لا توجد ترجمة عربية
ϯϩⲟⲣⲁⲥⲓⲥ ⲙ̀ⲙⲁϩⲥⲛⲟⲩϯ
لا توجد ترجمة عربية
(ⲁ︦) ⲛ̀ϩⲣⲏⲓ ϧⲉⲛ ϯⲙⲁϩⲅ̅ ⲛ̀ⲣⲟⲙⲡⲓ ⲛ̀ⲧⲉ ⲑⲙⲉⲧⲟⲩⲣⲟ ⲛ̀ⲓⲱⲁⲕⲓⲙ ⲡⲟⲩⲣⲟ ⲛ̀ⲓⲟⲩⲇⲁ. ⲁϥⲓ ⲛ̀ϫⲉ ⲛⲁⲃⲟⲩⲭⲟⲇⲟⲛⲟⲥⲉⲣ ⲡⲟⲩⲣⲟ ⲙ̀ⲃⲁⲃⲩⲗⲱⲛ. ⲉ̀ϩⲣⲏⲓ ⲉ̀ⲓⲗ̅ⲏ̅ⲙ̅ ⲟⲩⲟϩ ⲛⲁϥϣⲱϥ ⲙ̀ⲙⲟⲥ.
لا توجد ترجمة عربية
(ⲃ︦) ⲁ ⲡϭ̅ⲥ̅ ϯ ⲉ̀ϧⲣⲏⲓ ⲉ̀ⲛⲉϥϫⲓϫ ⲛ̀ⲓⲱⲁⲕⲓⲙ ⲡⲟⲩⲣⲟ ⲛ̀ⲓⲟⲩⲇⲁ ⲛ̀ⲟⲩⲁⲡⲟⲙⲉⲣⲟⲥ ⲛ̀ⲧⲉ ⲛⲓⲥⲕⲉⲩⲟⲥ ⲛ̀ⲧⲉ ⲡⲏⲓ ⲙ̀ⲡϭ̅ⲥ̅. ⲁϥⲉⲛⲟⲩ ⲉ̀ϩⲣⲏⲓ ⲉ̀ⲡⲕⲁϩⲓ ⲛⲉ ⲛⲁⲣⲉ ⲡⲏⲓ ⲙ̀ⲡⲉϥⲛⲟⲩϯ. ⲟⲩⲟϩ ⲛⲓⲥⲕⲉⲩⲟⲥ ⲁϥⲟⲗⲟⲩ ⲉ̀ϧⲟⲩⲛ ⲉ̀ⲡⲓⲁϩⲟ ⲛ̀ⲧⲉ ⲡⲉϥⲛⲟⲩϯ.
لا توجد ترجمة عربية
(ⲅ︦) ⲡⲉϫⲉ ⲡⲟⲩⲣⲟ ⲛⲁⲥⲫⲁⲛⲉⲍ ⲙ̀ⲡⲓϫⲱϫ ⲛ̀ⲥⲓⲟⲩⲣ ⲛ̀ⲧⲁϥ ϫⲉ ⲁⲛⲓⲟⲩⲓ ⲉ̀ϧⲟⲩⲛ ϧⲉⲛ ⲛⲓϣⲏⲣⲓ ⲛ̀ⲧⲉ ϯⲉⲭⲙⲁⲗⲱⲥⲓⲁ ⲛ̀ⲧⲉ ⲡⲓⲥ̅ⲗ̅. ⲛⲉⲙ ⲉ̀ⲃⲟⲗ ϧⲉⲛ ⲡϫⲣⲟϫ ⲛ̀ⲧⲉ ϯⲙⲉⲧⲟⲩⲣⲟ ⲛⲉⲙ ⲉ̀ⲃⲟⲗ ϧⲉⲛ ⲛⲓⲡⲁⲣⲑⲟⲙⲓⲛ
لا توجد ترجمة عربية
(ⲇ︦) ⲛ̀ϩⲁⲛⲁⲗⲱⲟⲩⲓ ⲛ̀ϧⲉⲗϣⲓⲣⲓ ⲙ̀ⲙⲟⲛ ϩⲗⲓ ⲛⲁϭⲛⲓ ⲛ̀ϧⲏⲧⲟⲩ. ⲛ̀ⲥⲁⲓⲉ ϧⲉⲛ ⲡⲟⲩϩⲟ ⲉⲩⲕⲁϯ ϧⲉⲛ ⲥⲃⲱ ⲛⲓⲃⲉⲛ ⲉⲩⲥⲱⲟⲩⲛⲟⲩ ⲙ̀ⲡⲉⲙⲓ. ⲉⲩⲙⲉϩ ⲙ̀ⲙⲉⲧⲥⲁⲃⲉ. ⲟⲩⲟϩ ϫⲟⲣ ⲛ̀ⲛⲟⲙϯ. ⲧⲁϩⲱⲟⲩ ⲉ̀ⲣⲁⲧⲟⲩ ϧⲉⲛ ⲡⲏⲓ ⲙ̀ⲡⲟⲩⲣⲟ. ⲟⲩⲟϩ ⲙⲁⲥⲃⲱ ⲛⲱⲟⲩ. ⲙⲁⲧⲥⲁⲃⲱⲟⲩ ⲛⲥϧⲁⲓ. ⲛⲉⲙ ⲧⲁⲥⲡⲓ ⲛ̀ⲛⲓⲭⲁⲗⲇⲉⲟⲥ.
