⲛⲓⲃⲉⲛ ⲉⲧⲁⲥⲧⲏⲓⲥ ⲛⲱⲟⲩ. ⲛⲁⲥϭⲱϧⲉⲙ ⲉ̀ϧⲣⲏⲓ ϧⲉⲛ ⲛⲉⲥⲟⲩⲱϣ ⲧⲏⲣⲟⲩ
لا توجد ترجمة عربية
(ⲏ︦) ⲟⲩⲟϩ ⲧⲉⲥⲡⲟⲣⲛⲓⲁ ⲉⲧⲁⲥⲁⲓⲥ ϧⲉⲛ ⲭⲏⲙⲓ. ⲙ̀ⲡⲁⲥⲭⲁⲥ ⲛ̀ⲥⲱⲥ. ϫⲉ ⲛⲁⲩⲛⲕⲟⲧ ⲛⲉⲙⲁⲥ ⲓⲥϫⲉⲛ ⲧⲉⲥⲙⲉⲧⲕⲟⲩϫⲓ. ⲛ̀ⲑⲱⲟⲩ ⲛⲏ ⲉⲧⲁⲩⲁⲓⲥ ⲛ̀ϣⲁϥⲉ. ⲟⲩⲟϩ ⲧⲉⲥⲡⲟⲣⲛⲓⲁ ⲁⲥϫⲱϣ ⲉ̀ϧⲣⲏⲓ ⲉ̀ϫⲱⲥ.
لا توجد ترجمة عربية
(ⲑ︦) ⲉⲑⲃⲉ ⲫⲁⲓ ⲁⲥⲧⲏⲓⲥ ⲉ̀ⲧⲟⲧⲟⲩ ⲛ̀ⲛⲉⲥⲙⲉⲛⲣⲁϯ. ⲉ̀ϧⲣⲏⲓ ⲉ̀ⲧⲟⲧⲟⲩ ⲛ̀ⲛⲉⲛϣⲏⲣⲓ ⲛ̀ⲛⲓⲁⲥⲥⲩⲣⲓⲟⲥ. ⲛⲁⲩ ⲉⲧⲁⲥⲟⲩⲁϣⲟⲩ.
لا توجد ترجمة عربية
(ⲓ︦) ⲛ̀ⲑⲱⲟⲩ ⲛⲉ ⲛⲏ ⲉⲧⲁⲩϭⲱⲣⲡ ⲉ̀ⲃⲟⲗ ⲛ̀ⲧⲉⲥⲁⲥⲭⲏⲙⲟⲥⲩⲛⲏ. ⲁⲩϭⲓ ⲛ̀ⲛⲉⲥϣⲏⲣⲓ. ⲛⲉⲙ ⲛⲉⲥϣⲉⲣⲓ. ⲛ̀ⲑⲟⲥ ϩⲱⲥ ⲁⲥϧⲟⲑⲃⲉⲥ ϧⲉⲛ ⲧⲥⲏϥⲓ. ⲁⲩⲥⲁϫⲓ ⲉ̀ⲣⲟⲥ ϧⲉⲛ ⲛⲓϩⲓⲟⲙⲓ. ⲁⲩⲓⲣⲓ ⲛ̀ϩⲁⲛϭⲓⲙ̀ⲡϣⲓϣ. ⲉ̀ϧⲣⲏⲓ ⲛ̀ϧⲏⲧⲥ ⲉ̀ⲧⲉⲥϣⲉⲣⲓ.
لا توجد ترجمة عربية
(ⲓ︦ⲁ︦) ⲟⲩⲟϩ ⲁⲥⲛⲁⲩ ⲛ̀ϫⲉ ⲧⲉⲥⲥⲱⲛⲓ ⲟⲟⲗⲓⲃⲁ. ⲁⲥϭⲱϧⲉⲙ ⲛ̀ⲧⲉⲥⲡⲁⲣⲑⲉⲛⲓⲁ ⲉϩⲟⲧⲉⲣⲟⲥ. ⲟⲩⲟϩ ⲧⲉⲥⲡⲟⲣⲛⲓⲁ ⲁⲥⲁϣⲁⲓ ⲉϩⲟⲧⲉ ⲧⲡⲟⲣⲛⲓⲁ ⲛ̀ⲧⲉⲥⲥⲱⲛⲓ.
لا توجد ترجمة عربية
(ⲓ︦ⲃ︦) ⲁⲥⲟⲩⲁϩⲥ ⲛ̀ⲥⲁ ⲛ̀ϣⲏⲣⲓ ⲛ̀ⲛⲓⲁⲥⲥⲩⲣⲓⲟⲥ. ⲛⲓϩⲩⲅⲟⲩⲙⲉⲛⲟⲥ. ⲛⲉⲙ ⲛⲓⲥⲧⲣⲁⲧⲓⲅⲟⲥ ⲉⲧϧⲉⲛⲧ ⲉ̀ⲣⲟⲥ. ⲁⲩϯϩⲓⲱⲧⲟⲩ ⲛ̀ϩⲁⲛϩⲃⲱⲥ ⲉ̀ⲛⲁⲛⲉⲩ. ϩⲁⲛϩⲓⲡⲡⲉⲟⲥ ⲛⲉ. ϩⲁⲛϧⲉⲗϣⲓⲣⲓ ⲧⲏⲣⲟⲩ ⲛⲉ.
