لا توجد ترجمة عربية
(ⲁ︦) ⲡϭ̅ⲥ̅ ⲡⲓⲡⲁⲛⲧⲟⲕⲣⲁⲧⲱⲣ ⲫϯ ⲙ̀ⲡⲓⲥ̅ⲗ̅ ⲟⲩⲯⲩⲭⲏ ⲉⲥϫⲏⲟⲩ ⲛⲉⲙ ⲟⲩⲡⲛ̅ⲁ̅ ⲉϥⲙⲟⲕϩ ⲛ̀ϩⲏⲧ ⲁⲩⲱϣ ⲉ̀ⲡϣⲱⲓ ϩⲁⲣⲟⲓ
لا توجد ترجمة عربية
(ⲃ︦) ⲥⲱⲧⲉⲙ ⲡϭ̅ⲥ̅ ⲟⲩⲟϩ ⲛⲁⲓ ⲛⲁⲛ ϫⲉ ⲁⲛⲉⲣⲛⲟⲃⲓ ⲙ̀ⲡⲉⲕⲙ̀ⲑⲟ.
لا توجد ترجمة عربية
(ⲅ︦) ϫⲉ ⲛ̀ⲑⲟⲕ ⲕϣⲟⲡ ϣⲁ ⲉⲛⲉϩ ⲁ̀ⲛⲟⲛ ⲇⲉ ⲧⲉⲛⲧⲁⲕⲏⲟⲩⲧ ϣⲁ ⲉⲛⲉϩ.
لا توجد ترجمة عربية
(ⲇ︦) ⲡϭ̅ⲥ̅ ⲡⲓⲡⲁⲛⲧⲟⲕⲣⲁⲧⲱⲣ ⲫϯ ⲙ̀ⲡⲓⲥ̅ⲗ̅ ⲥⲱⲧⲉⲙ ⲉ̀ϯⲡⲣⲟⲥⲉⲩⲭⲏ ⲛ̀ⲧⲉ ⲛⲏ ⲉⲧⲁⲩⲙⲟⲩ ⲛ̀ⲧⲉ ⲡⲓⲥ̅ⲗ̅. ⲛⲉⲙ ⲛⲉⲛϣⲏⲣⲓ ⲛ̀ⲧⲉ ⲛⲏ ⲉⲧⲁⲩⲉⲣⲛⲟⲃⲓ ⲉ̀ⲣⲟⲕ ⲙ̀ⲡⲉⲕⲙ̀ⲑⲟ. ⲛⲏ ⲉⲧⲉ ⲙ̀ⲡⲟⲩⲥⲱⲧⲉⲙ ⲛ̀ⲥⲁ ⲧⲉⲕⲥⲙⲏ ⲡⲟⲩⲛⲟⲩϯ. ⲟⲩⲟϩ ⲁⲩⲧⲟⲙⲟⲩ ⲉⲣⲟⲛ ⲛ̀ϫⲉ ⲛⲓⲡⲉⲧϩⲱⲟⲩ.
لا توجد ترجمة عربية
(ⲉ︦) ⲙ̀ⲡⲉⲣⲉⲣⲫⲙⲉⲩⲓ ⲛ̀ⲛⲓϭⲓⲛϫⲟⲛⲥ ⲛ̀ⲧⲉ ⲛⲉⲛⲓⲟϯ. ⲁⲗⲗⲁ ⲁⲣⲓⲫⲙⲉⲩⲓ ⲛ̀ⲧⲉⲕϫⲓϫ. ⲛⲉⲙ ⲡⲉⲕⲣⲁⲛ ϧⲉⲛ ⲡⲁⲓⲥⲏⲟⲩ.
لا توجد ترجمة عربية
(ⲋ︦) ϫⲉ ⲛ̀ⲑⲟⲕ ⲡⲉ ⲡϭ̅ⲥ̅ ⲡⲉⲛⲛⲟⲩϯ. ⲟⲩⲟϩ ⲉ̀ⲛⲉϩⲱⲥ ⲉ̀ⲣⲟⲕ ⲡϭ̅ⲥ̅.