لا توجد ترجمة عربية
(ⲉ︦) ⲟⲩⲟϩ ⲁⲩⲥⲟⲕⲟⲩ ⲉ̀ⲃⲟⲗ ϧⲉⲛ ⲛⲓⲁⲗⲱⲟⲩⲓ. ⲛ̀ⲧⲉ ϯⲉⲭⲙⲁⲗⲱⲥⲓⲁ ϧⲉⲛ ⲡⲏⲓ ⲙ̀ⲡⲟⲩⲣⲟ. ⲁϥⲟⲩⲁϩⲥⲁϩⲛⲓ ϫⲉ ⲛ̀ⲧⲟⲩϯ ⲛⲱⲟⲩ ⲛ̀ⲧϧⲣⲉ ⲛ̀ⲧⲉ ⲡⲓⲉϩⲟⲟⲩ. ϧⲁⲧϩⲏ ⲙ̀ⲡⲓⲉϩⲟⲟⲩ ⲉ̀ⲃⲟⲗ ϩⲓ ⲧⲉϥⲧⲣⲁⲡⲉⲍⲁ. ⲛⲉⲙ ⲉ̀ⲃⲟⲗ ϧⲉⲛ ⲡⲓⲏⲣⲡ ⲉ̀ϣⲁϥⲥⲱ ⲛ̀ϧⲏⲧϥ ⲛ̀ϫⲉ ⲡⲟⲩⲣⲟ. ⲟⲩⲟϩ ⲛ̀ⲧⲟⲩϣⲁⲛⲟⲩϣⲟⲩ ⲛ̀ⲅ̅ ⲛ̀ⲣⲟⲙⲡⲓ. ⲙⲉⲛⲉⲛⲥⲁ ⲛⲁⲓ ⲛ̀ⲧⲟⲩⲧⲁϩⲱⲟⲩ ⲉ̀ⲣⲁⲧⲟⲩ ⲙ̀ⲡⲉⲙ̀ⲑⲟ ⲙ̀ⲡⲟⲩⲣⲟ.
لا توجد ترجمة عربية
(ⲋ︦) ⲁⲩϫⲓⲙⲓ ⲛ̀ϧⲏⲧⲟⲩ ⲉ̀ⲃⲟⲗ ϧⲉⲛ ⲛⲓϣⲏⲣⲓ ⲛ̀ⲧⲉ ⲓⲟⲩⲇⲁ ⲛ̀ⲇⲁⲛⲓⲏⲗ. ⲛⲉⲙ ⲁⲛⲁⲛⲓⲁⲥ. ⲛⲉⲙ ⲙⲓⲍⲁⲏⲗ. ⲛⲉⲙ ⲁⲍⲁⲣⲓⲁⲥ.
لا توجد ترجمة عربية
(ⲍ︦) ⲟⲩⲟϩ ⲁ ⲡⲓϫⲱϫ ⲛ̀ⲥⲓⲟⲩⲣ ⲛ̀ⲧⲁϥ. ⲟⲩⲱⲧⲉⲃ ⲛⲟⲩⲣⲁⲛ ⲁϥϯⲣⲉⲛ ⲇⲁⲛⲓⲏⲗ. ϫⲉ ⲃⲁⲗⲇⲁⲍⲁⲣ. ⲁⲛⲁⲛⲓⲁⲥ ϫⲉ ⲥⲉⲇⲣⲁⲕ. ⲁⲍⲁⲣⲓⲁⲥ ϫⲉ ⲙⲓⲥⲁⲕ. ⲙⲓⲥⲁⲏⲗ ϫⲉ ⲁⲃⲇⲉⲛⲁⲅⲱ.