لا توجد ترجمة عربية
(ⲓ︦ⲅ︦) ⲁⲩϭⲱϧⲉⲙ ϧⲉⲛ ⲟⲩⲙⲱⲓⲧ ⲛ̀ⲟⲩⲱⲧ. ⲁⲥϣⲱⲡⲓ ⲛⲱⲟⲩ ⲛ̀ⲃ̅ϯ.
لا توجد ترجمة عربية
(ⲓ︦ⲇ︦) ⲁⲥⲟⲩⲱϩ ⲟⲩⲛ ⲉ̀ϫⲉⲛ ⲧⲉⲥⲡⲟⲣⲛⲓⲁ. ⲁⲥⲛⲁⲩ ⲉ̀ϩⲁⲛⲣⲱⲙⲓ ⲉⲩⲥϧⲏⲟⲩⲧ ϩⲓ ⲟⲩϫⲟⲓ. ⲛ̀ϩⲓⲕⲱⲛ ⲛ̀ⲛⲓⲭⲁⲗⲇⲉⲟⲥ. ϧⲉⲛ ⲟⲩⲥⲕⲉⲩⲟⲥ ⲛ̀ⲥϧⲁⲓ.
لا توجد ترجمة عربية
(ⲓ︦ⲉ︦) ⲉⲩⲙⲏⲣ ⲉ̀ϫⲉⲛ ⲧⲟⲩϯⲡⲓ ⲛ̀ϩⲁⲛⲙⲟⲩϫϧ ⲛ̀ⲟⲩⲑⲟ ⲛ̀ⲣⲏϯ ⲛ̀ϭⲏϫⲓ. ⲉⲣⲉ ⲟⲩϩⲟ ⲛ̀ϩⲟⲙⲧ ⲛ̀ⲥⲙⲟⲧ ϩⲓϫⲉⲛ ⲛⲟⲩⲁⲫⲏⲟⲩⲓ ⲧⲏⲣⲟⲩ. ⲙ̀ⲡⲥⲙⲟⲧ ⲙ̀ⲡⲓⲛⲓ ⲛ̀ⲛⲓϣⲏⲣⲓ ⲛ̀ⲧⲉ ⲛⲓⲭⲁⲗⲇⲉⲟⲥ ϧⲉⲛ ⲡⲕⲁϩⲓ ⲛ̀ⲧⲉ ⲧⲟⲩⲡⲟⲗⲓⲥ.
لا توجد ترجمة عربية
(ⲓ︦ⲋ︦) ⲁⲥⲙⲉⲛⲣⲓⲧⲟⲩ ϧⲉⲛ ⲫⲛⲁⲩ ⲙ̀ⲃⲟⲗ ⲛ̀ⲛⲉⲥⲃⲁⲗ. ⲟⲩⲟϩ ⲁⲥⲟⲩⲱⲣⲡ ⲛ̀ϩⲁⲛⲡⲣⲉⲥⲃⲉⲩⲥ ϩⲁⲣⲱⲟⲩ. ⲉ̀ϩⲣⲏⲓ ⲉ̀ⲡⲕⲁϩⲓ ⲛ̀ⲛⲓⲭⲁⲗⲇⲉⲟⲥ.
لا توجد ترجمة عربية
(ⲓ︦ⲍ︦) ⲁⲩⲓ̀ ϩⲁⲣⲟⲥ ⲛ̀ϫⲉ ⲛⲓϣⲏⲣⲓ ⲛ̀ⲧⲉ ⲃⲁⲃⲩⲗⲱⲛ ⲉ̀ⲟϩⲓ ⲉ̀ⲣⲟⲥ ⲁⲩⲟϩⲓ ⲛⲉⲙⲁⲥ. ⲁⲩϭⲱϧⲉⲙ ⲙ̀ⲙⲟⲥ ϧⲉⲛ ⲟⲩⲡⲟⲣⲛⲓⲁ. ⲁⲥϭⲱϧⲉⲙ ⲛ̀ϧⲣⲏⲓ ⲛ̀ϧⲏⲧⲟⲩ. ⲟⲩⲟϩ ⲁ ⲧⲉⲥⲯⲩⲭⲏ ⲣⲓⲕⲓ ⲥⲁⲃⲟⲗ ⲙ̀ⲙⲱⲟⲩ.
