لا توجد ترجمة عربية
(ⲁ︦) ⲃⲁϣϯ ⲓⲗ̅ⲏ̅ⲙ̅ ⲛ̀ϯⲥⲧⲟⲗⲏ ⲛ̀ⲧⲉ ⲡⲉϩⲏⲃⲓ ⲛⲉⲙ ⲡⲉⲧϩⲉⲙⲕⲟ. ⲟⲩⲟϩ ⲙⲟⲓ ϩⲓⲱϯ ⲛ̀ϯⲙⲉⲧⲥⲁⲓⲉ ⲛ̀ⲧⲉ ⲡⲱⲟⲩ ⲉ̀ⲃⲟⲗ ϩⲓⲧⲉⲛ ⲫϯ ϣⲁ ⲉⲛⲉϩ.
لا توجد ترجمة عربية
(ⲃ︦) ϫⲟⲗϯ ⲛ̀ϯⲇⲓⲡⲗⲟⲓⲥ ⲛ̀ⲧⲉ ϯⲙⲉⲑⲙⲏⲓ. ϯ ⲉ̀ⲃⲟⲗ ϩⲓⲧⲉⲛ ⲫϯ. ⲙⲟⲓ ⲉ̀ϫⲉⲛ ϯⲁⲫⲉ ⲛ̀ϯⲙⲓⲧⲣⲁ ⲛ̀ⲧⲉ ⲡⲱⲟⲩ ⲛ̀ⲧⲉ ⲡⲓϣⲁ ⲉⲛⲉϩ
لا توجد ترجمة عربية
(ⲅ︦) ⲫϯ ⲅⲁⲣ ⲉϥⲉ̀ⲟⲩⲉⲛϩ ⲡⲉⲫⲓⲣⲓ ⲉ̀ⲃⲟⲗ ⲥⲁⲡⲉⲥⲏⲧ ⲛ̀ⲧⲫⲉ ⲧⲏⲣⲥ.
لا توجد ترجمة عربية
(ⲇ︦) ⲉⲩⲉ̀ⲙⲟⲩϯ ⲅⲁⲣ ⲉ̀ⲡⲉⲣⲁⲛ ⲉ̀ⲃⲟⲗ ϩⲓⲧⲉⲛ ⲫϯ ϣⲁ ⲉⲛⲉϩ. ϫⲉ ϯϩⲓⲣⲏⲛⲏ ⲛ̀ⲧⲉ ϯⲙⲉⲑⲙⲏⲓ ⲛⲉⲙ ⲡⲓⲱⲟⲩ. ⲛ̀ⲧⲉ ϯⲙⲉⲧⲑⲉⲟⲥⲉⲃⲏⲥ.
لا توجد ترجمة عربية
(ⲉ︦) ⲧⲱⲟⲩⲛⲓ ⲓⲗ̅ⲏ̅ⲙ̅ ⲟϩⲓ ⲉ̀ⲣⲁϯ ϩⲓϫⲉⲛ ⲡⲓⲙⲁ ⲉⲧϭⲟⲥⲓ. ⲟⲩⲟϩ ϫⲟⲩϣⲧ ⲉ̀ⲛⲓⲙⲁⲛ̀ϣⲁⲓ. ⲁⲛⲁⲩ ⲉ̀ⲛⲉϣⲏⲣⲓ ⲉⲩⲑⲟⲩⲏⲧ. ⲓⲥϫⲉⲛ ⲛⲓⲙⲁⲛ̀ϣⲁⲓ ⲛ̀ⲧⲉ ⲫⲣⲏ ϣⲁ ⲛⲓⲙⲁⲛ̀ϩⲱⲧⲡ. ϧⲉⲛ ⲡⲓⲥⲁϫⲓ ⲛ̀ⲧⲉ ⲡⲓϩⲁⲅⲓⲟⲥ ⲉⲩⲣⲁϣⲓ ϧⲉⲛ ⲡⲓⲙⲉⲩⲓ ⲛ̀ⲧⲉ ⲫϯ.