لا توجد ترجمة عربية
(ⲏ︦) ⲟⲩⲟϩ ⲇⲁⲛⲓⲏⲗ ⲁϥⲭⲁⲥ ϧⲉⲛ ⲡⲉϥϩⲏⲧ. ⲉ̀ϣ̀ⲧⲉⲙⲟⲩⲱⲙ ⲉ̀ⲃⲟⲗ ϧⲉⲛ ϯⲧⲣⲁⲡⲉⲍⲁ ⲛ̀ⲧⲉ ⲡⲟⲩⲣⲟ. ⲛⲉⲙ ⲉ̀ⲃⲟⲗ ϧⲉⲛ ⲡⲓⲏⲣⲡ ⲉ̀ϣⲁϥⲥⲱ ⲛ̀ϧⲏⲧϥ. ⲁϥⲉⲣⲁⲝⲓⲟⲓⲛ ⲙ̀ⲡⲓϫⲱϫ ⲛ̀ⲥⲓⲟⲩⲣ ⲉ̀ϣ̀ⲧⲉⲙⲟⲩⲱⲙ ⲉ̀ⲃⲟⲗ ⲛ̀ϧⲏⲧⲟⲩ.
لا توجد ترجمة عربية
(ⲑ︦) ⲁ ⲫϯ ϯ ⲛ̀ⲇⲁⲛⲓⲏⲗ ⲉⲩⲛⲁⲓ ⲙ̀ⲡⲉⲙ̀ⲑⲟ ⲙ̀ⲡⲓⲥⲓⲟⲩⲣ. ⲛⲉⲙ ⲟⲩⲙⲉⲧϣⲉⲛϩⲏⲧ.
لا توجد ترجمة عربية
(ⲓ︦) ⲡⲉϫⲉ ⲡⲓϫⲱϫ ⲛ̀ⲥⲓⲟⲩⲣ ⲛ̀ⲇⲁⲛⲓⲏⲗ. ϫⲉ ϯⲉⲣϩⲟϯ ⲁ̀ⲛⲟⲕ ϧⲁⲧϩⲏ ⲙ̀ⲡⲁϭ̅ⲥ̅ ⲡⲟⲩⲣⲟ. ⲫⲏ ⲉⲧⲁϥⲟⲩⲁϩⲥⲁϩⲛⲓ ⲛⲏⲓ ⲙ̀ⲡⲉⲧⲉⲛⲟⲩⲱⲙ. ⲛⲉⲙ ⲡⲉⲧⲉⲛⲥⲱ ⲙ̀ⲙⲏⲛⲓ. ⲙⲏⲡⲱⲥ ⲛ̀ⲧⲉϥⲓ̀ ⲛ̀ⲧⲉϥⲛⲁⲩ ⲉ̀ⲡⲉⲧⲉⲛϩⲟ. ⲉϥϫⲁⲓⲱⲟⲩ ⲉ̀ⲃⲟⲗ ⲟⲩⲧⲉ ⲛⲓⲁⲗⲱⲟⲩⲓ ⲧⲏⲣⲟⲩ. ⲛⲉⲧⲉⲛϣⲫⲏⲣ ⲙ̀ⲙⲁⲓⲏ. ⲟⲩⲟϩ ⲛ̀ⲧⲉⲧⲉⲛⲉⲣⲕⲁⲧⲁⲇⲓⲕⲁⲍⲓⲛ ⲛ̀ⲧⲁⲫⲉ ⲙ̀ⲡⲟⲩⲣⲟ.
لا توجد ترجمة عربية
(ⲓ︦ⲁ︦) ⲟⲩⲟϩ ⲡⲉϫⲉ ⲇⲁⲛⲓⲏⲗ ⲛ̀ⲁⲙⲉⲗⲇⲁⲇ. ⲫⲏ ⲉⲧⲁ ⲡⲓϫⲱϫ ⲛ̀ⲥⲓⲟⲩⲣ ⲭⲁϥ ⲉ̀ϩⲣⲏⲓ ⲉ̀ϫⲉⲛ ⲇⲁⲛⲓⲏⲗ. ⲛⲉⲙ ⲁⲛⲁⲛⲓⲁⲥ ⲛⲉⲙ ⲁⲍⲁⲣⲓⲁⲥ ⲛⲉⲙ ⲙⲓⲥⲁⲏⲗ.