لا توجد ترجمة عربية
(ⲓ︦ⲏ︦) ⲁⲥϭⲱⲣⲡ ⲉ̀ⲃⲟⲗ ⲛ̀ⲧⲉⲥⲡⲟⲣⲛⲓⲁ ⲟⲩⲟϩ ⲁⲥϭⲱⲣⲡ ⲛ̀ⲧⲉⲥⲁⲥⲭⲩⲙⲟⲥⲩⲛⲏ. ⲁ ⲧⲁⲯⲩⲭⲏ ⲣⲓⲕⲓ ⲥⲁⲃⲟⲗ ⲙ̀ⲙⲟⲥ. ⲙ̀ⲫⲣⲏϯ ⲉⲧⲁ ⲧⲁⲯⲩⲭⲏ ⲣⲓⲕⲓ ⲥⲁⲃⲟⲗ ⲛ̀ⲧⲉⲥⲥⲱⲛⲓ.
لا توجد ترجمة عربية
(ⲓ︦ⲑ︦) ⲟⲩⲟϩ ⲁⲣⲉⲧⲁϣⲟ ⲛ̀ⲧⲉⲡⲟⲣⲛⲓⲁ. ⲉ̀ⲑⲣⲓⲉⲣⲫⲙⲉⲩⲓ ⲛ̀ⲛⲓⲉϩⲟⲟⲩ ⲛ̀ⲧⲉ ⲙⲉⲧⲕⲟⲩϫⲓ. ⲛⲁⲓ ⲉⲧⲁⲣⲉⲉⲣⲡⲟⲣⲛⲉⲩⲓⲛ ⲛ̀ϧⲏⲧⲟⲩ ϧⲉⲛ ⲭⲏⲙⲓ.
لا توجد ترجمة عربية
(ⲕ︦) ⲟⲩⲟϩ ⲁⲣⲉϯ ⲙ̀ⲙⲟ ⲛ̀ⲛⲓⲭⲁⲗⲇⲉⲟⲥ. ⲛⲁⲓ ⲉⲣⲉ ⲛⲟⲩⲥⲁⲣⲝ ⲟⲓ ⲙ̀ⲫⲣⲏϯ ⲛ̀ⲛⲁ ⲛⲓⲉϩⲱⲟⲩ. ⲛⲁⲓ ⲉⲣⲉ ⲛⲏ ⲉⲧⲉⲛⲟⲩⲟⲩⲛ ⲕⲟⲩⲛϥ ⲟⲓ ⲙ̀ⲫⲣⲏϯ ⲛ̀ⲛⲓⲕⲟⲩⲛⲟⲩ ⲛ̀ⲧⲉ ⲛⲓϩⲑⲱⲣ.
لا توجد ترجمة عربية
(ⲕ︦ⲁ︦) ⲟⲩⲟϩ ⲁⲣⲉϫⲉⲙⲡϣⲓⲛⲓ ⲛ̀ⲛⲓⲁⲛⲟⲙⲓⲁ ⲛ̀ⲧⲉⲙⲉⲧⲕⲟⲩϫⲓ. ⲛⲓϩⲃⲏⲟⲩⲓ ⲉⲧⲁⲣⲉⲁⲓⲧⲟⲩ ϧⲉⲛ ⲭⲏⲙⲓ. ⲡⲟⲩⲙⲁⲛ̀ϣⲱⲡⲓ. ⲡⲓⲙⲁ ⲉⲧⲁ ⲛⲓⲉⲙⲛⲟϯ ⲛ̀ⲧⲉⲙⲉⲧⲕⲟⲩϫⲓ ϣⲱⲡⲓ ⲛ̀ϧⲏⲧϥ.
لا توجد ترجمة عربية
(ⲕ︦ⲃ︦) ⲉⲑⲃⲉ ⲫⲁⲓ ⲟⲟⲗⲓⲃⲁ. ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲧⲟⲩⲛⲟⲥ ⲛⲉⲙⲉⲛⲣⲁϯ ⲉ̀ϩⲣⲏⲓ ⲉ̀ϫⲱ ϧⲉⲛ ⲡⲉⲕⲱϯ.
لا توجد ترجمة عربية
(ⲕ︦ⲅ︦) ⲛⲉⲛϣⲏⲣⲓ ⲛ̀ⲧⲉ ⲃⲁⲃⲩⲗⲱⲛ ⲛⲉⲙ ⲛⲓⲭⲁⲗⲇⲉⲟⲥ ⲧⲏⲣⲟⲩ. ⲫⲁ ⲕⲟⲩⲙ. ⲛⲉⲙ ⲥⲟⲩⲭ. ⲛⲉⲙ ⲭⲟⲩⲉ. ⲛⲉⲙ ⲛⲉⲛϣⲏⲣⲓ ⲧⲏⲣⲟⲩ ⲛ̀ⲧⲉ ⲛⲓⲁⲥⲥⲩⲣⲓⲟⲥ. ϩⲁⲛϧⲉⲗϣⲓⲣⲓ ⲛ̀ⲥⲱⲧⲡ ϩⲁⲛϩⲩⲅⲉⲙⲱⲛ. ⲛⲉⲙ ϩⲁⲛⲥⲧⲣⲁⲧⲏⲅⲟⲥ. ⲛⲉⲙ ϩⲁⲛⲧⲣⲓⲥⲧⲁⲧⲏⲥ ⲧⲏⲣⲟⲩ ⲛⲉ ϩⲁⲛⲣⲉⲙⲥⲙⲏⲛⲉ. ⲉⲩⲫⲏⲧ ϩⲓϫⲉⲛ ⲛⲓϩⲑⲱⲣ.