لا توجد ترجمة عربية
(ⲍ︦) ϫⲉ ⲉⲑⲃⲉ ⲫⲁⲓ ⲁⲕϯ ⲛ̀ⲧⲉⲕϩⲟϯ ⲉ̀ϫⲉⲛ ⲡⲉⲛϩⲏⲧ. ⲉ̀ⲑⲣⲉⲛⲧⲱⲃϩ ⲙ̀ⲡⲉⲕⲣⲁⲛ. ⲟⲩⲟϩ ⲉⲛⲉ̀ϩⲱⲥ ⲉⲣⲟⲕ ϧⲉⲛ ⲡⲉⲛⲟⲩⲱⲧⲉⲃ ⲉ̀ⲃⲟⲗ ϫⲉ ⲁⲛⲧⲁⲥⲑⲟ ⲉ̀ϫⲉⲛ ⲡⲉⲛϩⲏⲧ. ⲉ̀ⲛⲓϭⲓⲛ̀ϫⲟⲛⲥ ⲧⲏⲣⲟⲩ ⲛ̀ⲧⲉ ⲛⲉⲛⲓⲟϯ. ⲛⲏ ⲉⲧⲁⲩⲉⲣⲛⲟⲃⲓ ⲙ̀ⲡⲉⲕⲙ̀ⲑⲟ.
لا توجد ترجمة عربية
(ⲏ︦) ϩⲏⲡⲡⲉ ⲁ̀ⲛⲟⲛ ⲙ̀ⲫⲟⲟⲩ ϧⲉⲛ ⲡⲉⲛⲟⲩⲱⲧⲉⲃ ⲉ̀ⲃⲟⲗ. ⲡⲓⲙⲁ ⲉⲧⲁⲕϫⲟⲣⲉⲛ ⲉ̀ⲣⲟϥ ⲉⲩϣⲱϣ ⲛⲉⲙ ⲟⲩⲥⲁϩⲟⲩⲓ. ⲛⲉⲙ ⲟⲩⲥⲣⲁϩ ⲕⲁⲧⲁ ⲛⲓϭⲓⲛ̀ϫⲟⲛⲥ ⲧⲏⲣⲟⲩ ⲛ̀ⲧⲉ ⲛⲉⲛⲓⲟϯ. ⲛⲏ ⲉⲧⲁⲩϩⲉⲛⲟⲩ ⲉ̀ⲃⲟⲗ ϩⲁⲣⲟⲕ ⲡϭ̅ⲥ̅ ⲡⲉⲛⲛⲟⲩϯ.
لا توجد ترجمة عربية
(ⲑ︦) ⲥⲱⲧⲉⲙ ⲡⲓⲥ̅ⲗ̅ ⲉ̀ϩⲁⲛⲉⲛⲧⲟⲗⲏ ⲛ̀ⲧⲉ ⲡⲱⲛϧ ϭⲓⲥⲙⲏ ⲉ̀ⲉⲙⲓ ⲉⲩⲙⲉⲧⲥⲁⲃⲉ.
لا توجد ترجمة عربية
(ⲓ︦) ⲟⲩ ⲡⲉ ⲉⲧϣⲟⲡ ⲡⲓⲥ̅ⲗ̅ ⲉⲧⲁⲟⲩϣⲱⲡⲓ ϫⲉ ⲕⲭⲏ ϧⲉⲛ ⲡⲕⲁϩⲓ ⲛ̀ⲧⲉ ⲛⲉⲕϫⲁϫⲓ. ⲁⲕⲉⲣⲁⲡⲁⲥ ϧⲉⲛ ⲟⲩⲕⲁϩⲓ ⲛ̀ϣⲉⲙⲙⲟ.
لا توجد ترجمة عربية
(ⲓ︦ⲁ︦) ⲁⲕⲉⲣϣⲫⲏⲣ ⲛ̀ϭⲱϧⲉⲙ ⲛⲓⲣⲉϥⲙⲱⲟⲩⲧ. ⲁⲩⲟⲡⲕ ⲛⲉⲙ ⲛⲏ ⲉⲧϧⲉⲛ ⲁⲙⲉⲛϯ.
لا توجد ترجمة عربية
(ⲓ︦ⲃ︦) ⲁⲕⲭⲱ ⲛ̀ⲥⲱⲕ ⲛ̀ϯⲙⲟⲩⲙⲓ ⲛ̀ⲧⲉ ϯⲥⲟⲫⲓⲁ.