لا توجد ترجمة عربية
(ⲓ︦ⲃ︦) ϫⲉ ϭⲟⲛⲧⲉⲛ ⲣⲱ ϧⲁ ⲛⲉⲕⲁⲗⲱⲟⲩⲓ. ⲛⲁⲩⲓ̀ ⲛ̀ⲉϩⲟⲟⲩ. ⲙⲁⲣⲟⲩϯ ⲛⲁⲛ ⲉ̀ⲃⲟⲗ ϧⲉⲛ ⲛⲓϫⲣⲟϫ ⲛ̀ⲧⲉ ⲧⲕⲟⲓ. ϩⲓⲛⲁ ⲛ̀ⲧⲉⲛⲟⲩⲱⲙ. ⲛⲉⲙ ⲟⲩⲙⲱⲟⲩ ⲛ̀ⲧⲉⲛⲥⲟϥ.
لا توجد ترجمة عربية
(ⲓ︦ⲅ︦) ⲟⲩⲟϩ ⲉⲛⲉⲟⲩⲱⲛϩ ⲉ̀ⲃⲟⲗ ⲙ̀ⲡⲉⲕⲙ̀ⲑⲟ. ⲙ̀ⲡⲓⲣⲏϯ ⲉⲧⲉⲛⲟⲓ ⲙ̀ⲙⲟϥ ⲁ̀ⲛⲟⲛ. ⲛⲉⲙ ⲙ̀ⲫⲣⲏϯ ⲉⲧⲉ ⲛⲓⲁⲗⲱⲟⲩⲓ ⲟⲓ ⲙ̀ⲙⲟϥ. ⲛⲏ ⲉⲑⲟⲩⲱⲙ ⲉ̀ⲃⲟⲗ ϩⲁ ϯⲧⲣⲁⲡⲉⲍⲁ ⲙ̀ⲡⲟⲩⲣⲟ. ⲕⲁⲧⲁ ⲫⲣⲏϯ ⲉⲧⲉⲕⲛⲁⲩ ⲉ̀ⲣⲟⲛ. ⲉⲕⲉ̀ⲓⲣⲓ ⲛⲉⲙ ⲛⲉⲕⲁⲗⲱⲟⲩⲓ.
لا توجد ترجمة عربية
(ⲓ︦ⲇ︦) ⲉⲧⲁϥⲥⲱⲧⲉⲙ ⲛ̀ⲥⲱⲟⲩ ⲁϥϭⲟⲛⲧⲟⲩ ⲙⲓ̅ ⲛ̀ⲉϩⲟⲟⲩ.
لا توجد ترجمة عربية
(ⲓ︦ⲉ︦) ⲟⲩⲟϩ ⲙⲉⲛⲉⲛⲥⲁ ⲡϫⲱⲕ ⲙ̀ⲓ̅ ⲛ̀ⲉϩⲟⲟⲩ. ⲁϥⲛⲁⲩ ⲉ̀ⲡⲟⲩⲣⲏϯ ⲉ̀ⲛⲁⲛⲉϥ ⲟⲩⲟϩ ⲁⲩϫⲉⲙⲛⲟⲙϯ ϧⲉⲛ ⲧⲟⲩⲥⲁⲣⲝ ⲛ̀ϩⲟⲩⲟ ⲉ̀ⲛⲟⲩϣⲫⲏⲣ ⲙ̀ⲙⲁⲓⲏ ⲧⲏⲣⲟⲩ ⲛ̀ⲁⲗⲟⲩ ⲉⲧϧⲉⲛ ⲡⲏⲓ ⲙ̀ⲡⲟⲩⲣⲟ.
لا توجد ترجمة عربية
(ⲓ︦ⲋ︦) ⲁϥϣⲱⲡⲓ ⲛ̀ϫⲉ ⲁⲙⲉⲗⲇⲁⲇ ⲉϥⲱⲗⲓ ⲙ̀ⲡⲓⲇⲓⲡⲛⲟⲛ. ⲛⲉⲙ ⲡⲓⲏⲣⲡ ⲛ̀ⲧⲉ ⲡⲟⲩⲥⲱ. ⲛⲁϥϯ ⲛⲱⲟⲩ ⲛ̀ⲛⲓϫⲣⲟϫ ⲛ̀ⲧⲉ ⲡⲕⲁϩⲓ.
لا توجد ترجمة عربية
(ⲓ︦ⲍ︦) ⲟⲩⲟϩ ⲡⲁⲓⲇ̅ ⲛ̀ⲁⲗⲟⲩ. ⲁ ⲫϯ ϯ ⲛⲱⲟⲩ ⲛ̀ⲟⲩⲕⲁϯ. ⲛⲉⲙ ⲟⲩⲉⲙⲓ. ⲛⲉⲙ ⲟⲩⲙⲉⲧⲥⲁⲓⲉ. ⲛ̀ϧⲣⲏⲓ ϧⲉⲛ ⲥⲟⲩⲉⲛ ⲥϧⲁⲓ ⲛⲓⲃⲉⲛ. ⲛⲉⲙ ⲥⲟⲫⲓⲁ. ⲟⲩⲟϩ ⲇⲁⲛⲓⲏⲗ ⲁϥⲕⲁϯ ϧⲉⲛ ⲥⲃⲱ ⲛⲓⲃⲉⲛ. ⲛⲉⲙ ⲉ̀ϧⲣⲏⲓ ϧⲉⲛ ⲛⲓⲣⲁⲥⲟⲩⲓ.