لا توجد ترجمة عربية
(ⲕ︦ⲇ︦) ⲉⲩⲉ̀ⲓ̀ ⲧⲏⲣⲟⲩ ⲉ̀ϧⲣⲏⲓ ⲉ̀ϫⲱ ⲓⲥϫⲉⲛ ⲡⲉⲙϩⲓⲧ ⲛ̀ϫⲉ ϩⲁⲛϩⲁⲣⲙⲁ. ⲛⲉⲙ ϩⲁⲛϩⲓⲡⲡⲉⲩⲥ. ⲛⲉⲙ ϩⲁⲛⲧⲣⲟⲭⲟⲥ. ⲛⲉⲙ ϩⲁⲛⲙⲏϣ ⲉⲩⲁⲙⲟⲛⲓ ⲛ̀ϩⲁⲛϣⲉⲃϣⲓ ⲛⲉⲙ ϩⲁⲛϩⲟⲡⲗⲟⲛ ⲉⲩⲕⲱϯ ⲉⲣⲟ. ⲟⲩⲟϩ ⲉⲩⲣⲱⲓⲥ ⲉ̀ⲣⲟ. ⲉⲓⲉ̀ϯϩⲁⲡ ⲙ̀ⲡⲁⲙⲑⲟ ⲉ̀ⲃⲟⲗ.
لا توجد ترجمة عربية
(ⲕ︦ⲉ︦) ⲉⲓⲉ̀ⲓⲛⲓ ⲛ̀ⲟⲩϭⲓⲙⲡϣⲓϣ ⲉ̀ϧⲣⲏⲓ ⲉ̀ϫⲱ ϧⲉⲛ ⲟⲩϩⲁⲡ. ⲛ̀ⲧⲉ ⲡⲁⲭⲱϩ ϣⲱⲡⲓ ⲉ̀ϧⲣⲏⲓ ⲛ̀ϧⲏϯ. ⲉⲩⲉ̀ⲓⲣⲓ ⲛⲉⲙⲉ ϧⲉⲛ ⲟⲩⲙⲃⲟⲛ ⲛ̀ϫⲱⲛⲧ. ⲛ̀ⲟⲩϫⲉⲙϣⲁⲓ. ⲟⲩⲟϩ ⲛⲉⲙⲁ ⲉⲧϭⲟⲥⲓ ⲉⲩⲉ̀ϥⲟⲧⲟⲩ. ⲟⲩⲟϩ ⲛⲉⲕⲉⲥⲱϫⲡ ⲉⲩⲉ̀ϭⲉⲧϭⲱⲧⲟⲩ ϧⲉⲛ ⲧⲥⲏϥⲓ. ⲉⲩⲱⲗⲓ ⲛ̀ⲛⲉϣⲏⲣⲓ ⲛⲉⲙ ⲛⲉϣⲉⲣⲓ. ⲟⲩⲟϩ ⲛⲉⲕⲉⲥⲱϫⲡ ⲡⲓⲭⲣⲱⲙ ⲉϥⲉ̀ⲟⲩⲟⲙⲟⲩ.
لا توجد ترجمة عربية
(ⲕ︦ⲋ︦) ⲉⲣⲉ̀ϣⲱⲡⲓ ⲉⲣⲃⲏϣ ⲛ̀ⲛⲉϩⲃⲱⲥ ⲟⲩⲟϩ ⲉⲩⲉ̀ⲱⲗⲓ ⲛ̀ⲛⲓⲥⲕⲉⲩⲏ ⲙ̀ⲡⲉϣⲟⲩϣⲟⲩ.