لا توجد ترجمة عربية
(ⲓ︦ⲅ︦) ⲉⲛⲉ ⲁⲕⲙⲟϣⲓ ⲡⲉ ϧⲉⲛ ⲡⲓⲙⲱⲓⲧ ⲛ̀ⲧⲉ ⲫϯ. ⲛⲁⲕⲛⲁϣⲱⲡⲓ ⲡⲉ ϧⲉⲛ ⲟⲩϩⲓⲣⲏⲛⲏ ϣⲁ ⲉⲛⲉϩ ⲛ̀ⲭⲣⲟⲛⲟⲥ.
لا توجد ترجمة عربية
(ⲓ︦ⲇ︦) ⲁⲣⲓⲉⲙⲓ ⲟⲩⲛ ϫⲉ ⲁⲥⲑⲱⲛ ϯⲙⲉⲧⲥⲁⲃⲉ ⲁⲥⲑⲱⲛ ϯϫⲟⲙ. ⲁϥⲑⲱⲛ ⲡⲓⲕⲁϯ ⲉ̀ⲉⲙⲓ ⲉⲩⲥⲟⲡ. ϫⲉ ⲁⲥⲑⲱⲛ ϯⲙⲉⲧⲛⲉⲃⲁϩⲓ ⲛⲉⲙ ⲡⲓⲱⲛϧ. ⲁϥⲑⲱⲛ ⲫⲟⲩⲱⲓⲛⲓ ⲛ̀ⲛⲓⲃⲁⲗ. ⲛⲉⲙ ϯϩⲓⲣⲏⲛⲏ
لا توجد ترجمة عربية
(ⲓ︦ⲉ︦) ⲛⲓⲙ ⲡⲉⲧⲁϥϫⲓⲙⲓ ⲙ̀ⲡⲉⲥⲙⲁ. ⲓⲉ ⲛⲓⲙ ⲡⲉⲧⲁϥϣⲉ ⲛⲁϥ ⲉ̀ϧⲟⲩⲛ ⲉ̀ⲛⲉⲥⲁϩⲱⲣ.
لا توجد ترجمة عربية
(ⲓ︦ⲋ︦) ⲁⲩⲑⲱⲛ ⲛⲓⲁⲣⲭⲱⲛ ⲛ̀ⲧⲉ ⲛⲓⲉⲑⲛⲟⲥ. ⲛⲉⲙ ⲛⲏ ⲉⲧⲟⲓ ⲛ̀ϭ̅ⲥ̅ ⲉ̀ⲛⲓⲑⲏⲣⲓⲟⲛ ⲉⲧϩⲓϫⲉⲛ ⲡⲕⲁϩⲓ.
لا توجد ترجمة عربية
(ⲓ︦ⲍ︦) ⲛⲏ ⲉⲧⲥⲱⲃⲓ ϧⲉⲛ ⲛⲓϩⲁⲗⲁϯ ⲛ̀ⲧⲉ ⲧⲫⲉ. ⲟⲩⲟϩ ⲉⲩⲑⲱⲟⲩϯ ⲙ̀ⲡⲓϩⲁⲧ ⲛⲉⲙ ⲡⲓⲛⲟⲩⲃ. ⲫⲏ ⲉⲧⲁ ⲛⲓⲣⲱⲙⲓ ⲭⲁϩⲑⲏⲟⲩ ⲉ̀ⲣⲟϥ.