لا توجد ترجمة عربية
(ⲋ︦) ⲁⲩⲓ ⲅⲁⲣ ⲉ̀ⲃⲟⲗ ϩⲓⲧⲟϯ ⲉⲩⲙⲟϣⲓ ⲛ̀ⲛⲟⲩϭⲁⲗⲁⲩϫ ⲉⲩⲱⲗⲓ ⲙ̀ⲙⲱⲟⲩ ⲛ̀ϫⲉ ⲛⲟⲩϫⲁϫⲓ. ϥⲛⲁⲉⲛⲟⲩ ⲇⲉ ⲉ̀ϧⲟⲩⲛ ϩⲁⲣⲟⲓ ⲛ̀ϫⲉ ⲫϯ. ⲉⲩϥⲁⲓ ⲙ̀ⲙⲱⲟⲩ ϧⲉⲛ ⲟⲩⲱⲟⲩ ⲙ̀ⲫⲣⲏϯ ⲛ̀ⲟⲩⲑⲣⲟⲛⲟⲥ ⲛ̀ⲧⲉ ⲟⲩⲙⲉⲧⲟⲩⲣⲟ
لا توجد ترجمة عربية
(ⲍ︦) ⲁϥⲟⲩⲁϩⲥⲁϩⲛⲓ ⲅⲁⲣ ⲛ̀ϫⲉ ⲫϯ ⲉ̀ⲑⲣⲉϥⲑⲉⲃⲓⲟ ⲛ̀ϫⲉ ⲧⲱⲟⲩ ⲛⲓⲃⲉⲛ ⲉⲧϭⲟⲥⲓ. ⲛⲉⲙ ⲛⲓⲕⲁⲗⲁⲙⲫⲟ ⲛ̀ⲉⲛⲉϩ. ⲟⲩⲟϩ ⲛⲓϧⲉⲗⲗⲟⲧ ⲉ̀ⲑⲣⲟⲩⲙⲟϩ ϣⲁ ⲡϣⲱϣ ⲛ̀ⲧⲉ ⲡⲕⲁϩⲓ. ϩⲓⲛⲁ ⲛ̀ⲧⲉϥⲙⲟϣⲓ ⲛ̀ϫⲉ ⲡⲓⲥ̅ⲗ̅ ϧⲉⲛ ⲟⲩⲧⲁϫⲣⲟ. ϧⲉⲛ ⲟⲩⲱⲟⲩ ⲛ̀ⲧⲉ ⲫϯ.
لا توجد ترجمة عربية
(ⲏ︦) ⲁⲩⲉⲣϧⲏⲓⲃⲓ ⲇⲉ ⲛ̀ϫⲉ ⲛⲓⲓⲁϩϣϣⲏⲛ ⲛⲉⲙ ϣϣⲏⲛ ⲛⲓⲃⲉⲛ ⲛ̀ⲥⲑⲟⲓⲛⲟⲩϥⲓ ⲉ̀ϫⲉⲛ ⲡⲓⲥ̅ⲗ̅ ϧⲉⲛ ⲡⲓⲟⲩⲁϩⲥⲁϩⲛⲓ ⲛ̀ⲧⲉ ⲫϯ.
لا توجد ترجمة عربية
(ⲑ︦) ⲉϥⲉ̀ⲫⲓⲣⲓ ⲅⲁⲣ ⲛ̀ϫⲉ ⲫϯ ϧⲉⲛ ⲡⲓⲥ̅ⲗ̅. ⲛⲉⲙ ⲟⲩⲟⲩⲱⲓⲛⲓ ϧⲉⲛ ⲫⲟⲩⲱⲓⲛⲓ ⲛ̀ⲧⲉ ⲡⲉϥⲱⲟⲩ. ⲛⲉⲙ ⲡⲓⲛⲁⲓ ⲛⲉⲙ ϯⲙⲉⲑⲙⲏⲓ. ϯ ⲉ̀ⲃⲟⲗ ϩⲓⲧⲟⲧϥ.