لا توجد ترجمة عربية
(ⲕ︦ⲍ︦) ⲟⲩⲟϩ ⲉⲓⲉ̀ⲧⲁⲥⲑⲟ ⲙ̀ⲙⲟ ⲉ̀ⲃⲟⲗ ⲉⲛⲉ̀ⲙⲉⲧⲁⲥⲉⲃⲏⲥ. ⲛⲉⲙ ⲛⲉⲡⲟⲣⲛⲓⲁ ⲉ̀ⲃⲟⲗ ϧⲉⲛ ⲡⲕⲁϩⲓ ⲛ̀ⲭⲏⲙⲓ. ⲟⲩⲟϩ ⲛ̀ⲧⲉϣ̀ⲧⲉⲙϥⲁⲓ ⲛ̀ⲛⲉⲃⲁⲗ ⲉ̀ⲡϣⲱⲓ ⲉ̀ⲣⲱⲟⲩ. ⲉⲣⲉ̀ϣ̀ⲧⲉⲙⲉⲣⲫⲙⲉⲩⲓ ⲛ̀ⲭⲏⲙⲓ ⲓⲥϫⲉⲛ ϯⲛⲟⲩ ⲉ̀ⲃⲟⲗ
لا توجد ترجمة عربية
(ⲕ︦ⲏ︦) ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ϩⲏⲡⲡⲉ ⲁ̀ⲛⲟⲕ ⲉⲓⲉ̀ϯ ⲙ̀ⲙⲟ ⲉ̀ⲧⲟⲧⲟⲩ ⲛ̀ⲛⲏ ⲉⲧⲉⲣⲙⲟⲥϯ ⲙ̀ⲙⲱⲟⲩ. ⲛⲁⲓ ⲉⲧⲁ ⲧⲉⲯⲩⲭⲏ ⲟⲩⲉⲓ ⲙ̀ⲙⲱⲟⲩ.
لا توجد ترجمة عربية
(ⲕ︦ⲑ︦) ⲉⲩⲉ̀ⲓⲣⲓ ⲉ̀ϧⲣⲏⲓ ⲛ̀ϧⲏϯ ⲛ̀ⲟⲩⲙⲟⲥϯ ⲉⲩⲉ̀ⲱⲗⲓ ⲛ̀ⲛⲉϧⲓⲥⲓ ⲛⲉⲙ ⲛ̀ⲉⲙⲕⲁⲩϩ ⲧⲏⲣⲟⲩ. ⲉⲣⲉ̀ϣⲱⲡⲓ ⲉⲣⲃⲏϣ ⲉⲣⲁⲥⲭⲏⲙⲟⲛⲏ. ⲉⲥⲉ̀ϭⲱⲣⲡ ⲉ̀ⲃⲟⲗ ⲛ̀ϯⲁⲥⲭⲏⲙⲟⲥⲩⲛⲏ ⲛ̀ⲧⲉⲡⲁⲣⲑⲉⲛⲓⲁ. ⲛⲉⲙ ⲧⲉⲙⲉⲧⲁⲥⲉⲃⲏⲥ. ⲧⲉⲡⲟⲣⲛⲓⲁ.
لا توجد ترجمة عربية
(ⲗ︦) ⲑⲏ ⲉⲧⲁⲥⲓⲣⲓ ⲛ̀ⲛⲁⲓ ⲛⲉ. ϧⲉⲛ ⲡϫⲓⲛⲉⲑⲣⲉⲉⲣⲡⲟⲣⲛⲉⲩⲓⲛ. ⲟⲩⲟϩ ⲁⲣⲉ ⲟⲩⲁϩϯ ⲛ̀ⲥⲁ ⲛⲓⲉⲑⲛⲟⲥ. ⲟⲩⲟϩ ⲁⲣⲉϭⲱϧⲉⲙ ⲉ̀ϧⲣⲏⲓ ϧⲉⲛ ⲛⲉⲟⲩⲱϣ ⲛ̀ϩⲏⲧ.
لا توجد ترجمة عربية
(ⲗ︦ⲁ︦) ⲁⲣⲉⲙⲟϣⲓ ϧⲉⲛ ⲫⲙⲱⲓⲧ ⲛ̀ⲧⲉⲥⲱⲛⲓ. ϯⲛⲁϫⲓⲙⲓ ⲙ̀ⲡⲉⲥⲁⲫⲟⲧ ⲉ̀ϧⲣⲏⲓ ϧⲉⲛ ⲧⲉϫⲓϫ.
لا توجد ترجمة عربية
(ⲗ︦ⲃ︦) ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ⲡⲓⲁⲫⲟⲧ ⲛ̀ⲧⲉⲥⲱⲛⲓ ⲧⲉⲣⲁⲥⲱ ⲙ̀ⲙⲟϥ. ⲫⲏ ⲉⲧϣⲏⲕ. ⲟⲩⲟϩ ⲫⲏ ⲉⲧⲟⲩⲉⲥⲑⲱⲛ. ⲟⲩⲟϩ ⲫⲏ ⲉⲧⲟⲓ ⲛ̀ϩⲟⲩⲟ. ⲉⲧⲉⲣⲉ ⲡⲓⲑⲓϧⲓ ϫⲱⲕ ⲉ̀ⲃⲟⲗ.