لا توجد ترجمة عربية
(ⲓ︦ⲏ︦) ⲟⲩⲟϩ ⲙ̀ⲙⲟⲛ ⲁⲩⲣⲏϫϥ ⲙ̀ⲡⲟⲩϫⲫⲟ ⲛⲏ ⲉⲧⲉⲣϩⲱⲃ ⲉ̀ⲡⲓϩⲁⲧ ⲟⲩⲟϩ ⲉⲧϥⲓⲣⲱⲟⲩϣ. ⲟⲩⲟϩ ⲙ̀ⲙⲟⲛ ϣ̀ϫⲟⲙ ⲛ̀ⲧⲟⲩϫⲓⲙⲓ ⲛ̀ⲛⲟⲩϩⲃⲏⲟⲩⲓ
لا توجد ترجمة عربية
(ⲓ︦ⲑ︦) ⲁⲩⲧⲁⲕⲟ. ⲟⲩⲟϩ ⲁⲩϣⲉ ⲛⲱⲟⲩ ⲉ̀ϧⲣⲏⲓ ⲉ̀ⲁⲙⲉⲛϯ. ⲟⲩⲟϩ ϩⲁⲛⲕⲉⲭⲱⲟⲩⲛⲓ ⲁⲩⲧⲱⲟⲩⲛ ⲛ̀ⲧⲟⲩϣⲉⲃⲓⲱ
لا توجد ترجمة عربية
(ⲕ︦) ϩⲁⲛⲁⲗⲱⲟⲩⲓ ⲁⲩⲛⲁⲩ ⲉ̀ⲟⲩⲟⲩⲱⲓⲛⲓ. ⲟⲩⲟϩ ⲁⲩϣⲱⲡⲓ ϩⲓϫⲉⲛ ⲡⲓⲕⲁϩⲓ ⲡⲓⲙⲱⲓⲧ ⲇⲉ ⲛ̀ⲧⲉ ϯⲥⲃⲱ ⲙ̀ⲡⲟⲩⲥⲟⲩⲱⲛϥ. ⲟⲩⲇⲉ ⲙ̀ⲡⲟⲩⲕⲁϯ ⲉ̀ⲛⲉⲥⲙⲱⲓⲧ.
لا توجد ترجمة عربية
(ⲕ︦ⲁ︦) ⲟⲩⲇⲉ ⲙ̀ⲡⲟⲩϣⲟⲡⲥ ⲉ̀ⲣⲱⲟⲩ ⲛ̀ϫⲉ ⲛⲟⲩϣⲏⲣⲓ. ⲁⲩⲟⲩⲉⲓ ⲥⲁⲃⲟⲗ ⲙ̀ⲡⲟⲩⲙⲱⲓⲧ
لا توجد ترجمة عربية
(ⲕ︦ⲃ︦) ⲟⲩⲇⲉ ⲙ̀ⲡⲟⲩⲥⲟⲑⲙⲉⲥ ϧⲉⲛ ⲭⲁⲛⲁⲁⲛ. ⲟⲩⲇⲉ ⲙ̀ⲡⲉⲥⲟⲩⲱⲛϩ ⲉ̀ⲃⲟⲗ ϧⲉⲛ ⲑⲉⲙⲁⲛ.
لا توجد ترجمة عربية
(ⲕ︦ⲅ︦) ⲟⲩⲇⲉ ⲛⲓϣⲏⲣⲓ ⲛ̀ⲧⲉ ⲁⲅⲁⲣ ⲛⲏ ⲉⲧⲕⲱϯ ⲛ̀ⲥⲁ ⲡⲕⲁϯ ⲛ̀ⲧⲉ ϯⲥⲃⲱ ⲛⲏ ⲉⲧϩⲓϫⲉⲛ ⲡⲓⲕⲁϩⲓ. ⲛⲓϣⲟϯ ⲛ̀ⲧⲉ ⲙⲉⲣⲣⲁⲛ ⲛⲉⲙ ⲛⲓⲣⲉϥⲧϩⲫⲉϣϥⲱ. ⲛⲉⲙ ⲛⲓⲣⲉϥϧⲟⲧϧⲉⲧ ⲛ̀ⲧⲉ ⲡⲕⲁϩⲓ ⲫⲙⲱⲓⲧ ⲛ̀ⲧⲉ ϯⲥⲟⲫⲓⲁ. ⲙ̀ⲡⲟⲩⲥⲟⲩⲱⲛϥ ⲟⲩⲇⲉ ⲙ̀ⲡⲟⲩⲙⲉⲩⲓ ⲉ̀ⲛⲉⲥⲙⲱⲓⲧ.