لا توجد ترجمة عربية
(ⲓ︦ⲏ︦) ⲟⲩⲟϩ ⲙⲉⲛⲉⲛⲥⲁ ⲡϫⲱⲕ ⲛ̀ⲛⲓⲉϩⲟⲟⲩ ⲉⲧⲉⲙ̀ⲙⲁⲩ. ⲁϥⲟⲩⲁϩⲥⲁϩⲛⲓ ⲛ̀ϫⲉ ⲡⲟⲩⲣⲟ. ⲉ̀ⲡϫⲓⲛⲟⲗⲟⲩ ⲉ̀ϧⲟⲩⲛ ϣⲁⲣⲟϥ. ⲁϥⲉⲛⲟⲩ ⲉ̀ϧⲟⲩⲛ ⲛ̀ϫⲉ ⲡⲓϫⲱϫ ⲛ̀ⲥⲓⲟⲩⲣ. ⲁϥⲧⲁϩⲱⲟⲩ ⲉ̀ⲣⲁⲧⲟⲩ ⲙ̀ⲡⲉⲙ̀ⲑⲟ ⲙ̀ⲡⲟⲩⲣⲟ
لا توجد ترجمة عربية
(ⲓ︦ⲑ︦) ⲟⲩⲟϩ ⲁϥⲥⲁϫⲓ ⲛⲉⲙⲱⲟⲩ ⲛ̀ϫⲉ ⲡⲟⲩⲣⲟ. ⲉ̀ⲃⲟⲗ ⲛ̀ϧⲏⲧⲟⲩ ⲧⲏⲣⲟⲩ. ⲙ̀ⲡⲟⲩϫⲉⲙ ⲡⲉⲧⲟⲛⲓ ⲛ̀ⲇⲁⲛⲓⲏⲗ. ⲛⲉⲙ ⲁⲛⲁⲛⲓⲁⲥ ⲛⲉⲙ ⲁⲍⲁⲣⲓⲁⲥ ⲛⲉⲙ ⲙⲓⲥⲁⲏⲗ. ⲟⲩⲟϩ ⲁⲩⲟϩⲓ ⲉ̀ⲣⲁⲧⲟⲩ ⲙ̀ⲡⲉⲙ̀ⲑⲟ ⲙ̀ⲡⲟⲩⲣⲟ.
لا توجد ترجمة عربية
(ⲕ︦) ϧⲉⲛ ⲥⲁϫⲓ ⲛⲓⲃⲉⲛ ⲛ̀ⲥⲟⲫⲓⲁ. ⲛⲉⲙ ⲟⲩⲉⲡⲓⲥⲧⲏⲙⲓ. ⲟⲩⲟϩ ⲛⲏ ⲉⲧⲁϥⲕⲱϯ ⲛ̀ⲥⲱⲟⲩ ⲛ̀ⲧⲟⲧⲟⲩ ⲛ̀ϫⲉ ⲡⲟⲩⲣⲟ. ⲁⲩϫⲉⲙⲟⲩ ⲙ̀ⲓ̅ ⲛ̀ⲕⲱⲃ ⲛ̀ⲥⲟⲡ ⲉⲩⲫⲁϧⲉⲣ ⲉ̀ⲃⲟⲗ. ⲟⲩⲇⲉ ⲛⲓⲣⲉϥϭⲓϣⲏⲙ ⲧⲏⲣⲟⲩ. ⲛⲉⲙ ⲛⲓⲁⲗⲱⲟⲩⲓ ⲛⲏ ⲉⲧϧⲉⲛ ⲧⲁⲩⲗⲏ ⲙ̀ⲡⲟⲩⲣⲟ.
لا توجد ترجمة عربية
(ⲕ︦ⲁ︦) ⲟⲩⲟϩ ⲁϥϣⲱⲡⲓ ⲛ̀ϫⲉ ⲇⲁⲛⲓⲏⲗ ϣⲁ ⲁⲥⲫⲟⲩⲓ ⲛ̀ⲧⲉ ⲕⲩⲣⲟⲥ ⲡⲟⲩⲣⲟ.