لا توجد ترجمة عربية
(ⲗ︦ⲅ︦) ⲟⲩⲟϩ ⲉⲣⲉ̀ϣⲱϣ ⲉ̀ⲙⲁϣⲱ. ⲡⲓⲁⲫⲟⲧ ⲛ̀ⲧⲉⲥⲱⲛⲓ ⲧⲥⲁⲙⲁⲣⲓⲁ. ⲡⲓⲁⲫⲟⲧ ⲛ̀ⲧⲉ ⲡⲧⲁⲕⲟ ⲡⲉ.
لا توجد ترجمة عربية
(ⲗ︦ⲇ︦) ⲟⲩⲟϩ ⲉⲣⲉ̀ⲥⲱ ⲙ̀ⲙⲟϥ. ⲛⲉⲥϣⲁⲓ ⲛⲉⲙ ⲛⲉⲥⲥⲟⲩⲁⲓ ϯⲛⲁⲧⲁⲥⲑⲱⲟⲩ ⲥⲁⲃⲟⲗ ⲙ̀ⲙⲟⲥ. ϫⲉ ⲁ̀ⲛⲟⲕ ⲁⲓⲥⲁϫⲓ ⲡⲉϫⲉ ⲡϭ̅ⲥ̅.
لا توجد ترجمة عربية
(ⲗ︦ⲉ︦) ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅ ϫⲉ ⲉ̀ⲃⲟⲗ ϫⲉ ⲁⲣⲉⲓⲣⲓ ⲙ̀ⲡⲁⲱⲃϣ. ⲟⲩⲟϩ ⲁⲣⲉϩⲓⲟⲩⲓ ⲙ̀ⲙⲟⲓ ⲥⲁⲫⲁϩⲟⲩ ⲙ̀ⲡⲉⲥⲱⲙⲁ. ⲛ̀ⲑⲟ ϩⲱⲓ ϭⲓ ⲧⲉⲙⲉⲧⲁⲥⲉⲃⲏⲥ ⲛⲉⲙ ⲧⲉⲡⲟⲣⲛⲓⲁ.
لا توجد ترجمة عربية
(ⲗ︦ⲋ︦) ⲟⲩⲟϩ ⲡⲉϫⲉ ⲡϭ̅ⲥ̅ ⲛⲏⲓ. ϫⲉ ⲡϣⲏⲣⲓ ⲙ̀ⲫⲣⲱⲙⲓ. ⲉ̀ⲛⲁⲕϯϩⲁⲡ ⲁⲛ ⲉ̀ⲱⲱⲗⲁ. ⲛⲉⲙ ⲟⲟⲗⲓⲃⲁ. ⲟⲩⲟϩ ⲛ̀ⲛⲉⲕϫⲱ ⲉ̀ⲣⲱⲟⲩ ⲁⲛ ⲛ̀ⲛⲟⲩⲁⲛⲟⲙⲓⲁ ⲉ̀ⲃⲟⲗ.
لا توجد ترجمة عربية
(ⲗ︦ⲍ︦) ϫⲉ ⲁⲩⲉⲣⲛⲱⲓⲕ. ⲟⲩⲟϩ ⲡⲥⲛⲟϥ ⲉ̀ϧⲣⲏⲓ ϧⲉⲛ ⲛⲟⲩϫⲓϫ. ⲁⲩⲉⲣⲛⲱⲓⲕ ϧⲉⲛ ⲛⲟⲩⲟⲩⲱϣ ⲛ̀ϩⲏⲧ. ⲟⲩⲟϩ ⲛⲟⲩϣⲏⲣⲓ ⲉⲧⲁⲩϫⲫⲱⲟⲩ ⲛⲱⲟⲩ. ⲁⲩⲉⲛⲟⲩ ⲉ̀ⲃⲟⲗ ϩⲓⲧⲟⲧⲥ ⲉ̀ⲡⲭⲣⲱⲙ
لا توجد ترجمة عربية
(ⲗ︦ⲏ︦) ⲛⲁⲓ ⲁⲓⲁⲓⲧⲟⲩ ⲁⲩϭⲱϧⲉⲙ ⲛ̀ⲛⲁⲡⲉ︦ⲑ︦ⲩ︦. ⲟⲩⲟϩ ⲁⲩϥⲟϯ ⲛ̀ⲛⲁⲕⲉⲥⲁⲃⲃⲁⲧⲱⲛ.
لا توجد ترجمة عربية
(ⲗ︦ⲑ︦) ϧⲉⲛ ⲡϫⲓⲛⲉⲑⲣⲟⲩϧⲟⲗϧⲉⲗ ⲛ̀ⲛⲟⲩϣⲏⲣⲓ. ⲛ̀ⲛⲓⲓⲇⲱⲗⲟⲛ. ⲁⲩϣⲉ ⲉ̀ϧⲟⲩⲛ ⲉ̀ⲛⲁⲡⲉ︦ⲑ︦ⲩ︦ ⲉ̀ⲑⲣⲟⲩϭⲱϧⲉⲙ ⲙ̀ⲙⲱⲟⲩ. ⲟⲩⲟϩ ϩⲏⲡⲡⲉ ⲛⲁⲩⲓⲣⲓ ⲙ̀ⲡⲁⲓⲣⲏϯ ϧⲉⲛ ⲑⲙⲏϯ ⲙ̀ⲡⲁⲏⲓ.