لا توجد ترجمة عربية
(ⲕ︦ⲇ︦) ⲱ ⲡⲓⲥ̅ⲗ̅ ⲓⲥϫⲉⲕ ⲟⲩⲛⲓϣϯ ⲡⲉ ⲡⲏⲓ ⲙ̀ⲫϯ ⲟⲩⲟϩ ϥϭⲟⲥⲓ ⲛ̀ϫⲉ ⲡⲓⲧⲟⲡⲟⲥ ⲛ̀ⲧⲉ ⲡⲉϥϭⲫⲟ
لا توجد ترجمة عربية
(ⲕ︦ⲉ︦) ⲟⲩⲛⲓϣϯ ⲡⲉ. ⲟⲩⲟϩ ⲙ̀ⲙⲟⲛⲧⲉϥ ϧⲁⲏ. ϥϭⲟⲥⲓ ⲟⲩⲟϩ ⲟⲩⲁⲧϯϣⲓ ⲉ̀ⲣⲟϥ ⲡⲉ
لا توجد ترجمة عربية
(ⲕ︦ⲋ︦) ⲉⲧⲁⲩⲙⲓⲥⲓ ⲙ̀ⲙⲁⲩ ⲛ̀ϫⲉ ⲛⲓⲁⲫⲟⲡⲓ ⲛ̀ⲓⲟⲛⲟⲙⲁⲥⲧⲟⲥ. ⲓⲥϫⲉⲛ ϩⲏ ⲁⲩϣⲱⲡⲓ ⲉⲩⲟⲓ ⲛ̀ⲛⲓϣϯ. ⲉⲩⲥⲱⲟⲩⲛ ⲙ̀ⲡⲓⲡⲟⲗⲉⲙⲟⲥ
لا توجد ترجمة عربية
(ⲕ︦ⲍ︦) ⲛⲁⲓ ⲁⲛ ⲛⲉ ⲛⲏ ⲉⲧⲁϥⲥⲟⲧⲡⲟⲩ ⲛ̀ϫⲉ ⲫϯ ⲟⲩⲇⲉ ⲙ̀ⲡⲉϥϯ ⲛⲱⲟⲩ ⲙ̀ⲫⲙⲱⲓⲧ ⲛ̀ⲧⲉ ϯⲉⲡⲓⲥⲧⲏⲙⲏ.
لا توجد ترجمة عربية
(ⲕ︦ⲏ︦) ⲟⲩⲟϩ ⲁⲩⲧⲁⲕⲟ ϫⲉ ⲙ̀ⲙⲟⲛⲧⲟⲩ ⲕⲁϯ ⲙ̀ⲙⲁⲩ. ⲁⲩⲧⲁⲕⲟ ⲉⲑⲃⲉ ⲧⲟⲩⲙⲉⲧⲁⲧⲥⲟϭⲛⲓ.
لا توجد ترجمة عربية
(ⲕ︦ⲑ︦) ⲛⲓⲙ ⲡⲉⲧⲁϥϣⲉ ⲛⲁϥ ⲉ̀ⲡϣⲱⲓ ⲉ̀ⲧⲫⲉ ⲟⲩⲟϩ ⲁϥϭⲓⲧⲥ. ⲟⲩⲟϩ ⲁϥⲉⲛⲥ ⲉ̀ⲡⲉⲥⲏⲧ ⲉ̀ⲃⲟⲗ ϧⲉⲛ ⲛⲓϭⲏⲡⲓ.
لا توجد ترجمة عربية
(ⲗ︦) ⲓⲉ ⲛⲓⲙ ⲉⲧⲁϥϣⲉ ⲛⲁϥ ⲉ̀ⲙⲏⲣ ⲙ̀ⲫⲓⲟⲙ ⲟⲩⲟϩ ⲁϥϫⲉⲙⲥ ⲟⲩⲟϩ ⲁϥⲉⲛⲥ ϧⲁ ⲟⲩⲛⲟⲩⲃ ⲁϥⲥⲱⲧⲡ
لا توجد ترجمة عربية
(ⲗ︦ⲁ︦) ⲙ̀ⲙⲟⲛ ⲡⲉⲧⲥⲱⲟⲩⲛ ⲙ̀ⲡⲉⲥⲙⲱⲓⲧ. ⲟⲩⲇⲉ ⲙ̀ⲙⲟⲛ ⲡⲉⲧⲙⲉⲩⲓ ⲉ̀ⲛⲉⲥⲧⲁⲧⲥⲓ.