لا توجد ترجمة عربية
(ⲙ︦) ⲟⲩⲟϩ ϫⲉ ⲛⲓⲣⲱⲙⲓ. ⲛⲏ ⲉⲑⲛⲏⲟⲩ ϧⲉⲛ ⲫⲟⲩⲉⲓ. ⲛⲁⲓ ⲉⲧⲉⲣⲁⲟⲩⲟⲣⲡⲟⲩ ⲛ̀ϩⲁⲛⲡⲣⲉⲥⲃⲉⲩⲥ ⲛⲥⲱⲟⲩ. ϧⲉⲛ ⲡϫⲓⲛⲑⲣⲟⲩⲓ ϣⲁⲣⲟ ϣⲁⲣⲉϫⲱⲕⲉⲙ ⲙ̀ⲙⲟ ⲛⲱⲟⲩ. ⲟⲩⲟϩ ⲉ̀ⲁⲣⲉⲙⲟⲓ ⲙ̀ⲡⲉⲥⲑⲏⲙ ⲉ̀ⲛⲉⲃⲁⲗ. ⲉ̀ⲁⲣⲉⲥⲟⲗⲥⲉⲗ ⲙ̀ⲙⲟ ϧⲉⲛ ⲟⲩⲥⲟⲗⲥⲉⲗ.
لا توجد ترجمة عربية
(ⲙ︦ⲁ︦) ⲉ̀ⲁⲣⲉϩⲉⲙⲥⲓ ϩⲓϫⲉⲛ ⲟⲩϭⲗⲟϫ ⲉϥⲫⲱⲣϣ. ⲉⲣⲉ ⲟⲩⲧⲣⲁⲡⲉⲍⲁ ϧⲁⲧϩⲏ ⲙ̀ⲙⲟ ⲉⲥⲥⲉⲃⲧⲱⲧ. ⲟⲩⲟϩ ⲡⲁⲥⲑⲟⲓⲛⲟⲩϥⲓ ⲛⲉⲙ ⲡⲁⲛⲉϩ. ⲁⲣⲟⲩⲛⲟϥ ⲉ̀ϧⲣⲏⲓ ⲛ̀ϧⲏⲧⲟⲩ.
لا توجد ترجمة عربية
(ⲙ︦ⲃ︦) ⲟⲩⲟϩ ⲛⲟⲩⲕⲉϩⲑⲱⲣ ϧⲉⲛ ⲟⲩϧⲣⲱⲟⲩ ⲛ̀ⲥⲩⲙⲫⲱⲛⲓⲁ ⲛⲁϩⲣⲉⲛ ⲕⲉⲣⲱⲙⲓ. ⲉ̀ⲃⲟⲗ ϧⲉⲛ ⲟⲩⲙⲏϣ ⲛ̀ⲣⲱⲙⲓ. ⲉ̀ⲁⲩⲓ̀ ⲉ̀ⲃⲟⲗ ϧⲉⲛ ⲡϣⲁϥⲉ ⲉⲩⲙⲟⲓ ⲛ̀ϩⲁⲛⲯⲉⲗⲗⲓⲟⲛ ⲉ̀ⲛⲟⲩϫⲓϫ. ⲟⲩⲟϩ ⲟⲩⲭⲗⲟⲙ ⲛ̀ϣⲟⲩϣⲟⲩ ⲉ̀ϫⲉⲛ ⲛⲟⲩⲁⲫⲏⲟⲩⲓ.
لا توجد ترجمة عربية
(ⲙ︦ⲅ︦) ⲟⲩⲟϩ ⲁⲓϫⲟⲥ ϫⲉ ⲙⲏ ⲉⲩⲉⲣⲛⲱⲓⲕ ⲁⲛ ϩⲓ ⲛⲁⲓ. ⲟⲩⲟϩ ϩⲁⲛϩⲃⲏⲟⲩⲓ ⲛⲉ ⲙ̀ⲡⲟⲣⲛⲓⲁ. ⲛ̀ⲑⲟⲥ ϩⲱⲥ ⲁⲥⲉⲣⲡⲟⲣⲛⲉⲩⲓⲛ
لا توجد ترجمة عربية
(ⲙ︦ⲇ︦) ⲁⲩϣⲉ ⲉ̀ϧⲟⲩⲛ ϩⲁⲣⲟⲥ ⲙ̀ⲫⲣⲏϯ ⲉ̀ϣⲁⲩϣⲉ ⲉ̀ϧⲟⲩⲛ ϩⲁ ⲟⲩⲥϩⲓⲙⲓ ⲙ̀ⲡⲟⲣⲛⲏ. ⲡⲁⲓⲣⲏϯ ⲉ̀ϣⲁⲩϣⲉ ⲉ̀ϧⲟⲩⲛ ϩⲁ ⲱⲱⲗⲁ ⲛⲉⲙ ⲟⲟⲗⲓⲃⲁ. ⲉ̀ⲑⲣⲟⲩⲓⲣⲓ ⲛ̀ⲟⲩⲁⲛⲟⲙⲓⲁ.