لا توجد ترجمة عربية
(ⲗ︦ⲃ︦) ⲁⲗⲗⲁ ⲫⲏ ⲉⲧⲥⲱⲟⲩⲛ ⲛ̀ϩⲱⲃ ⲛⲓⲃⲉⲛ ⲛ̀ⲑⲟϥ ⲉⲧⲥⲱⲟⲩⲛ ⲙ̀ⲙⲟⲥ. ⲟⲩⲟϩ ⲁϥϫⲉⲙⲥ ⲛ̀ϩⲣⲏⲓ ϧⲉⲛ ⲡⲉϥⲕⲁϯ. ⲫⲏ ⲉⲧⲁϥⲥⲉⲃⲧⲉ ⲡⲓⲕⲁϩⲓ ϣⲁ ⲡⲥⲏⲟⲩ ⲛ̀ⲧⲉ ⲡⲉⲛⲉϩ. ⲟⲩⲟϩ ⲁϥⲙⲁϩϥ ⲛ̀ⲧⲉⲃⲛⲏ ⲛ̀ϥⲧⲉⲫⲁⲧ.
لا توجد ترجمة عربية
(ⲗ︦ⲅ︦) ⲫⲏ ⲉⲧⲁϥⲟⲩⲱⲣⲡ ⲙ̀ⲡⲓⲟⲩⲱⲓⲛⲓ ⲟⲩⲟϩ ⲛ̀ⲧⲉϥϣⲉ ⲛⲁϥ. ⲁϥⲙⲟⲩϯ ⲉ̀ⲣⲟϥ ⲟⲩⲟϩ ⲁϥⲥⲱⲧⲉⲙ ⲛⲁϥ ϧⲉⲛ ⲟⲩⲥⲑⲉⲣⲧⲉⲣ
لا توجد ترجمة عربية
(ⲗ︦ⲇ︦) ⲛⲓⲥⲓⲟⲩ ⲁⲩⲉⲣⲟⲩⲱⲓⲛⲓ ϧⲉⲛ ⲛⲟⲩⲛⲁⲩ ⲛ̀ⲣⲱⲓⲥ. ⲟⲩⲟϩ ⲁⲩⲟⲩⲛⲟϥ
لا توجد ترجمة عربية
(ⲗ︦ⲉ︦) ⲁϥⲙⲟⲩϯ ⲉ̀ⲣⲱⲟⲩ. ⲟⲩⲟϩ ⲡⲉϫⲱⲟⲩ ϫⲉ ϩⲏⲡⲡⲉ ⲁ̀ⲛⲟⲛ. ⲁⲩⲉⲣⲟⲩⲱⲓⲛⲓ ϧⲉⲛ ⲟⲩⲟⲩⲛⲟϥ ⲙ̀ⲫⲏ ⲉⲧⲁϥⲑⲁⲙⲓⲱⲟⲩ.
لا توجد ترجمة عربية
(ⲗ︦ⲋ︦) ⲫⲁⲓ ⲡⲉ ⲡⲉⲛⲛⲟⲩϯ ⲛ̀ⲛⲉ ϣ̀ⲕⲉⲟⲩⲁⲓ ⲱⲡ ⲛⲉⲙⲁϥ
لا توجد ترجمة عربية
(ⲗ︦ⲍ︦) ⲁϥϫⲓⲙⲓ ⲙ̀ⲙⲱⲓⲧ ⲛⲓⲃⲉⲛ ⲛ̀ⲧⲉ ϯⲉⲡⲓⲥⲧⲓⲙⲏ. ⲟⲩⲟϩ ⲁϥⲧⲏⲓⲥ ⲛ̀ⲓⲁⲕⲱⲃ ⲡⲉϥⲁⲗⲟⲩ ⲛⲉⲙ ⲡⲓⲥ̅ⲗ̅ ⲫⲏ ⲉⲧⲁϥⲙⲉⲛⲣⲓⲧϥ.
لا توجد ترجمة عربية
(ⲗ︦ⲏ︦) ⲙⲉⲛⲉⲛⲥⲁ ⲛⲁⲓ ⲁϥⲟⲩⲟⲛϩϥ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲁϥⲉⲣϣⲫⲏⲣ ⲙ̀ⲙⲟϣⲓ ⲛⲉⲙ ⲛⲓⲣⲱⲙⲓ