لا توجد ترجمة عربية
(ⲙ︦ⲉ︦) ⲟⲩⲟϩ ϩⲁⲛⲣⲱⲙⲓ ⲛ̀ⲑⲙⲏⲓ. ⲛ̀ⲑⲱⲟⲩ ⲉⲑⲛⲁϭⲓⲙ̀ⲡϣⲓϣ ⲙ̀ⲙⲱⲟⲩ ϧⲉⲛ ⲟⲩϭⲓⲙ̀ⲡϣⲓϣ ⲛ̀ⲥϩⲓⲙⲓ ⲛⲛⲱⲓⲕ. ⲛⲉⲙ ⲟⲩϭⲓⲙ̀ⲡϣⲓϣ ⲛ̀ⲥⲛⲟϥ. ⲉ̀ⲃⲟⲗ ϫⲉ ϩⲁⲛⲛⲱⲓⲕ ⲛⲉ. ⲟⲩⲟϩ ⲡⲥⲛⲟϥ ϧⲉⲛ ⲛⲟⲩϫⲓϫ.
لا توجد ترجمة عربية
(ⲙ︦ⲋ︦) ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡϭ̅ⲥ̅. ϫⲉ ϯⲛⲁⲓⲛⲓ ⲉ̀ϧⲣⲏⲓ ⲉ̀ϫⲱⲟⲩ ⲛ̀ⲟⲩⲟⲭⲗⲟⲥ ⲟⲩⲟϩ ⲉⲓⲉ̀ϯ ⲛⲱⲟⲩ ⲛ̀ⲟⲩϣⲑⲟⲣⲧⲉⲣ ⲛⲉⲙ ⲟⲩⲧⲱⲣⲡ.
لا توجد ترجمة عربية
(ⲙ︦ⲍ︦) ⲉⲩⲉ̀ϩⲓⲱⲛⲓ ⲉ̀ⲣⲱⲟⲩ ϧⲉⲛ ϩⲁⲛⲱⲛⲓ ⲛ̀ϫⲉ ϩⲁⲛⲙⲏϣ ⲉⲩⲉ̀ϧⲉⲗϧⲟⲗⲟⲩ ϧⲉⲛ ⲛ̀ⲟⲩⲥⲏϥⲓ. ⲉⲩⲉ̀ϧⲱⲧⲉⲃ ⲛ̀ⲛⲟⲩϣⲏⲣⲓ ⲛⲉⲙ ⲛⲟⲩϣⲉⲣⲓ. ⲟⲩⲟϩ ⲛⲟⲩⲏⲟⲩ ⲉⲩⲉⲣⲟⲕϩⲟⲩ ϧⲉⲛ ⲟⲩⲭⲣⲱⲙ.
لا توجد ترجمة عربية
(ⲙ︦ⲏ︦) ⲉⲓⲉ̀ⲧⲁⲥⲑⲟ ⲛ̀ⲧⲟⲩⲙⲉⲧⲁⲥⲉⲃⲏⲥ ⲉ̀ⲃⲟⲗ. ϩⲓϫⲉⲛ ⲡⲕⲁϩⲓ. ⲉⲩⲉ̀ϭⲓⲥⲃⲱ ⲛ̀ϫⲉ ⲛⲓϩⲓⲟⲙⲓ ⲧⲏⲣⲟⲩ. ⲉ̀ϣ̀ⲧⲉⲙⲓⲣⲓ ⲕⲁⲧⲁ ⲛⲟⲩⲙⲉⲧⲁⲥⲉⲃⲏⲥ.
لا توجد ترجمة عربية
(ⲙ︦ⲑ︦) ⲧⲉⲧⲉⲛⲙⲉⲧⲁⲥⲉⲃⲏⲥ ⲇⲉ. ⲉⲩⲉ̀ⲓⲛⲓ ⲙ̀ⲙⲟⲥ ⲉ̀ϫⲉⲛ ⲑⲏⲛⲟⲩ. ⲟⲩⲟϩ ⲉⲣⲉⲧⲉⲛϭⲓ ⲛ̀ⲛⲓⲛⲟⲃⲓ ⲛ̀ⲛⲉⲧⲉⲛⲟⲩⲱϣ ⲛ̀ϩⲏⲧ. ⲉⲣⲉⲧⲉⲛⲉⲙⲓ ϫⲉ ⲁ̀ⲛⲟⲕ ⲡⲉ ⲡϭ̅ⲥ̅